Saamaynta siyaasiga ah ee Shaandhaynta Xukuumadda Siilaanyo
Shaandhaynta xukuumadda Madaxweyne Siilaanyo in badan baa la sugayey
oo la saadaa lin ayey. Dad badan oo kala jaad ah ayaa sugayey. Run
ahaan bulshada oo dhan ayaa guud aha an sugeysey. Laakiin dano iyo
sababo kala duwan ayaa loo kala sugayey.Dano iyo sababo ah iyo
kuwa guudba way lahaayeen. Sabta oo ah dalka waxa ka dhacay
fashilaado siyaasadeed oo fara badan iyo dhibaatooyin is dul fuulay
oo aan midna la xallin ama xalkeeda la dhammays tirin. Waxaas oo
dhan xallintooda iyo
furdaamintooda waxa laga dhowrayey inay ka soo bixi doonaan
shaandhayntan muddada la saadaalinayey.
Shaandhaynta waxa laga filayey inuu Madaxweynuhu ku muujiyo inuu si
toos ah uga weecday waddadii hore ee uu ku huggaaminayey dalka Waxa
lag filayey inuu yaqiinsado in jidkii hore ee uu dalka ku wadey soo
oodmay. Waxa lag eegayey inuu xal u raadiyo oo xakameeyo
musuq m aasuqa xadhkaha goostay eelala sii kala jeestey.Waxa laga
naawilayey inuu huga saaro qab yaaladdan foosha xun ee
marya-dhigatay.Waxa la moodayey inuu u soo jeestey sidii uu wax uga
qaban lahaa carruurta tahriibta ku madhatay, shaqo-la anta,
sicir-bararka maceeshadda iyo ammaan-darrada baahdey. Waxa laga
filayey inuu culayska saari doono midnimada dalka iyo dadkaba oo
marxaladda lagu jiro shardi asaasi ah u ah u noqotay jiritaanka
Somaliland.
Waxa laga rajeynayey inuu dalka ku soo dabbaalo ku
dhaqanka sharciga iyo distoorka.Waxa la filayey inuu muujiyo aragti
cusub, hindise cusub iyo rajo cusub. Waxa laga dhowrayey inuu dib u
jaleeco oo saxo ama furdaamiyo khaladaadkii uu hore u galay. Waxa
laga dhowrayey inuu fuliyo ballamihii uu shacabka u galay, kuwii
ururrada u galay iyo kuwii uu cid kale u galay ba.Waxa la filayey
inuu saaxadda soo geliyo dad cusub oo aragti cusub, aqoon iyo
khibrad leh, isla markaan meesha ka saaro kuwii hore u fashilmay.
Maxay soo kordhisey shaandhayntu? Wax soo kordhisey.Laakiin ma ah
wax badan. Mana ah wax waxba ka beddelaya sawirka guud ee siyaasadda
dalka.Ma ah wax ku waajihan ama abbaarran wax ka qabadka
dhibaatooyinka kor ku xusan. Mana wax muujinaya inuu Siilaanyo ka
weekday jidkii uu hore u hayey. Haddii eray keilya lagu sifayn karo
waa kufaa-kac. Haseyeeshee bal aan wax yar is dul taagnay is
beddellada ka iman kara shaandhaynta cusub.
Ugu horrayn waxan soo qaadan laha isbeddelka ku yimi wasaaradda
khaarajiga. Sida lala wad socdo, fashilaadda ugu weyn u ku dhacday
Xukuumadda Siilaanyo iyo Somalilandba waxay ka timid arrimaha
debedda. Xidhiiddho adag oo badan ayey ka dhaxashay Xukuumaddii
Dahir Ri yaale. Maanta xadhig kaxidhani ma jiro. Taageeradii debedda
ee Somalilandna way soo gudha y. Waa xiqiiqo muran ma doon. Ah.
