QOYSKII
MARXUUM CIGAAL OO DAREEN CADHO AH KA MUUJIYEY
HADAL LAGA SHEEGAY XOGHAYAA UDUB
Qoyskii Alle ha u naxariistee
madaxweynihii hore ee Somaliland Mohamed Xaaji Ibraahim Cigaal ayaa
ka muujiyey dareen cadho leh hadalo la sheegay inuu yidhi Xoghayaha
guud ee xisbiga talada haya ee UDUB qoraal ay saxaafadda soo
gaadhsiyeen Qoyska Marxuum Cigaal kuna saxeexan yahay Cali Maxamed
Daa’uud Cigaal ayaa u dhignaa sidatan:
"Waxaanu u sheeegaynaa in aanay falaadhi gilgilasho kaga go’ayanin
iyo shir jaraa’id uu qabtaa toona wixii aad tirina aanad dafiri
Karin cadaymahoodiina laguu hayo Jariiradda jamhuuriyana xaal baanu
ka siinay aflagaadadaadii aad ku beeninaysay warkooda Jariiradu
waxba may dhimin ee wixii aad tidhi ayay qortay hadalo badan oo kaa
soo yeedhayna mudadaa yare e aad shaqadda xisbiga udub haysayna,
diiwaanka ayay kugu jiraan hadal xumadda oo aad cid walba ku
tilmaanto wax aan asal ahayn nasiib daro shirkii laalaysna waxa aad
ka lahayd xisbigani waa midhihii ina cigaal, maantana sidaa ayaad u
hadashay laakiin layaab ma lihidoo hadalka kaa soo yeedhay waa mid
lagu galiyye ama laguu laqimay , Oo nin reer jabuuti ah ayaad tahay
oo waxba kama taqaanid dhaqanka dadka reer Somaliland.
Dhinaca xukuumaddana waxaanu leenahay waa in aad canbaaraysaan,
hadalkaas aan meel loo da’in ee ka soo yeedhay xoghayaha Xisbiga
Udub haddii kale waxay noqonaysaa mid aad raali kaga tihiin.
Qoraalkan ayaa ka dabeeyey kadib markii ay dhawaan qortay wargeyska
Jamhuuriya in uu xoghayaa guud ee Udub uu sheegay in marxuum Cigaal
masuuliyada dagaalkii sokeeya uu lahaa taas oo uu beeniyayna
xoghayuu sheegayna in hadalkiisi la turjumay.
Togaherer
|