| NUXURKA SHIRKA HORUMARINTA
GOBOLKA GABILEY- NOV 2014
HORDHAC
Waxaa ka dhacay 27-29-kii 2014 magaalada Gabiley ee xarunta gobolka
Gabiley Shirka Qorshaha Horumarinta Gobolka Gabiley (SQHGG), kaasi
oo lagu falanqeynayey qorshaha shanta sannadood ee horumarinta
gobolka Gabiley, shirkaasi oo ay ka soo qayb galeen: Badhasaaka
gobolka ,Gudoomiyayaasha degmooyinka gobolka,Isku-duwayaasha
hay’addaha dowliga ah,Hogaanka dhaqanka,Haweenka,
Dhalinyarada,Aqoonyahanadda ,Ganacsatada ,Beeralayd iyo Maclimiinta.
Shirka waxaa si wada jir ah u soo qaban-qaabiyey badhaasaabka iyo
aqoonyahanka gobolka Gabiley, waxaana marti galiyey degmada Gabiley
oo hormood ka yahay maayarka Gabiley. Shirkani wuxuu daba socday
shirweynihii horumarinta gobolka Gabiley ee ka qabsoomay magaalada
Arabsiyo dabayaaqadii sanaddii 2012-ka oo ay ka soo bexeen go’aamo
wax-ku-ool ahaa. Haddaba waxaan halkan ku soo gudbinaynaa qodobadii
ka soo baxay shirkii saddexda maalmood socday ee qorsha horumarinta
gobolka Gabiley, kuwaasi oo nuxurkoodu yahay sidan ku lifaaqan
hordhac
SHIRKU MARKUU ARKAY/TIXGALIYEY/AQOONSDAY/ KA BOGTAY/KA GARAABAY;
• Baahida weyn ee loo qabo in dib u eegis lagu sameeyo qorshihii
horumarinta gobolka Gabiley ee ay hore u soo saartay wasaarada
qorshaynta qaranku.
• Fursadaha horumarineed ee gobolka ka jira wakhti xaadirkan.
• Baaxada dhaqaale, wax soosaar, aqoonta kala duduwan ee bulshada
reer Gabiley sida; dhakhtarnimada, macalinimada, hal-abuurka
ganacsiga, kartiyaha iyo xirfadaha kale.
• Kaalinta laxaadka leh ee qurba-joogta gobolku ku leeyihiin
horumarintiisa.
• Mugga siyaasadeed iyo istaraatijiyadeed ee gobolku leeyahay.
• Himilada qaranka JSL ee 2030-ka, qorshaha shanta sanno ee qaranka
iyo qodobadii sideeda ahaa ee kasoo baxay shirkii hore ee Arabsiyo.
• Baaqa badhasaabka gobolka ee ajandaha horumarinta iyo niyadsamida
bulsho waynta gobolka, wuxuu isla qaatay
• Siday bulshadu ugu heelan tahay inay wax wada qabsato
• Isbedelada siyaasadeed, dhaqan-dhaqaale iyo bulsho, wuxuu
go,aamiyay qodobadan:
ARRIMAHA BULSHADDA
1) Shirku wuxuu ku talinyaa in aqoonyahanadda gobolka Gabiley in ay
ugu tabarucaan aqoontooda iyo wakhtigooda kale duwan
2) In dadwaynaha gobolku ay diiwaangelinta madaniga u soo baxaan
kuna baraarugaan muhiimada ay leedahay hawshani. Dhinaca kale waxaa
muuqata in waqtiga iyo goobaha diiwaangelinta midkood la kordhiyo.
QODOBADDA DHAQAALAHA
3) Shirku wuxuu ku diirsaday soona dhaweeyay go’aanka ay isla
qaateen haayada xidhiidhka iyo isuduwida cuntada ee dawlada
Somaliland (FCA), Maamulka gobolka Gabiley iyo WFP. Go’aankaasi oo
ahaa in haayada WFP ka iibsato cuntada ay soo saaraan guud ahaan
beeralayda dalka gaar ahaan beeralayda gobolka Gabiley.
