Shirkadda
Dahabshiil ayaa xalay casho-sharaf laysku
arkay u samaysay 340 Arday oo ka
Qalinjabiyay Jaamacada Hargeisa
Hargeysa (Longlivesomaliland News)-
Shirkadda Dahabshiil ayaa xalay casho shar af laysku arkay u samaysay
340 Ard ay oo ka mid ahaa dufcadii dorraad ka qallin-jebisay
Kuliyaddaha kala duwan ee Jaamacadda Hargeysa, waxaanay maamulka
shirkadda Dahabshiil u balanqaadeen mustaqbalka inay ardaydan
qallinjebisay ka siinayso ahmiyadda ee koowaad ee fursadaha shaqo ee
ay qaybaha kala duwan ee shirkadaas.
Xafladdan oo ay maamulka Dahabshiil iyo ardayda qallinjebisay kala
qayb-galeen hoggaamiyeyaasha labada xisbi-mucaarid ee KULMIYE iyo
UCID, Axmed Siillaanyo iyo Faysal Cali Waraabe, Xoghayaha Guud ee
xisbiga UDUB, Jaamac Yaasiin Faarax, siyaasiyiin iyo marti-sharaf
kale, ayaa halkaas waxaa khubado ka soo jeediyay masuuliyiinta
shirkadda Dahabshiil iyo siyaasiyiinta ka qayb-galay.
Ugu horeyn waxaa halkaas ka hadlay Xasan Xiis oo ku hadlayay magaca
shirkadda Dahabshiil, waxaanu hambalyo iyo bogaadin u soo jeediyay
ardayda reer Somali land ee dhammaysatay waxbarashada kala duwan ee
heer Jaamacadeed, kuwaas oo uu sheegay inay ka kooban yihiin arday
ka qallinjebisay ilaa toddoba kuliyado od oo Jaamacadda Hargeysa ah,
waxaanu xusay inay yihiin dufcadii ugu ballaadh nay ee ka
qallin-jebisa Jaamacadda Hargeysa, isagoo taas ku tilmaamay inay
tahay guul u soo hoyatay Somaliland guud ahaan.
“Waxaan doonayaa inaan halkan mar kale kaga celiyo qodobo uu
xafladii qallin-jebinta Ardaydan ka sheegay Maamulaha guud ee
shirkadda Dahabshiil, Cabdi rashiid Maxamed Siciid, kuwaas oo ah;
qodobka koowaad inay shirkadda Daha bshiil sii wadayso guud ahaan
taageeradii dhiirigelinta ahayd ee ay u fidin jirtay Jaamacadaha
dalka oo dhan, gaar ahaan Jaamacadda Hargeysa. Qodobka labaad oo
isna uu sheegay Cabdirashiid oo ay in waxbarasho jaamacadeed heer
degree-ga ah ay siin doonaan ardayda gudaha dalka ee waxbarashada
Jaamacadda qaadanaysa, taas oo tirada ay doonto ha noqotee aanu
maamulka Jaamacadda ka wada hadli doono. Ta saddexaad oo iyana ah
inaanu ka caawin doono maam ulka Jaamacadda Hargeysa xafiisyadiisu
inay u soo guuraan halkii markii hore loogu talo-galay, maadaama
halka ay degan yihiin uu cidhiidhi ku yahay” ayuu yidhi Xasan Xiis
oo ka mid ah masuuliyiinta shirkadda Dahabshiil.
Waxa isna halkaas ka hadlay gudoomiye ku-xigeenka Jaamacadda
Hargeysa, Mubaarik Ibraahim Aar, kaas oo si weyn ugu mahadnaqay
shirkadda Dahabshiil gacanta ay ka geysato horumarka Jaamacadda
Hargeysa, isla markaana waxa uu hamblyeeyay ardayda qallin-jebisay.
Gudoomiyaha xisbiga UCID Faysal Cali Waraabe ayaa isaguna halkaas ka
hadlay, waxaanu amaan u soo jeediyay shirkadda Dahabshiil oo uu
sheegay in waxtar badan u leedahay isla markaana ay ka mid tahay
shirkadaha markasta baahida loola tago, oo uu culays badan saaran
yahay. “Annaguba markaanu yaabno waanu u tagnaa oo saymaha ayey naga
saartaa, inkastoo dawladdu naga badsa to qolodayada mucaaridka ah,
markaa anigu u hambalyeyn maayo ee waan u ducaynayaa, waxaanan
leeyahay shirkadda Dahabshiil halkaas haka sii ballaadh ato
shirkaddu,” ayuu yidhi Faysal Cali Waraabe.
Gudoomiyaha UCID, waxa uu ku dheeraaday barnaamijka xisbigooda UCID
ee dhin aca waxbarashada ku aadan haddii tallada dalka ku
guulaystaan, waxaanu shee gay in waxbarashada siin doonaan ahmiyad
weyn taas oo uu xusay inay u qorsh aysan tahay inay 20% dhaqaalaha
dalka geliyaan waxbarashada, caafimaadkana sidaas si le’eg 20%.
Gudoomiyaha xisbiga KULMIYE, Axmed Maxamed Maxamuud (Siillaanyo) oo
isna halkaas khudbad ka jeediyay ayaa hambalyo iyo bogaadin u
gaadhsiiyey ardayda qallinjebisay, waxaanu sidoo kale mahadnaq iyo
amaan u jeediyay shirkadda Dahabshiil iyo dhammaan maamulka iyo
macalimiinta Jaamacadda Hargeysa, kuwaas oo uu ku ammaanay doorka ay
ka qaateen inay Somaliland u soo baxaan jiil aqoon heer jaamacadeed
haysta.
Axmed Siillaanyo waxa uu khudbadiisa uu xalay ka jeediyay xafladda
casho shar afta shirkadda Dahabshiil u samaysay ardaydii ka
qallin-jebisay Jaamacadda Har geysa ku soo hadal-qaaday tallaabadii
ay xukuumaddu kula kacday dadweynaha reer Somaliland ee mudaharaadka
taageerada ugu muujinayey axsaabta Mucaa ridka, kaas oo ahaa kii ugu
horeeyay ee ay taageerayaasha mucaaridku isugu soo baxaan iyagoo ku
muujinaya dareenkooda ay kaga soo horjeedaan maamulka Riyaale iyo
go’aamadii uu ku laalay natiijada diiwaangelinta codbixiyeyaasha,
waxaanu gudoomiyaha KULMIYE dhaliil xoog leh ugu soo jeediyay
masuuliyiinta xukuumaddu inay dadkii isu-soo-baxa nabadda ah
samaynayey ay ka hor istaagto Fagaarayaashii ay masuuliyiintoodu
kala hadli lahayd, isla markaana ay xadhig iyo cago-jugleyn kula
kacday taageerayaasha xisbiyada mucaaridka ee gobolada dalka ee ka
baxsan caasimadda Hargeysa.
Waxa isaguna halkaas ka hadlay Xoghayaha Guud ee xisbul-xaakimka
UDUB, Jaa mac Yaasiin Faarax, kaas oo aad ugu dheeraaday faa’iidada
iyo waxtarka ay bul shada u leedahay aqoontu, isagoo hambalyeeyay
ardayda jaamacadda Hargeysa ka qallinjebisay iyo maamulkeedaba, isla
markaana si weyn ugu mahadnaqay shi rkadda Dahabshiil, oo uu ku
ammaanay kaalinta waxtarka leh ee ay ka qaadato dhiirigelinta iyo
taaba-qaadka waxbarashada dalka.
Longlivesomaliland News Desk
Hargeisa Office Somaliland
|