Orad
Yahan Haysta Horyaalka Yurub ee Orodada 3000
Iyo 5000-Kun Oo Sheegay Inuu Ku Hawlan yahay Kor Ugu
Qaadida Sumcada
Somaliland Ee Caalamka
Maxmed Faarax waxa uu tilmaamay
in guulo muhiim ah uu ka gaadhay ciyaaraha isaga oo sheegay in
sanadkii 2006-dii uu ku guulaystay orodka 3000km.
Maxamed Faarax oo ka mid ah orodyahanada dalka Ingiriiska,
islamarkaana asal ahaan ka soo jeeda wadanka Somaliland ayaa
todobaadkan socdaal ku yimid magaalada Hargaysa.
Ciyartoygan oo ka mid orodyahandii dalka ingiriiska uga qayb galay
ciyaarihii olombiga ee ka dhaca shiinaha, islamarkaana ka qayb galay
tartamobadan oo caalami ah ayaa sheegay in uu ad ugu far san yaay
socdaalka uu hada ku joogo Somaliland ooah dalkiisa uu asal ahan ka
soo jeedo.
Mr.Maxamed Faarax oo shalay u waramayay saxaafada ayaa xusay in uu
wakhtigan ku hawlan yahay sidii uu sare ugu qaadi lahaa sumcada
Somaliland ku dhex leedahay beesha caalamka, waxanu intaa raaciyey
in uu sanadka dambe qorshaysanayo in uu dalka kadhiso xarun
ciyaarhanada lagu tababaro, taasi oo qayb ka qaadan doonta in ay soo
baxaan ciyaarhayano tayo leh oo dalkafaaiido u soo hooya.
Ciyaartoygan oo magaalada Gabiley ku dhashay 23 March 1983,
islamarkaana degan Magaalada London wuxuuna u ordaa Newham, Essex
Beagles iyo England, wuxuu soo dagay Ingriiska sannadku markuu ahaa
1997. Inta badan wuxu ordaa 3000m iyo 5000m. Guulihisii ugu
waaweynahaa waxaa ka mid ahaa. 2005 European Indoor Athletics
Championships- 3000m Lixaad buu galay 2006 European Cross Country
Championships kaalinta koobaad buu galay,isga oo bilad dahaba helay,
2006 European Championships in Athlectics - 5000m,kaalinta labad buu
galay, wuxuuna helay bilada naxaasta ah, 2006 Commonwealth Games -
5000m ( Kaalinta Sagaalaad ayuu galay), 2007 World Championships in
Athletics - 5000m (kaalinta lixaad ayuu galay.
Maxmed Faarax waxa uu tilmaamay in guulo muhiim ah uu ka gaadhay
ciyaaraha isaga oo sheegay in sanadkii 2006-dii uu ku guulaystay
orodka 3000km, isaga oo arrintaa sharax kooban ka bixinayana waxa uu
yidhi "Sanadkii 2006-da waxa aan guul ka gaadhay orodka 3000 iyo
5000-kun ee tartamada loo qabto dalalka Reer Yurub, waxaanan aad ugu
faraxsanahay in aan noqdo ninka haysta horyaalka Yurub ee orodada
3000 iyo 5000-kun," ayuu yidhi Maxamed Faarax.
Dhanka kale ciyaaryahankan ayaa sanadkan ka mid ahaa xidigii
nasiibka u helay in uu ka qayb galo ciyaarihii Olympic 2008 ee lagu
qabtay dalka Shiinaha, nasiib daro waxa uu sheegay in aanu wax guul
ah ka gaadhin ciyaarahahaas isaga oo sharaxaad ka bixinayana sidii
ay ciyaarahaasi ugu dhaceen waxa uu yidhi "Waxa aan nasiib u helay
in aan dalka Ingiriiska u metelo ciyaarihii Olympic-ga ee sanadkan
lagu qabtay dalka Shiinaha, waxaanan ahaa ninka xaga orodka ugu
dheereeyay ee markii sidaa siidhiigii loo afuufay hogaanka u qabtay
orodyahanadii kale, balse mar danbe ayay orodyahano iga da' weyni
xirfad iyo xeelad igu dhaafeen, laakiin waxaan odhan lahaa maan
yaraysan"
Wargeyska Jamhuuriya
|