Shir ay Ku Kulmeen
Ergo u Socota Xalinta Mas haq adii Ka Dhacday
Dawga Kalabaydh iyo Odayaasha
Gobolka Gabiley
“Ergadayadu waa ergo ilaahay, ergo nabaddoon ah baanu nahay, ego wax
wanaagsan la socotaanu nahay, ergo idinka wax wanaagsan idinla
doonaysaanu nahay, ergo xumaanta idiin diidaysaanu naha, ergo dab
idinka bakhtiinaysaanu nahay,... Suldaan Axmed Daahir
Gabiley (Longlivesomaliland News)-Ergo iskugu jirta Salaadiin,
Cuqaal, Culamaa,u diin, Aqoonyahan, Shacab iyo Dhalinyar ayaa saaka
soo gaadhay magaalada Gabiley ee Xarunta Gobolka Gabiley halkaasi oo
ay kula kulmeen odayaasha iyo Salaadiinta gobolka Gabiley oo ay usoo
bandhigeen barnaamijka ay doonayaan inay ku xaliyaan khilaafka u
dhexeeya labada Gobol ee Gabiley iyo Boorame iyo sidoo kale inay
reer gabiley ka doonayaan kafaala qaadka arinkii foosha xumayd ee ka
dhacay wadada isku xidha labada Gobol.
Waxaa ergadii halkaa ka hadashay ka mid ahaa Suldaan Samaale oo
dadka reer Gabiley ku guubaabiyay in laga wada shaqeeyo nabada iyo
sidoo kale in ergadaa intaas oo qaybood leh ee maanta halkan socotaa
ay reer Gabiley uga fadhiyaan in ay kala hadlaan arintii ka dhacday
jidka u dhaxeeya magaalooyinka Kalabaydh iyo Dila. Waxaana
hadaladiisii ka mid ahaa “Maanta waxaan ergo u nahay reer Gabiley,
waxaan ergo u nahay wixii halkaa ka dhacay walaalkayo ayay ka timid
markaa, haday walaalkayo ka timidna dee waa inaynu u soo gurmano.
Waxaa weeyi walaalkaa haduu gardaran yahay inaad qabato wuxuu ku
quman yahayna aad ku taageerto”.
Wuxuu sheegay in wixii halkaa ka dhacay uuna dhaqankeena ahayn, oo
diinteena ahayn, oo dadnimadeena ahayn. Waxaanu yidhi “Maanta waxaa
rabnaa in dilkaa dhacay wixii uu ku bogsan lahaa aad keentaan. Ree
gabileyoow maanta waxaan halkan idiinka fadhinaa.
• Dilkaa dhacay ciddii ay ka timid in lasoo qabto
• Hanti wixii halkaa lagu qaadayna inaad keentaan iyadana waan
idiinka fadhinaa
• In xabad joojini dhacdo oo inamadeenii halkaa joogay aad kasoo
saartaan oo aanay xabad danbe dhicin oo hada gacanta laga saaro
ergada hadday suurtogal noqon waydana sida ugu dhakhsaha badan”.
Waxaa kale oo halkaasi ka hadlay Suldaan Barre Xaaji Xuseen oo
sheegay in dhibaatada maanta halkaa ka dhacday ay soo taxnayd mudo
dheer, maantana waxaa dhacday tii ugu danbaysay oo dhibteeda,
ceebteeda iyo khatarteeday leedahay.
Suldaan barre waxaa kale oo uu intaas ku daray in aanay ergadaa
maanta Dawladina soo dirin, xisbina soo dirin, ee ay iyagu iskood
iskusoo abaabuleen oo ay u dibjirayaan sidii ay labadaa beelood ee
walaalaha ah u dhexdhexaadin lahaayeen, arintaas wadada ka dhacday
xalkeeda loo heli lahaa.
Xaaji Siciid Aadan Guuleed Oo isna sheegay in ujeedada ergadani ay
tahay wixii hore u dhacay si wanaagsan oo islaax ku jiro looga xaalo
iyo sidoo kale in reer Somaliland ku caano maaleen nabada iyo
daganaashaha oo ah takaliya ee maanta ay kaga duwanahay somalida
koonfureed.
Inaynu isku nimaadno waxay dhacayna laga wada hadlo, waxa cusubna la
joojiyo, lagana wada hawlgalo. Anagu waxaanu nahay dadkii dhaqanka,
culamadii iyo shacabkiii damqashaana meesha na keentay, taas oo naga
lilaahiya ayaan maanta idiin la soconaa?. Dhaliisu wixii meesha la
isku haysto ka dhacay maaha oo dee waa la idin ogaa inaad halkaa ku
dagaalamaysaan laakiin waxa la idinku haystaa wixii wadadaa ka
dhacay”
Suldaan Axmed Daahir oo isna ka mid ah ergada guud ee Somaliland ee
doonaysa inay dhexdhexaadiso oo nabad ka dhaliso beelaha walaalaha
ah ee ku muransan deegaanada u dhexeeya Ceelbardaale iyo Dila.
“Ergadayadu waa ergo ilaahay, ergo nabaddoon ah baanu nahay, ego wax
wanaagsan la socotaanu nahay, ergo idinka wax wanaagsan idinla
doonaysaanu nahay, ergo xumaanta idiin diidaysaanu naha, ergo dab
idinka bakhtiinaysaanu nahay, ergo naxariis iyo nabad idinla
doonaysabaanu nahay. Ree Gabiley waxaanu leenahay cidda wax xumaysay
waa idinka, haday inamadiinu wax sameeyaan cidda soo qabanaysaa waa
idinka oo laga yaabo inaydaan xataa waxba ka ogayn oo aad ka
xuntihiin. Maanta markaa waxaan idin leenahay arintaa idinkaa la
idiinka fadhiyaa inaad xalkeeda keentaan ood asoo qabataan cidii
falkaa gaysatay”. Sidaa waxaa yidhi Suldaan Axmed Daahir.
Dhinaca kale waxaa iyaguna gabogabadii shirkaasi jawaab ka bixiyay
hadaladii ergada u socota nabadaynta labada beelood ee walaaha ah
Suldaanka Guud ee gobolka Gabiley suldaan Ismaaciil Suldaan C/raxmaan
iyo Caaqilka Guud ee Gabiley oo labaduba aqbalay go,aanada ay u
wadaan ergadu.
Shirarka lagaga hadlayo muranka dhulka ee mudada dheer soo taagnaa
ayaa maalinba maalinta ka danbaysa sii xoogaysanaya. Mana kii ugu
horeeyay laga galo arinta shaqaaqada Ceelbardaale.
Weriye Nimcaan Dheeg Ibrahim
Longlivesomaliland News Desk
Gabiley Somaliland
|