4) Shirku wuxuu soo jeedinayaa sidoo kalana dhiirigalinayaa in
beeralaydu dhinacooda ka fikiraan iskana kaashadaan iyagoo la
kaashanaya dawlada sidii ay fursadaha uga faa’idaysan lahayeen una
kordhin lahayeen wax soo saarkooda.
5) Shirku wuxuu ugu baaqayaa golaha degaanka degmada Gabiley in
miisaaniyadooda ay uga qoondeeyaan: (b) Sanduuqa Horumarinta Gobolka
5% Miisaaniyadooda(t) Degmooyinka iyo tuulooyinka gobolka ay
taageero farsamo iyo maaliyadeed (j) Dhalinyaradda iyo Ciyaarahana
miisaanyaddu ay si cad wax-u-qoondeyso mudnaana siiso.
6) Shirku wuxuu ugu baaqayaa ganacsatada Somaliland gaar ahaan
ganacsatada gobolka Gabiley inay maalgashadaan gobolka Gabiley; gaar
ahaan dhinacyada wax-soosaarka beeraha, warshadaha yar-yar ee
farsameeya dalaga beeraha, dalxiisa iyo huteelada
QODOBADDA MAAMULKA IYO SIYAASADDA
7) In talooyinka shirkan kasoo baxay lagu kabo, daro, qorshihii
horumarinta gobolka Gabiley ee wasaarada qorshayntu gobolka u
samaysay si uu qorshahaasi u noqdo mid ay talo ku leeyihiin bulshada
G. Gabiley isla markaana ka jawaabo baahiyaha dhabta ah ee gobolka.
8) Samaynta gudida horumarinta gobolka oo qaab-dhismeedkeedu ka
duulayo mabda’a iskaashiga dadka iyo dawlada, horumar bulshada
hogaaminayso kuna salaysan wada tashi loo dhan yahay.
9) Waa in Guddida horumarinta loo soo magacaabo si waafaqsan
shuruucda dalka iyo nidaam ku salaysan maamul-wanaag iyo is la
xisaabtan.
10) In gobolka Gabiley oo magacawnaa muddo lix sanno ah, kadib
markuu magacaabay madaxweynihii hore ee Somaliland Mudane Daahir
Rayaale Kaahin, isla markaana buuxiyay dhamaan shuruudaha sharci ee
gobolnimo, in xukuumada uu hogaaminayo Mudane. Axmed Maxamed
Maxamuud Aadan (Siilaanyo) laga codsado inuu sida ugu dhakhsaha
badan sharciyada gobolka Gabiley u horgeeyo baarlamaanka
Jamhuuriyada Somaliland, taasoo qabyo-tiri doonta gobolnimada.
11) Shirku wuxuu ku talinayaa in sanduuqa horumarinta gobolka oo
hore loogu go’aamiyey shirweynihii Arabsiyo ee dabaqyaaqadii
sannaddii 2012-ka; laguna dhawaaqay badhtamihii 2014-ka degmada
Gabiley; maamulkiisana lagu lammaaneeyo masuuliyadaha gudida
horumarina gobolka.
12) In golaha deegaanka Gabiley meel uga soo wadajeestaan
masuuliyadaha loo igmaday. Waxaa kale oo shirku ugu baaqayaa in
goluhu dadwaynaha ka qaybgaliyo hawlaha qorshaynta horumarka guud
ahaan dejinta iyo helista miisaaniyada.
13) Shirku Wuxuu Soo jeedinayaa in Laga Qayb-qaato Dhismaha Wadada
Allaybaday, Garoonka Diyaaradaha ee Kalabaydh.
