Midawga Yurub iyo Maraykanka oo Madaxweyne Siilaanyo ku Hambalyeeyay
Furitaanka Ururada Siyaasada
Waxay ku dardaareen si la isku waafajiyo Diiwaangalinta la hayo iyo
Doorashada Dawladaha hoose inuu hawsha dadajiyo
Hargeysa(TNN)-Guddida Jihaynta Barnaamujka Dimuqraadiyadayntu
(Democratization Program Steering Committee DPSC) ee Midawga Yurub
iyo Maraykanku waxay qoraal isugu jira Hambalyo iyo Digniino u soo
direen dabayaaqadii bishii june ee aynu soo dhaafnay Madaxweynaha
Somaliland Axmed Maxamed Maxamud Siilaanyo.
Qoraalkooda waxay ku cabireen taageerada ay u hayaan go’aanka uu ka
qaatay talooyinkii ay soo siiyeen ee ahayd inuu furro Ururada
Siyaasada, hase yeeshee dhinaca kale waxay uga digeen inuu qaato
go’aankii ay kula taliyeen Guddidii tallo bixinta ee uu u saaraey
furista Ururada oo soo jeediyay inuu kala diro Golayaasha Deegaanka
isla markaana uu magacaabo Maayaro ku meel gaadh ah.
Qoraala Guddidaasi oo nuqul ka mid ah Waaheen helay waxa ay u
qornayd sidan:-
Midawga Yurub Waaxda u Qaabilsan Somaliland & Somalia Hay’adda USAID
Mudane Axmed Maxamed Maxamuud Siilaanyo
Madaxweynaha Jamhuuriyadda Somaliland
21 June 2011
Ujeedo: Hannaanka Doorashadda iyo Diiwaangalinta Codbixiyayaasha
Mudane Madaxweyne,
Guddida Jihaynta Barnaamujka Dimuqraadiyadayntu (Democratization
Program Steering Committee DPSC) waxay Somaliland ugu
hanbalyeynaysaa dhammaystirka hanaankii ka soo talabixinta
furashadda ururadda siyaasiga ah. Anagoo aragnay warbixintii Guddida
ka soo Talabixinta ee lagu baahiyey saxaafadda bishii June, 9 keedii
aadna ugu riyaaqnay soo jeedintoodii ahayd in la furo xayndaabka
siyaasadeed oo loo ogolaado ururo cusub oo siyaasadeed inay tartanka
ku soo biiraan, waana tallaabo muhim ah oo xidida u sii aasaysa
dimuqraadiyadda Somaliland.
Iyaddoo ay dawladdaadu imika waddo sidii loo fulin lahaa hannaanka
ka soo talabixineed, waxaanu jecelnahay inaanu kula wadaagno
caqabado iyo iyo dhawr waxyaalood oo ina horyaala oo ay tahay in
xisaabta lagu darsado.
1) Kulankii aynu yeelanay bishii February 2011, waa mid aynu isla
gorfeynay—inagoo arkayna in xog badan oo ka maqan diiwaangalinta
codbixiyayaasha hadda la hayo—in diiwaangalinta codbixyayaal
dheeraad ahi aanay suurtagal farsamo ahaan iyo dhaqaale ahaanba
ahayn mid suurtagal ah doorashooyinka dawladdaha hoose. Waxa kale oo
aynu sheegnay in markasta oo goor danbe la qabto doorashadda
dawladdaha hoose, ay sii adkaanayso in la adeegsado diiwaangalinta
la hayo imika. Waxaanay u muuqataa in ay adag tahay in la qabto
doorashadda dawladdaha hoose sannadka 2011 ka sida aad horeba ugu
sheegtay khudbadii aad ka jeedisay Baarlamaanka bishii February.
Haddaba, iyadoo maanka lagu hayo duruufaha kor ku xusan, waxaanu kuu
soo jeedinaynaa in loo soo gabagabeeyo hannaanka sharci iyo fulined
(xeerka xisbiyadda siyaasadda iyo xeerka doorashooyinka) sida ugu
degdega badan, si doorashooyinka loo qaban karo bisha ugu horraysa
ee sannadka 2012 ka, iyadoo la adeegsanayo diiwaangalinta
codbixiyayaasha ee imika la hayo. Mid kale oo tan barbar socota,
waxaanu doonaynaa in aanu taageero ka geysano istaraatijiyad
Komishanka Doorashooyinka iyo Wasaaradda Arrimaha Gudaha ay
sameeyaan hannaan diiwaagalineed oo bulshadda lagu diiwaangaliyo oo
joogto ah, si marka loo baahdo loogu dari karo diiwaangalinta
codbixiyayaasha doorashooyinka mustaqbalka.
2) Waxaanu la yaabnay markii aanu ogaanay in guddida ka soo
talabixintu ay soo jeediyeen in la kala diro golayaasha deegaanka oo
la soo magacaabo maayaro ku meel-gaadha. Tallaabadaasi maaha mid ku
jirta masuuliyadaha loo fidiyey guddidaas ka soo talla-bixineed.
Waxay u muuqataa tallaabo wax yeelayn karto daddaaladii
isku-tannaasuleed ee keenay in guddidan la magacaabo, waana mid
keenaysa halis ah inay yimaadaan murano siyaasadeed iyo kuwo sharci
oo keeni kara inay dib u dhacaan doorashooyinku.
Arrimahaas kor ku xusan oo dhammi, inkastoo ay yihiin kuwo aan wali
rasmi ahayn, in dib loogu laabto soo magacaabi
dii (halkii ay doorasho ku iman lahaayeen) maayaradu waa mid u
muuqanaysa tallaabo dib u dhac ah oo ku timid geedi-socodkii
dimuqraadiyadda.
Aad baanu ugu faraxsanahay in aanu qodobaddan si faahfaahsan ugala
hadalno dawladdaada. Haddaanu nahay Guddida Jihaynta Barnaamujka
Dimuqraadiyadaynta waxaanu jecelnahay in aanu sii wadno dabciga wax-dhisideed
ee ku saabsan wada hadalka aanu la leenahay dawladdaada, waananu sii
wadanaynaa taageeradda aanu Somaliland ka kaalmeynayno horumarka
dimuqraadiyadeed.
Hodan Hassan
Velentina Auricchio Madax ku Xigeenka, Xafiiska USAID u Qaabilsan
Soomaaliya
Madax-waaxeedka, Dawladdnimadda iyo Ammaanka
Waaxda Soomaaliya u Qaabilsan Midawga Yurub.
Qoraalkan ayaa wuxuu muujinayaa saamaynta ay qaadhaan bixiyayaashu
ku leeyihiin siyaasada Somaliland gaar ahaana xaga Doorashooyinka oo
ay dhaqaale ku bixiyaa
|