Munaasabad ilyartu is qabatay oo lagu wacyiga galinayay dadwayaha Gobolka Gabiley

Munasaab balaadhan oo ay soo qabanqaabiyeen Maamulka Gobolka gabiley oo lagu wacyi galinayay dadwaynaha Gobolka Gabiley ayaa saaka lagu qabtay Fagaaraha Khayriyada Gabiley,

waxaana ka soo qayb Badhasaabka Gobolka Gabiley Mudane Axmed Maxamed Aw cabdi (Xabiib), Maayarka Degmadda Aadan Muxumed Badde, Xildhibaanadda Golaha Wakiiladda ee Ka soo baxay Gobolka Gabiley,Gudoomiyaha Gudida Horumarinta Gobolka Gabiley Sh.Maxamuud Yuusuf X.Cabdi,Gudida Diiwaan galinta Gabiley, Xildhibaanada Golaha Deegaanka, Cuqaasha, Culimaa,udiinka, Caruurta, Dhalinyaradda, Haweenka iyo Dadwayne aad u fara badan.

Ugu horayn waxaa halkaasi Hadal kooban ka jeediyay Gudoomiyaha Gobolka Gabiley Mudane Maxamed Axmed aw cabdi (xabiib) waxaanu salaan diiran iyo hanbalyoba ku soo dhaweeyay dadwayihii iyo xildhibaanadii, cuqaashii iyo salaadiintii ka soo qayb gashay xafladaasi,waxaana ka mid ahaa hadalkiisa (waxan dhawaan safar ugu maqnaa wadamo ka mid ah qaarada yurub waxaan dadkii aan halkaa kula kulmay ugu faanayay, Gobolkaygu waa Gobolka ugu dadka badan leh, Ugu xoolaha badan leh,ugu beeraha badan leh mantana maan filayn inay dadka intan oo kaliya ah isu soo baxdo ee waxaan filayay inay dadka reer Gabiley meel ay kala joogsadaan la waayo oo aynu muujino kontonkii sanadood ee aynu Gobolnimada Raadinaynay, anigu waxaan caqliyaystay aabayaasheen iyaga oo Gobol raadinaya Maanta markaa waxay ahayd inaynu noqono Gobolka koowaad ama ka labaad, markaa waxaan dadwayaha leenahay diiwaan galintu maaha arin xisbi gaar ah dan u ah waa arin Somaliland oo dhan dan u ah, waxaanu wacyi galinta ka bilawnay arabsiyo saakana waxaanu Soo marnay dugsigii Sare ee timacadde waxaanay ardaydii aanu halkaa kala kulanay balan qaadeen inay ka qayb qaadanayaan diiwaan galinta ,

Badhasaabku waxaa kale oo uu sheegay inay cuqaasha iyo salaadiintu aad udadaalayaan oo ay dadkii ay masuulka ka ahaayeen hadh iyo habeenba wacyi galinta la dul taaganyihiin, barri

oo kale waxaanu tagaynaa kala-baydh ilaa wajaale waxaanu ubaahanahay Salaadiinta, Xildhibaanada, Wasiirada manta naga maqan,iyo cid kasta oo wadniyada garanaysa oo wax nala qabanaysa ayaanu ubaahanahay, waxaan iyagana leeyahay Ganacsatada oo aad moodo inay ka gaabiyeen doorkoodii iyagana fadhiga ka kaca oo ka qayb qaata hawlaha qaranka oo dan u ah dalkeena iyo dadkeenaba.

Badhasaabku mar uu ka hadlayay arinta Diiwaan galinta waxaa uu yidhi ( Komishanka waxaan ka codsanaynaa inay noo kordhiyaan Sanduuqyada si, ay dadkayagu dhamaan uga wada qayb qaataan, gobolku waa Gobol aad ubalaadhan waxaa kale oo aan uga digaynaa dadka ajaanibka inay ka digtoonaadaan inay isku dayaan diiwaan galinta waxaanu ku wargalinaynaa Ciidamada amaanku inay xabsiga utaxaabaan qofkii lagu qabto isaga oo ajnabi ufududaynaya arintaasi, mid kale ayaan dadwaynaha ka jaahil saarayaa waxaa suuqyada lasoo galiyay qofka is diiwaan galiya faro ayaa laga dhigayaa markaa hadii uu tahriibo waa la qabanayaa, waxaan idiin sheegayaa anigu yurub ayaan ku noolaa Todobadii sanee ugu danbaysay markaa waxaan idiin sheegayaa inaanay waxba ka jirin arintaasi waxaasi waa borobogaando waxaa sameeyay dad ka xun jiritaanka Somaliland meesha aad doonto ayaad iska dhiibi kartaa iskumana xidhna arinteena iyo taasi markaa dadka waxaanu ka codsanaynaa inay muujiyaan tiradda Gobolka ee saxda ah).


