Kelmedii nadiifaan xushaa gabayga nuuroowe
Xalay baan niskii dhexe hurdada maanso naawilaye
Niyadaan ku daabacay tixdaan soo naqayn jiraye
Erayada naxwaa iyo murtida waanan naasiyine
Nuxurkeeda maansada hadaan nuurka ka cadeeyo
*****
Aadmiga naruuray u
tahay nabada waartaaye
Nugliyaha dhawaaqiyo haduu ololo naabaalku
Hubka noocba nooci i haduu uunka nabar yeelo
Ubad naaska nuugiyo haduu dumarka naafeeyo
Nag hadii ilmaa laga dhigoo naxashku ciirciiro
*****
Naftu way macaantee hadii laysu nixiwaayo
Nabad doonka reeruhu haduu nuuxsan kariwaayo
Nasab iyo nin daacad ah hadii nacab ku soo duulo
Naxligiyo nacaybshuhu haduu nudayga saameeyo
Naxdin baa ku naanaabisiyo nabar xanuun weyne
*****
Nimco male nawaaxiga
dagaal lagu naf waayaaye
Nabad baa aduunyada u wacan lagu negaadaaye
Waa nuur baxaayiyo ilays uunku naawilo e
Waa noloosha hoygeeda iyo guri naruuraade
Waa naqad nebdigu doonayiyo nuurad dheeman ahe
*****
Waa xoolo
nuuxnuuxsadiyo dahab la noolyaaye
Waa naas irmaan iyo xareed deeqa noolaha e
Waa roobka naacawda liyo malab la nuugaaye
Waa midho nuglaadiyo nabaad loo nasanayaaye
Waa naqa gugii soo bixiyo ubaxa nooceede
*****
Naxariista eebiyo hadana waa nas qaaliyahe
Noorwey nayuusiilaand iyo cidhifka nood boolka
Naaboli ilaa iyo nootigaam naasi faransiiska
Nayuu Yoog ilaa needalaand kuuriyada noodka
Nabalas najaaf iyo arliga meel nafaqo taallo
*****
Neebaal iyo
nagaasaaki iyo nalaal iftiimaaya
Naagalaand nayuu sawt ilaa keneda noodkeeda
Nabiibiyiyo nayjeeriyiyo gobolo naacaawle
Nawaaxiga Hargaysiyo ilaa sabada nayroobi
Ruuxii nasiiblaa dadkaba lagu negeeyaaye
Aduunyada nimcada eebe iyo nabad ku noolaada
*****
|