LIFAAQA 1AAD: QAAB-DHISMEEDKA GUDDIDA HORUMARINTA GOBOLKA GABILEY
(GHGG)
LIFAAQA 2AAD: MAGACYADDA XUBNAHA QABAN-QAABADDA EE AQOONYAHANKA
LIFAAQA 2AAD: MAGACYADDA MASUULIYIINTA DHINACA DAWLADDA
JSL/MADAXDHAQAMEEDKA
LIFAAQA 3AAD: QODDOBADA SHIR-WAYNIHII 2012 EE HORUMARKA GOBOLKA
GABILEY (ARABSIYO I)
LIFAAQA 4AAD: MASHAARIICDA
LIFAAQA 1AAD: QAAB-DHISMEEDKA GUDDIDA HORUMARINTA GOBOLKA GABILEY
(GHGG)
LIFAAQA 2AAD: MAGACYADDA XUBNAHA QABAN-QAABADDA EE AQOONYAHANKA
1. Ahmed Sh. Nour Dualeh (Ahmed Biito)
2. Hamse Abdirahman Khaireh
3. Siciid Saleebaan Muumin
4. Ahmed Mohamed Ahmed
5. Maxamed Xaashi Meecaad
6. C/fataax Axmed Ibraahim
7. Xuseen Maxamuud Maygaag
8. Sacad Maxamuud Jibriir
9. Muumin Daahir Kaahin
10. Maxamed Aadan Buuni
11. Sacad Riiraash
12. Dr. Jimcaale Daahir Cumar
13. Suhail Ibraahim Madar
14. C/naasir C/laahi Aw Cali
LIFAAQA 2AAD: MAGACYADDA MASUULIYIINTA DHINACA DAWLADDA
JSL/MADAXDHAQAMEEDKA
1. Mustafe Abdi Ciise (Shiine), Badhasaabka Gobolka Gabiley
2. Shucayb Maxamed Muuse, Maayarka Degmada Gabiley
3. C/raxman Nuur Abokor, Xoghayaha Dawlada Hoose ee Gabiley
4. Siciid Saleebaan Muumin
5. Shaafici
6. C/risaaq Sh. Muxumed Gaboobe
7. C/qani Nuux Ibraahim, Agaasimaha Waaxda Qorshaynta ee Dawlada
Hoose ee Gabiley
LIFAAQA 3AAD: QODDOBADA SHIR-WAYNIHII 2012 EE HORUMARKA GOBOLKA
GABILEY (ARABSIYO I)
LIFAAQA 4AAD: Mashaariicda
5-ta Mashruuc Ee Ugu Muhiimsan Kuna Jira Qorshaha Horumarinta
Gabiley
Mashruuca 1aad (Governance Pillar/Decentralisation)
Magaca Mashruuca
Mashruuca Dhamaystirka Sharciyadda Gobolka Gabiley
Faahfaahinta Mashruuca
Tani iyo markii madaxwaynihii hore ee JSL mudane Daahir Riyaale
gobolnimada u magaacabay Gabiley wax tallaabo ah oo looma qaadin
dhinaca dhamaystirka sharciyadiisa. Iyaddoo laga duulayo xaqiiqada
ah in gobolku buuxiyay dhamaan shuruudihii gobolnimo, ballanqaadkii
Madaxwayne Axmed Siilaanyo u sameeyay xilligii tartanka ololaha, iyo
fursadaha siyaasadeed ee waqti xaadirkan jira sida xeerka caasimada
ee golaha baarlmaanka horyaala, iyo guud ahaan jawiga siyaasaaded ee
waqtiga xaadirkan ka jirta guud ahaan dalka gaar ahaana gobolka waa
in baarlaamaanka la hor geeyaa lana dhamaystiraa sharciyadiisa sida
ugu dhakhsaha badan.
Muddada Mashruca
3 Bilood (December ilaa March 2014)
Faiidada Mashruuca
Isu-duwayaal gobolku yeesho; Awooodo maamul iyo maaliyadeed u soo
kordha gobolka; degmooyinkakale ee goboladda ee maamul daadejintu
gaadho isla markaana yeesha goleyaal degaan; iwm.
