Shirgudoonka
Golaha Wakiilada Somaliland oo ka qayb galay
Xafladii Xidhitaanka Tartankii Kubada
Kolayga ee Garoonka Timacadde
Hargeisa (Longlivesomaliland
news) Munaasabad Balaadhan oo la sameeyay Xafladii Xidhitaanka
kubada kolayge Bisha Ramadaan ee Garoonka Timacadde oo sanadkan
Loogu Magacday Mujaahid Gacmo dheere ayaa Xalay Lagu Qabt ay
Garoonka Timacadde ee magalada hargeisa.
Xafladaasi oo ay ka soo qayb galeen Shirgudoonka Golaha Wakiilada,
Agaasi maha Guud ee Wasaarada Dhalinyarada iyo Ciyaaraha,
Gudoomiyaha Xidhiid hka Kubada kolayga, Kooxa Ciyaaraha kubada
Kolayga, Gudoomiyaha Warge yska Jamhuuriya iyo Marti sharaf
kale oo aad utiro badan.
Xafladaasi oo lagu gudoonsiinayay Abaal marino iyo Koobkii Bisha
Ramadaan ee Kubada kolayga ee ka socday Garoonka Timacadde ayaa
waxaa Xalay si rasmi ah loogu soo gabogabeeyay Ciyaartii Final-ka oo
ay kuwada ciyaareen labada kooxood ee Soomar iyo Telesom , kuwaasi
oo soo bandhigay Ciyaar aad uxiiso badan oo soo jiidatay Dadkii
Daawanayay, Gabogabadii ciyaartaasi oo ay ku guulaysteen Kooxda ku
ciyaarta magaca Soomar Trading Company oo kaga Adkaaday 48 dhibicood
kooxda la tartamaysay ee ku ciyaarta Magaca Shirk ada Telesom
oo iyaga keensaday 42 Dhibicood , halkaana Guushu ku raacday Naadiga
Soomar Trading Co.
Xidhitaankii Xafladaasi oo uu Hadal kooban ka jeediyay Gudoomiyaha
Golaha Wakiilada Somaliland Mudane C/raxmaan Maxamed C/laahi (Cirro)
oo mahad naq balaadhan usoo jeediyay Dhalinyaradii ka qayb
gashay tartankaasi ay Xalay xafladii xidhitaankiisa ka soo qayb
galeen iyo Wasaarada ciyaaraha ee Soo Agaasintay Qabsoomida Koobkan.
Mudane C/raxman Cirro waxa uu wax laga xumaado ku tilmaamay Dayaca
ka muuqda Garoonka Kubada Kolayga ee Timacadde, oo uu tilmaamay In
uu Duns anyahay Qayb ka mid ah Garoonka isaga oo arintaa ka
hadlayana waxa uu yidhi
“ Waxaanu aad uga Xunahay Dayaca ka muuqda Garoonka, waxaana
hortaya da ka muuqda inuu Garoonku dunsanyahay, Shirkaddo waawayn
ayaa halka ku qoran Gidaarada, Daawadayaal badan ayaa jooga waxaanu
jecelnahay inaynu dhamaanteen ka qayb qaadano, Golaha wakiilada iyo
xildhibaanadiisu waxaanu jecelnahay inay qayb ka qaataan Dayactirka
Garoonka”
Dhinaca kale waxaa si Balaadhan loogu soo dhaweeyay Garoonka
Shirgudoon ka Golaha wakiilada oo Sacabku is qabsaday ilaa wakhtigii
ay soo galeen Garo onka ilaa bixitaankoodii. Iyada oo
dhalinyaradu ku muujisay Taageerada ay u hayaan Shirgudoonka Golaha
wakiilada Sacab iyo Soo dhawayn.
waxaa kale oo Amaan usoo jeediyay Dhalinyaradii ka qayb galashay
tartankaa si iyo sidii wanaagsanayd ee ay uga qayb qaateen.
Waxaa kale oo isaguna Madashaasi hadal kooban ka soo jeediyay
Agaasimaha Guud ee Wasaarada Dhalinyarada iyo Ciyaaraha
Waxaa uu mahadnaq usoo jeediyay 8-da kooxood ee ka qayb galay
tartanka loogu magac daray Mujaahid Gacmo dheere iyo Shirgudoonka
golaha wakiilada oo uu sheegay inaanay wax kale halkan u iman kaliya
ay uyimaadeen inay dhiiri galiyaan Dhalinyarada, Agaasimuhu waxaa uu
ku dhiiri galiyay shirkadaha Gan acsiga inay dhiiri galiyaan
Dhalinyarada, isaga oo xusay inay u diiwaan galin doonaan waxa ay ku
darsadaan Ciyaaraha laguna xusuusan doono ayuu yidhi.
Agaasimaha Guud ee Ciyaaruhu waxa uu sheegay in La dhamaystirayo
Dayaca ka muuqada Garoonka oo uu sheegay in Lacag loo ururiyay
Dhawaana la dhamayn doono.
Waxaa isaguna Madashaasi Hadal kooban ka Jeediyay Gudoomiyaha
Xidhiidh Kubada kolayga.Waxaana uu mahadnaq balaadhan usoo jeediyay
Kooxihii ka qayb galay iyo shirkadihii kala qayb qaatay tartanka oo
xusay Shirkada MSG, Daalo, Personal Computers iyo Shirkada kale oo
door ah.
Waxaa isaguna Gabagabadii Xafladaasi ka hadlay Gudoomiyaha Wargeyska
Jamhuuriya Mudane Faysal Cali sheikh oo ku hadlayay Magaca Saxaafada,
waxaana uu faysal ku booriyay Shirkadaha Wadaniga ah inay taageeraan
Dhalinyarada ciyaaraha, waxaa kale uu xusay in ay Somaliland ahaan
sumcad badan usoo jiidayaan hadii la hormariyo.
Gudoomiyaha Jamhuuriya waxa uu usoo jeediyay Saxaafada Somaliland
inay ka waantoobaan Ciyaaryahanada Ajnabiga ah ee ay Marwalba
ahmiyada siiyaan Wararkiisa waxaana uu tilmaamay in la dhiiri galiyo
ciyaaryahanada Reer Somaliland.
Faysal Cali Sheekh waxa uu hadalkiisa ku soo gunaanaday inay
Saxaafad ahaan Dhiiri galinayaan Horumarka Ciyaaraha Somaliland mar
walbana garab taaganyihii.
Gabagabadii Xafladaasi waxaa Abaal marino isugu Jira Shahaado Sharaf
iyo bi lado la gudoonsiiyay Shirkadihii iyo Shaqsiyaadkii ka
qayb qaatay Tartankaasi bisha ramadaan, waxaa kale oo iyana Abaal
marino la gudoonsiiyay Ciyaarya hanadii ugu wanaagsanaa xaga
Ciyaarta iyo Akhlaaqdaba.
Gudoomiyaha Golaha wakiilada Somaliland ayaa waxa uu gudoonsiiyay
Koobkii Loogu Magac daray Mujaahidkii waynaa ee Gacmo dheer ilaahay
Naxariistii jano haka waraabiyee kooxdii Soomar Trading Co. ee ku
guulaysatay Koobkaasi.
Mustafe abdikariin Ali (Mustafe
Future)
Longlivesomaliland News Desk
Hargeisa Somaliland.
|