Nuxurka
Go'aamo Iyo Qodobo Laga Soo-saaray Shirkii Aqoon-yahanka Gabiley Uga
Socday Arabsiyo
Shirkii Aqoon-yahanka Gobolka Gabileya uga socday Hotel Dalxiis
Degmadda Arabsiyo ayaa......
Arabsiyo (TNN) - Shirkii Aqoon-yahanka Gobolka Gabileya uga socday
Hotel Dalxiis Degmadda Arabsiyo ayaa laga soo saaray qodobo ka
kooban sidii loo horumarin-lahaa deegaanadda Gobolka Gabiley.
Warsaxaafadeed ay soo saareen Aqoon-yahanka Gobolka Gabiley ayaa u
dhignaa sidan:-
"Shir-sanadeedka Aqoonyahanka ee Horumarinta Gobolka Gabiley ayaa
lagu qabtay Arabsiyo Sabti, 17kii November 2012. Shirkan oo
ujeeddadiisu ahayd dardargelinta horumarka Gobolka w uxu ahaa kii
kowaad ee noociisa ah wuxuna abaabulkiisu labadii bilood ee u
dambeeyey ka socd ay degmooyinka Gobolka iyo magaalada Hargeysa.
Waxa ka soo qaybgalay 100 ergey oo isugu jiray aqoonyahan,
culima-udiin, maamulka Gobolka, Jaamacadda Timacadde, ururada
bulshada iyo jaaliyadaha qurba-joogta. Intii uu shirku socday waxa
lagu soo bandhigay warbixino dhinac yo badan ah waxana lagu
lafo-guray baahiyaadka guud ahaan Gobolka ka jira, gaar ahaan kuw a
la xidhiidha beeraha, waxbarashada, caafimaadka, biyaha iyo
dhaqaalaha. Gebagabadii shirka waxa laga soo saaray baaqan 8 qodob
ka kooban oo la soo jeediyey in la hirgeliyo 2013ka.
1. In si dhammeystiran loo hawlgaliyo hay'adaha dawliga ah ee
Gobolka sida xafiisyada isu-du wayaasha wasaaradaha iyo hay'adaha
kale ee qaranka si Gobolku fursad ugu helo ka-qaybgalka khayraadka
dalka, mashaariicda horumarineed ee xukuumiga ah iyo kuwa bulshada
caalmkaba.
2. In dib-u-eegid iyo dardargelin lagu sameeyo Guddida Horumarinta
Gobolka oo udub-dhexaad u ah isku-duba-ridka hawlaha horumarinta ee
Gobolka.
3. Gobolka Gabiley oo caan ku ah wax-soo-saarka waxay aragtidiisa
fogi tahay soo-saarista cunto ku filnaan karta dalka oo dhan. Sidaas
daraadeed waxa loo baahan yahay in la sameeyo siyaasad iyo
qorshe-hawleed lagu horumarinayo beeraha dhinacayada farsamada,
kaabayashaa iyo suuqgeyntaba si looga hortago dhibaato ka soo gaadha
tartanka adag ee ka dhaxeeya wax-soo-saarka laga keeno wadamada
shisheeye.
4.Gobolka oo kaalin weyn kaga jira soo-saarista dakhliga dalka waa
in wixii uu sharcigu ogolyahay oo dhammeystiran dib loogu celiyo,
isla markaana la hubiyo in dhaqaalahaasi ku baxo mashaariic
horumarineed.
5.In la dhiso wadada isku xidha Kalabaydh iyo Wajaale oo ka kooban
18km isla markaana dib loo furo madaarka Kalabaydh.
6.In biyogelinta la gaadhsiiyo degmooyinka Allaybaday, Arabsiyo iyo
Wajaale oo biyo-yaraani ka jirto.
7.In wax laga qabto baylaho saameeyey waxbarashada degmooyinka
Gobolka, gaar ahaan fasallada dugsiyada oo buuxdhaafay una baahan in
la kordhiyo ugu yaraan 20% iyo Jaamacadda Timacadde oo u baahan in
la dardargeliyo dhismaheeda, la kordhiyo tirada macalimiinta, la
yagleelo gole sare oo rasmi ah kuwaas oo ka taageeri kara
qaadhaan-uririnta iyo khayraad-raadinta.
8.In Gobolka laga hirgeliyo nidaam caafimaad, la kordhiyo xarumaha
caafimaadka ee degmooyinka sida MCH-yada iyo Health Posts-ka, loona
hawlgalo sidii Gobolka looga qaybgelin lahaa mashaariicda
caafimaadka ee dawliga ah iyo kuwa hay?adaha caalamiga ah.
Qodobadan hirgelintooda waxa looga fadhiyaa in ay iska kaashadaan
cid kasta oo daneeye u ah arrimaha horumarinta.
Yuusuf Cismaan Garas
Afhayeenka Shirka Aqoonyahanka ee Horumarinta Gobolka Gabiley
|