Qiyaasta Kharashka Mashruuc
Kharashyo maaliyadeed uma baahna. Waxaa loo baahan yahay in la
oofiyo ballan-qaadkii Gobolka loo sameeyay xilligii doorashada.
………………………………………………………………………………………………………………………………………………
Mashruuca 2aad (Social/Education)
Magaca Mashruuca
Mashruuca Dugsiga Tababarka Farsmada Gacanta Ee Arabsiyo
Faahfaahinta Mashruuca
Gobolka Gabiley oo ka mid ah goboladda Soomaalilaan kuwa ugu dadka
badan waxaa ku nool in ka badan 200,000 oo qof kuwaas in ka badan
60% ay da’adooda ka hoosayso 30 Jir taas oo hadaan la jihayn
dhibaato nabadgelyo oo aan laga waaqsan Karin keeni kari. Hadeertaan
waxaa guud ahaan gobolka iyo gaar ahaan degmadda ka jira rabshado
dhalinyaro oo ku salaysan kooxo kubadeed, xaafadeed iyo is-bahaysiyo
kale waxaa kuwaas u dambeeyay mudaharaadkii u dambeeyay ee degmada
ka dhacay kuna dhawaacmeen in ka badan 13 qof. Mashruucani dugsiga
farsamada gacanta ee Arabsiyo ayaa wuxuu mustaqabalka ogolanaayaa
ina ardayga aan waxbarashadda dugsi sii wadan kari ay yeesheen
xirfado ay ku-shaqaystaan kuna anfacaan noloshooda iyo ta
qoysaskooda. Sida ay sheegayaan masuuliyiinta waxbarashada gobolku
waxaa dugsiyada hoose/dhexe/sare ku jira in ka badan 20,000 arday
kuwaas oo haddii aan guntan xirfadayntood iyo shaqo abuuristeeda
mustaqbalkeedu mugdi gali doono.
Muddada Mashruca
1 Sano gudaheedada
Faiidada Mashruuca
Dhallinyaradda Gobolka Gabiley oo xirfada yeelata isla markaana
fursadahooda shaqo-helistu kordhaan; qoysaska badan oo noloshooda
wax-iska-bedelaan; rabshadaha dhallinyarada oo hoos u dhaca iyo
nabadgelyadda oo adkaata.
Qiyaasta Kharashka Mashruuc
$500,000
Mashruuca 3aad (Ec. Dev/Agri)
Magaca Mashruuca
Mashruuca Banka Tog-Wajaale
Faahfaahinta Mashruuca
Guud ahaan JSL ma laha dhul badan oo carasan ah kuna fiican wax-soo
saarka beeraha. Sida ay sheegayaan daraasadaha ay la sameeyay wax ka
yar 10% dhulka ku jira xuduudaha Soomaalilaan ayaa wax laga beeri
karaa lagana soo saari karo cunto ay quutaan dadka JSL ku dhaqani.
Waxaa wax xusid mudan in xataa dhulkaa aadka u yar misana aan laga
faaiidaysan waana sababta 23 kadib iyaddoo siyaasad ahaan xor ah,
aanay wali uga xoroobin cuntooyin deeqo ah iyo kuwa la soo dejiyo.
Haddaba Gobolka Gabiley oo 90% dhulka wax laga beeri karaa ku yaal
waa mustabalka cunto iyo nololeed ee guud ee reer Soomaalilaan.
Gobolka imika wax-soo-saarkiisu aad buu u hooseeyaa marka la
barbardhigo xiliyadda dawladii Siyaad Barre iyo mugga wax-soo-saar
ee uu yeelan karo gobolku. Taas waxaa sabab ah u arrimo badan balse
ay ugu muhiimsan tahay kaalintii siyaasadaha dawladnimo oo gaabis ah
iyo dhulkan banka Tog-wajaale oo bedkiisu dhan yahay in ka badan
5,000 hektar oo haba-yaraatee aan laga faa’iidaysan. Mashruucani
wuxuu si wax-ku-ool ah u hawl-gelinayaa khayradka intaas le’eeg ee
tan iyo intii JSL xorriyadeed la soo noqotay xanibnaa.