Waxaa isaguna halkaasi ka hadlay Maayarka degmada Gabiley Mudane Aadan Muxumed Badde

waxaanu mahad naq balaadhan usoo jeediyay dadwaynihii ka soo qayb galay xafladaasi, waaxaana sheegay inay manta tahay maalintii labaad ee ay dadwaynaha kala hadleen faagaaraha khayriyada, arabsiya ayaa kow ahayd maantana Gabiley ayaa ku xigta sidaas ayaana loo wada gaadhsiinayaa Gobolka oo dhan isaga oo hadalkiisa sii watana waxaa uu yidhi (maalintii arabsiyo aanu ka hadlaynay waxaan sheegay inay xildhibaanadu inaga maqanyihiin maantana waxaan tabayaa Wasiiradii ka soo jeeday Gobolka waxaana muhiima in dadka laga dhaadhiciyo jaaniskan aynu manta u helnay diiwan galinta, waxaa kale oo aan leeyahay Maanta goobuhu way inagu yar yihii waxaa la yidhi (70) todobaatan goobood ayaad leedihiin inaguma filna waanan ka hawl galaynaa waxaanu ubaahanahay 140 goobood si, aan qofna gaadhi loogu soo qaadin waxaan leeyahay komishinka hadii lanagu qiimeeyay degmo,

tiro gobolba ha noo eeginee tiradda dadka noo eega oo meesha aanu idin tusno ee dad joogo noo geeya sanaaduuqda)

waxaa kale oo uu sheegay Maayarku inay dumarku ku fiicanyihiin Codbixinta laakiin ay raguna ku liitaan qayil iyo wax kale ayay ku mashquulaan markaa waxaan idin leeyahay ka faa,iidaysta jaaniskan, waxaa kale oo uu sheegay inaynu ka digtoonaano dadka ajaanibka ee beereheena ka shaqeeya ee aan muwaadinka ahayn yaan la is odhon tirada ha inoo buuxiyaan ee halaga digtoonaado, qofka isku dayo inuu qariyo oo waraaq siiyo talaabo sharciga waafaqsan ayaa laga qaadi doonaa,

Waxaa kale oo uu sheegay Maayarku inay Goboladu tartamayaan laakiin aanay Reer Gabiley la tartamayn goboladda Cusub waxaanu yidhi( waxaanu la tartamaynaa Goboladii hore, golaha baarlamaanka waxaa lagu qaybsan doonaa Tirada dadka tusale ahaan manta xildhibaankeenu waxaa uu ku fadhiyaa 7000 cod iyo in kabadan qaarbaa manta ku fadhiya 700 oo gobolnimo wax ku qaatay, markaa tii xaqa ahayd ee aan ku dagaalamaynay manta ayuunbaynu gaadhaynaa markaa manta ninkii ka hadha ayaa dadka inaga reebay,ma dacwoon doono, maxkamad ma tagi karo, waxaa iman doonta waar kaar ma haystee hebeloow iraac oo idhaafi adigaa udhashay wadankee markaa walaalayaal waa maalin qaaliya ee aan ka faa,iidaysano) kaasi waxa uu ahaa Maayarka Gabiley oo kala hadlayay Fagaaraha khayriyada dadwaynaha reer Gabiley.

Waxaa iyaguna halkaasi ka hadlay Xildhibaanadda Golaha Wakiiladda ee ka soo jeeda Gobolka Gabiley oo kala ahaa Xildhibaan Xasan Cawaale Caynaan, Xildhibaan Ibraahin Axmed Haybe iyo Xildhibaan Cali Gabiley, waxaanay halkaasi hadalo duur xul ah oo ku saabsan wacyigalinta Diiwaangalinta ay uga soo jeediyeen Dadwaynihii soo doortay waxaanay sifaahfaasan ugu soo bandhigeen dadwayaha kaalinta ay ku leeyihiin diiwaan galinta iyo sida looga hawl galayo arintaasi waxaanay ku dhiiri galiyeen dadwayaha in manta lagu tartamayo tiradda dadka sidaa awgeed ay muhiim tahay in qofka kasta oo muwaadin ah oo ka soo jeeda Gobolku aanu lumin fursadan qaaliga ah,

Xafladaasi manta lagu wacyi galinayay dadwayaha reer gabiley oo aan loo kala hadhin waxaa iyaguna hadalo guubaabo, waano iyo wacyi galin isugu jira oo ku saabsan diiwaan galinta uga soo jeediyay halkaasi,Gudoomiyaha Gudida Horumarinta Gabiley Maxamuud Yuusuf X.Cabdi,

Chief Caaqil Cabdi Ciidle, Caaqil C/laahi qalinle, caaqil Cismaan Caynaan, Daa,uud Khayre kaahin, iyo Xasan Filfil oo ka mid ah odayaasha Gobolka,

Maamulka Gobolka Gabiley Waxay bilaabeen hawl qaran oo ay ku wacyi galinayaan dadwayahu inay fahmaan diiwaan galinta, waxaanay soo mareen arabsiyo, waxay ku xigsiiyeen gabiley oo ay saakana ardayda dugsiga sare ee timacade kala hadleen Fagaaraha Dugsiga Sare, iyaga oo Ku xigsiiyay Khayriyada Gabiley oo ay manta si balaadhan uga wacyi galiyeen dadwaynaha waxaanay sii wadi doonaan hawshaasi wacyi galinta oo ay barri mari doonaan kala baydh, wajaale ilaa iyo allaybaday laga gaadhayo.

 

Mustafe Abdikariin Ali
Mustafe Future
Gabiley News Desk
mccfuture@gabiley.net
gabileynews@hotmail.com