Ilo Wareedadaas oo ka cudur daartey In magacooda la shaaciyo ayaa waxay dhacdadaas s halay Gabiley ka dhacday la xidhiidhiyeen inay arinta sii cakireen Maayarka Gabiley Shuceyb Maxamed Muuse iyo Badhasaabka Gobolkaas Yuusuf Ibraahim Geedi oo iyagu la kala saftey Saddexda Wasiir ee xukuumadda Madaxwayne Siilaanyo ugu jira gobolkaas ee Maaliyadda C/casiis Samaale, Warshadadaha Abiib Diiriye Nuur iyo Ganacsiga Dr Maxamed C/laahi, kuwaa s oo sida xogaha laga helayo ay xuseen inay fiintu kala dhexmiranayso wakhtigan. Sidoo kale iyada oo aan la ogayn sababta rasmiga ah ee Maamulka gobolka Gabiley wasiirkaas uga xidheen Hoolka Shirarka ayaa hadana sida ay Wargeyska Haatuf u xaqiijiyeen masuuliyiin u dhuun-daloola dhacdooyinkaas oo ka diiday in magacooda la shaaciyo ayaa tibaaxay in Maa yarka iyo Badhasaabka Gabiley ay sii cakireen khilaafyada siyaasadeed ee la sheegay inay ka dhex curteen Wasiiradda gobolkaas, kuwaas oo sida xoguhu sheegayaan la saftey Wasiiradda Maaliyada iyo Warshadaha Samaale iyo Abiib oo dhinac ah. Dhinaca kale mar aanu isku daynay inaan wax ka waydiino arimahaas Maayarka iyo Badhasaa bka gabiley ayaanay noo suurta galin inaanu khadka telefoonka ku helno, balse wararka laga helay Magaaladda Gabiley ayaa sheegay in ka dib markii Wasiirka Ganacsiga laga xidhay Hoo lka Shirarka ee Golaha Deegaanka ay taasi ka cadhaysiisay qaar ka mid ah Xildhibaanadda iyo Dadwaynaha gobolkaas, taasina ay sababtey in markii danbe soo dhawayn xamaasad leh loo sameeyo Wasiirkaasi, isla markaasna uu shirkiisii uu u socday uu ku qabsaday hoolka Jaama cada Timacade ee Magaalada Gabiley.
Source: Haatuf
|