Masuuliyiintii Degmada Tog-wajaale oo dhamaantood xil kii laga qaaday
iyo maamul cusub oo loo magacaabay
Aaden Muuse Cilmi
(Shiine)
Mayorka cusub ee magaalada Tog-wajaale
Hargeysa (TNN):- Gudoomiyihii degmada Tog-wajaale, Xaashi
Maxamed Cabdi, ku xigeenkiisii Maxamuud Sheekh Muuse Bookh iyo Xog-hayihii degmada C/naasir Xasan C/laahi
,ayaa xil kii laga qaaday
iyada oo la magacaabay masuuliyiin cusub.
Masuuliyiintan xilka laga qaaday, ayaa mudo dheer oo ku siman afar
sanadood iyo badh xil ka soo hayay, ayaa maanta oo taariikhdu tahay
8/4/2015 , xilka laga qaaday sida ku cad warqada xambaarsanayd xilka
qaadis iyo magaacaabis oo maanta ka soo baxday Wasaraa da Arrimaha Gudaha, kuna saxeexan yahay
Wasiir Cali Maxamed Warancade.
Masuuliyiinta xilalka loo magacaabay waxay kala yihiin:
Gudoomiye: Aaden Muuse Cilmi (Shiine)
G/Kuxigeen: Mursal Nuux Cisman
Xoghaye: Liban Maxamed Jibril
Waxaa xusid mudan in ay tahay markii u horaysay ee degmada Tog-wajaale loo magacaabo Gudoomiye Aadan
Muuse Cilmi (Shiine), oo ah
masuul qurbo joog ah, kaas oo la filayo in uu wax wayn ka badali
doono baahiyaha adeegyada bulshada ee degmadu u baahan tahay.
magaalada Tog-wajaale ayaa ah magaalo xuduudeed kulmisa Ganacsiga Geeska
Afrika, Som alilandna Dhaqaalaheeda door wayn ku leh , taasi oo
baahi wayn u qabta masuuliyiin aqoon leh, oo ku dadaala sidii loo
horumarin lahaa guud ahaan degmada Tog-wajaale.
|