Shiikh Aadan Siiro oo
deeq lacageed oo ay soo direen haweenka Ku
nool magaalada London gudoonsiiyay dadkii Ku waxyeeloobay
qaraxyadii 29 October Ka Dhacay Hargaysa
Maxamed Cumar Carte iyo Sheekh Aadan Siiro
Munaasibad tacsi ah oo markale
loo sameeyey dadkii ku dhintay iyo kuwii dhaawacyadau ka soo
gaadheen qaraxyaddii lala beegsaday caasimada Hargeysa 29kii bishii
hore, isla markaana loo qaybiyay lacag ay soo direen jaaliyada
haweenka reer Somaliland ee ku dhaqan London ehlada dadkii ku
waxyeeloobay qaraxyadaas ayaa maanta lagu qabtay Hudheelka Maansoor
ee magaalada Hargeisa.
Sheekh Aadan Xaaji Maxamuud
Xiirey oo ka mid ah cullimada waaweyn ee dalka isla markaana dedaal
dheer u galay siddii loo taakulayn lahaa dadkii dhibanaayasha ahaa
ee dhibaatooyinka dhaqaale iyo nafeedba ka soo gaadheen qaraxyadii
naxdinta badnaa ee ay ku dhinteen kuna dhaawacmeen dadka tirrada
badan ayaa saaka guddoonsiiyey dadkaas lacag gaadhaysa Siddeed kun
iyo boqol doolar oo ay soo direen haween ka mid ah Jaaliyada reer
Somaliland ee ku nool Cariga Ingiriiska
Sheekh Aadan Siiro oo hadal kooban ka jeediyey munaasibadii loo
sameeyey bixinta deeqdaas ayaa ammaan balladahn u soo jeedoyey
haweenka lacagaas soo direy oo uu sheegay in ay yihiin haween tirro
yar oo degan gobol ka mid ah Ingiriiska Waxaanu yidhi:
“Ugu horeyn waxaynu ku mahadinaynaa nabbada aynu hayno ee meeshan
aynu ku wada fadhino. Marka xigta waxaan u mahadinayaa Hablaha gobol
Ingiriiska ka mid ah degan ee runtii tirro kooban ah ee isa soo
xilqaamay ee lacagtaas aynu maanta bixinayno oo 8100 soo direy.”ayuu
ku bilaabay Sheekhu hadalkiisa.
Sheekh Aadan waxaa uu sheegay inuu aad ugu qanacsanyahay in
Somaliland noqoto dal xor ah, isla aanay jirrin cid ka joojin karta
in dalka shareecad lagu xukumo, waxaana uu yidhi “Anigu waxaan ahay
dadka aadka ugu qanacsan Somaliland inay noqoto dal xor ah.
Masaajidka gudiiha ayaan ka sheegaa in shareecad lagu xukumo si
tartiiba. Maaha shareeco qasaba oo nin qori sitaa oo dadka
gaalaynayaa uu dadka ku laynaayo, balse ah mid fudud oo sida ugu
fudud loo fulinaayo, hantida iyo talladana ay dadku u simanyihiin,
cadaaladi ay ka jirto. Intaasi waa inta aanu ku taageersanahay in la
dhiso dawlad noocaas ah.”
Sheekhu waxaa uu ku dheeraaday tilaamana ka bixiyey qaabka iyo
waxyaabaha looga baahanyahay dawlada uu sheegay “ Dawladnimada aan
ka hadlayaa waa in adiga lagu daryeelo, cadaalada aad hesho,
caruurtaadu ay hesho nabbadgelyo, caafimaad, waxbarasho iyo diin.”
Dhanka kale Maxamed Cumar Carte oo wakiil ka haa wasiirka arrimaha
gudaha Somaliland oo madasha hadal kooban ka jeediyay jeediyey ayaa
mahadnqa ballaadhan u soo jeediyey haweenka lacagtaas soo direy ee
ku dhaqan Ingiriiska, waxaana uu sheegay inay fursad qaaliya u tahay
haweenkaasi inay kaalintooda ka qaataan taakulaynta walaalahooda
dhibaatadu ka soo gaadhay dhibaatadii dalka ka dhacday.
Maxamed Cumar waxaa uu u soo jeediyey shacbigu inay feejignaan
dheeraada oo dhimaca nabbadgelyada ah la yimaadaan, maadaama buu
yidhi la gelaayo diwaangelintii iyo bixintii kaadhadhka aqoonsiga
isla markaana la xusuusnaado ayuu yidhi wixii inna soo maray si
aanay mar danbe u dhicin.
Inaas ka bacdi waxaa la gudoonsiyay deeqda lacagta ah ee ay soo
direen haweenka muwaadiinta ah ee ku dhaqan Magaalada London ee
dalka Ingiriiska, waxa qof kastaana uu qaatay 880,000 kun oo SL
Shillind ah.
Source:SDWO
Lacagtii oo dadka la gudoon siinayo
|