Faallo badan uma baahna fashilaadda siyassadda arrimaha debedda ee
xukuumadda Siilaanyo.Arrintaas badankeeda waxa loo aanaynayaa
Wasiirkii hore ee khaarajiga M.A.Omer. In la beddelaa waa isbeddel
togane ah. Waana la soo dhoweynayaa. Dhinaca kale wasiirka cusub ee
Arrimaha debedda M.Bixi Younis waa nin aad loo tuhunsan yahay,
inkasta oo uu ku cusub yahay Somaliland iyo siyaassaddaba guud
ahaan. Waxa lagu tuhunsan yahay aqoon iyo khibrad ballaadhan oo
xidhiidhka debedda ah. Cabsida keliya ee jirtaa wxay tahay inuu la
qansan kari waayo duruufaha. Isagana si xoog leh ayaa loo soo
dhoweynayaa.
Isbeddelka labaad ee muhiimka ahi waxa lagu tilmaami karaa wasiirkii
daakhiliga oo xilka laga qaaday. Arrintaas waa filayey. Waayo
fashilaadda siyaasadda arrimaha gudaha ee Xukuumad da Siilaanyo waxba
kama sahlana tan ka timid siyaasaddiisa arrimaha debedda.Fashilaadda
badankeeda wasiirka ayaa lagu xidhiidhinayey. Beddelkiisa waana la
sugayey waana la soo dhoweynayaa. Cali waran Cadde waa nin ka
waayo-aragsan lana deggan wasiirkii hore. Mana laha xidhiidho lagu
tuhunsanaa wasiirkii hore. Waxa la filayaa inuu wax badan ku soo
kordhin doono siyassadda arrimaha gudaha oo aad u dhaawacan. Waxase
is weydiintu ka imanaysaa, miyaa Kulmiye laga waayey cid lagu
aammino wasiirka arrimaha Gudaha. Mise waxay mar kale muujinaysaa
sida xukuumadda Siilaanyo ua fogaanaysao xisbi xaakumka. Saddexdii
wasiir uu u kala dambeeyey wasaaradda arrimaha gudaha midkoodna ma
ahayn Kulmiye. Mise Madaxwe ynuhu wuxu rabaa inuu abuuro xukuumad
wadaag ah-Coalition government. Fekred xun ma ah inuu sameeyo dawlad
sal ballaadhan. Waayo hadda dawladdiisu salba ma laha.
Marka saddexaad waxa aad loo soo dhoweynayaa labada gabdhood ee
xukuumadda ku soo biiray. Waa laba gabdhoo oo aad loo
yaqaan.Labaduba waa hawlkar, waa daacad waa dad tayo leh. Talada
gabdhahaasi ma laha waxay ka soo dhalatay socdaalkii Madaxweynaha ee
Mareekanka. Si kasta ha ahaatee, iyagana waa la soo dhoweynayaa.
Shaandhayntu waxay soo kordhisey intaa kama badna. Haddii laga tegi
waayo, waa loo baah naa in Xaglotoosiye la geeyo wasaarad halkii uu
joogey ka muhiimsan. Waxbase ka tari may sao arrinta Buhoodle iyo
gobollada bariga midna. Too little too late. Dhinaca kale marka laga
eego, wasiirkii hore caafimaadku wuxu ka mid wiirrada sida gaarka ah
uga aammaanan xukuu madda Siilaanyo.Haddii ay xukuumad Siilaanyo ku
faani karto waxqabad, Dr Xuseen Xoog wuxu ka mid ahaa dhowrka wasiir
ee farta lagu fiiqi karo.Nin shaqadiisa ku eeg,wax bandanna ka
taray, horuumar muuqdana kaga tegey. Xaggee loo soo maray.Anigu
garan mayo, laakiin mid keliya ayaan ogahay ? Xoseen Xoog ka mid ma
ahayn wasiirrada Madaxtooyada ku bad an. Nin mashquul ah ayuu ahaa.
Laga yaabee in intaas laga raacay. Waan ka xumahay umm adduna wey
tebeysaa hawshii uu u hayey.