Muddada Mashruca
1 Sano gudaheedada
Faiidada Mashruuca
Wax-soo-saarka gobolka oo kordha; cuntadda dibadada inooga timaad
iyo ta deeqda ah oo hoos u dhacda isla markaana dalku ka ka gam’o
halista bad-xidhan dhaca ama hay’adaha oo dalka ka guura;
Somaalilaan oo amnigooda cunto sugmo; in ka badan 1000 shaqo oo
mashruucaasi u abuuro Gobolka iwm.
Qiyaasta Kharashka Mashruuc
$800,000
Mashruuca 4aad (Social Pillar/Youth)
Magaca Mashruuca
Mashruuca Mutadawiciinta & Shaqo-Qaranta Gobolka (Regional
Internship and National Service Programme)
Faahfaahinta Mashruuca
Gobolku wuxuu leeyahay khayraad kala duwan oo ay ka mid dad fara
badan oo aqoo kala duwan leh sida dhakhtarnimada, macalinimadda,
Injineerada, dhaqaaleyahano, iyo khibradlayaal kale. Sida kale
gobolka waxaa jooga dhalinyaro faradan oo xooga isla markaan
aqoontii jamacadeed iyo dugsiyo ba dhamaystay isla markaana
wax-shaqo ah aan ahayn balse u diyaar inay gobolkooda u huraan
muruqooda iyo maskaxdooda sidii ay dadkooda wax ula qaban lahaayeen.
Mashruucan wuxuu ka faa’iidaynaynaa khayraadkaas noocaas ee ilaahay
(SWT) si gaar u manaystay degaankan. Si dhabta ah arrintani waxay
ahayd in berry hore ay dhacdo balse si ficil ah loogama fikirn waan
taa hawsha mashruucani halka ay daaran tahay.
Muddada Mashruca
4 Sano (marka dambe wuxuu noqon doonaa mid waara oo joogta)
Faiidada Mashruuca
In si toggan looga faa’iideeyo maskaxaahaas iyo muruqaas ku duugan
dadka ka soo jeeda gobolka ee u diyaarka inay dalkooda wax taraan;
mashruuca wuxuu Gabiley ka dhigayaa Gobol isku-duuban dantiisa iyo
ta qaranka meel uga soo wada-jeedo; waxay dhalinyaraddu ka helaysaa
khibrad iyo waayo-aragnimo ka caawisa shaqo-helista; waxaa hoos u
dhacay rabshadaha, isticmaalka balwadaha iyo camal la’aabta
Qiyaasta Kharashka Mashruuc
$500,000
Mashruuca 5aad (Social Pillar)
Magaca Mashruuca
Mashruuca Caafimaadka Ee Gobolka
Faahfaahinta Mashruuca
Mashruucani wuxuu gobolka ka hirgeliyaa dhismayaal kala ah : 2
Xarumood oo Hooyadda & Dhallaanka ah (MCH) & Dhamaystirka Dhismaha
Dhakhtar Dhimirka; Hagaajinta Adeegyadda caafimaadka ee cisbitaalka
guud ee degmadda Gabiley; Tababaro Shaqaalaha la siiyo; iyo Gudidda
Caafimaadka Gobolka oo Laga dhiso.
Muddada Mashruca
6 Bilood
Faiidada Mashruuca
Adeegyada caafimaadka gobolka oo hagaaga; dhakhtar Gabiley oo hela
waadh cusub oo aad loogubaahi qabo imika; shaqaalaha oo tayada iyo
adeegoodu wacnaado iwm
Qiyaasta Kharashka Mashruuc
$300,000
|