Maxkamadaha Islaamiga
garabka Sheekh Shariif oo hanjbaad Culus oo
saaray
Iyadoo ay sii kordhayeen dhinacyada kala duwan ee kasoo horjeesanaya
saldhigyada ay Xoogaga Maxkamadaha garabka Sheekh Shariif ka dageen
Muqdisho ayaa afhayeen u hadlay waxaa uu sheegay in wixi hadda ka
danbeeyay aysan u dul qaadan doonin in afka ama adinka lagu weeraro
ayna la xisaabtami doonaan cid waliba.
C/Raxiim Ciise Cadow oo ku hadla magaca Howlgallada Maxkamadaha
Islaamka ayaa xalay sheegay in ay dhankooda ka daalleen
dhalleeceymaha u yimaada mar waliba oo tallaabo ay qaadaan,iyo sidoo
kale meel ka dhaca ka dhanka ah askartooda.
Waxaa uu sheegay in soo samreen intii ay samri karaan balse wixi
xilligan ka danbeeya cidna aysan ugu dul qaadan doonin ijaafeyn iyo
weerar,balse ay la xisaabtami doonaan cidii meel kaga dhacda sida uu
hadalka u dhigay.
Afhayeenku wuxu ka jawaabiyay warcelino ka yimid saldhigyada
Booliska oo ay dageen maleeshiyadooda,kuwaasi oo si kala gooni gooni
ah ay uga soo horjeesteen Guddiga Ganacsatada Bakaaraha,dawlada KMG
ah,iyo afhayeenka Al-Shabaab oo xusay in aan la isku mashquulin
saldhig qabsi ee lasii wado dagaalka.
Markacadey.net
|