Xaabsade Rukun culus ayuu u ahaa deegaannada gobollada bariga. Ninna
lama miisaan aha inta ku jirta xukuumadda iyo Golayaasha kale.Nin
culus ,waayo-arag ah oo magaciisu wax gooyo ayaan u aqaan. Erigiisu
dhaawac buu ku yahay Somaliland. Dr Maxamoud Sicid Gacamey, isaguna
sidoo kale nin culus buu ahaa. Nin aqoon iyo waayo-aragnimoba leh
ayuu ahaa. Waxan u arkaa tayo ka dhimantay ama ka dhacday xukuumadda
Siilaanyo.
Shaandhayntu, marka intaas laga yimaaddo, waxay wadciga siyaasiga ah
ee dalka ka beddeli kartaa,sida san, ma jirto. Inkasta oo rag badan
hadda ku soo biirey xukuumadda aanan xumaan iyo karti dorro mid ku
sheegi Karin, sababta oo ah ama ma aqaan, ama xil hore oo aan ku
qiyaasi karo ayaanay soo qaban, hadda mid baa iska cad. Waxay ku soo
kordhin karaan waa xaddidan tahay. Kama badnaan karto intii
Dr.Xuseen Xoog qabtay ee haddana lagu eryey. Sidaa darteed,
saamaynta ay yeelan kartaa waa tabane.
Maxaa haddaba laga dheehan karaa Shaandhaynta?
Anigu waxa is leeyaha:
1. Waxay muujisay inay maantana beenowdey ballan kale oo ka mid ah
ballamihii Siilaanyo um madda u qaaday oo ahayd inuu sameeyo
xukuumada tiro yar oo tayo badan.Waayo tani waa xukuumad tiro badan
oo tayo yar.
2. Waxa kale oo caddatay in fekerka keliya ee madaxtooyada yaallaa
uu yahay qabyaalad aan maryo sidan fekrad kalena lahnayn.
3. Waxa muuqatay in musuq maasuqu aanu ahayn wax xukuumaddu wax ka
qaban kari weyd ey,
4. ama indhaha ka qarsatay, balse uu ka mid yahay ujeeddooyinka
asaasiga ah ee ay leedaha y, maaddaama, dadkii lagu tuhunsaa
badankoodu ay weli meesha joogaan, weliba talada wax ku leeyihiin.
5. Waxa soo xoogeystey tuhunkii ay dad badani horeba u qabeen ee
ahaa inaan Madaxweynu hu , sabab kastaa ha jirtee, talada dalka
gacanta ku wada hayn; inay jiraan dad aan la doora n oo awoodihii
Madaxweynaha fulinayaa.
6. Waxay ka marag kacday inay jiraan dad lama-taabtaan ah.Waxa si
aan shaki lahayn uga m uuqday shaandhayntan fekerkii, caliyadii iyo
dadkii Wasiirka Madaxtooyada.Waxay dad badani filayeen in isaga
laftiisu raaco shaandhaynta.Kaaf iyo kala dheeri. Dadkaasi xog badan
ayaan ay ka hayn madaxtooyada iyo sida taladu ug soo go'do. Dadkaasi
waxa laga yabaa inay had da ku qanci doonan wax dad badani hore ugu
qanceen.
7. Waxa caddaatay xukuumadda Siilaanyo in wax ka dhaca mooyiye aan
waxba u soo kordha yn. Taasina waxaiy sii kordhinaysaa werwerkii ay
ay dadku qabeen dhaxalka ay ummadda uga tegi doonto.
Waxa caddaatay inay jiraan dad lama taabtaan ah, waxa caddatay inay
Qabyaaladdu tahay fekerka keliya ee meesha yaalla,waxa caddaatay
inaan Madaxweynaha iyo Xirsi midkoodna weli yaqiinsan arrinka laga
hadlayo.
Waxa caddaatay in mususq maasuqu ka mid yahay ujeeddooyinka
rasmiga ah ee xukuumddu leedahay,waxa caddatay wixii la sheegayey
oo dhan inay run yihiin.Waxay muujisay inaan xu kuumadda wax ka dhaca
mooyiye waxba u soo kordhayn. Waxa caddatay inaan xukuumadda ni tamar
iyo awood midna u lahayn inay xalliso ama furdaamiso gefka ay iyadu
gasho iyo mashakilka bulshada haysta midna.
Ibrahim Jama
raitejama@yahoo.com
|