Taageerayaasha Kulmiye ee Degmada Wajaale oo
Mudaharaad ku Muujiyay Diidmadooda
Doorasho Bilaa Diiwaan Galin ah
Tog-wajaale (Longlivesomaliland
News)-Mudaharaad balaadhan oo lagaga soo horjeedo Go,aankii
komishanka iyo xukuumadu ku laaleen diiwaan Galinta codbixiyeyaasha
ayaa shalay ka dhacay Degmada Tog-wajaale.
Mudahaadkaasi oo ay ka qayb
galeen qaybaha kala Duwan ee bulshada Waj aale ee taageersan
xisbiyada Mucaaridka ah, dadwaynihii halkaasi isugu soo baxay oo
ubadnaa taageerayaasha Xisbiga Mucaaridka ah ee Kulmiye ayaa waxay
Socod nabad galyo ah ay ku soo dhexmareen Jidadka waawayn ee
Magaalada Wajaale halkaasi oo ay ugu danbayntiina isugu yimaadeen
fagaa raha khayriyada ee Magaalada Wajaale.
Dadwaynihi isugu soo baxay Mudahaaraadkaasi oo aad utiro badnaa ayaa
waxay siteen boodhadh ay ku xardhanyihiin, ereyo Muujinaya sida ay
uga soo horjeedaan Dawlada uu Madaxwaynaha ka yahay Daahir riyaale
iyo Go, aamadii xukuumadu ku laashay Diiwaan Galinta.
Taageerayaashii ka qayb galay isu soo baxaasi waxa ay ku
dhawaaqayeen Ereyo ay ku taageerayaa Go,aanka Golaha Wakiilada iyo
Xisbiyada Mucaa idka ee ahaa in Doorashada lagu galo diiwaan
galin, Waxaa kala hadlay Faga araha khayriyada Gudoomiyaha
Degmada Tog-wajaale Maxamuud Muxumed Ibraahin (Maxamuud Wayne)
waxaana uu ugu baaqay taageerayaashii Xisib iyada Mucaaridka
ahaa ee Mudaharaadka waday inay ilaaliyaan Nabadgal yada iyo
Xasiloonida oo ay Mudaharaadkooda ku dhamaystaan si salmi ah.
Isu soo baxan ayaa la xidhiidhay Markii dhawaan xisbiyada mucaaridku
ku dhawaaqeen inay dareenkooda ku muujin doonaan isusoo baxyo,
kuwaasi ka dhacay doraad Magaalooyinka waawayn ee Dalka.
Wariye:Cabdirisaaq Maxamuud Awdaahir (Dhago)
Longlivesomaliland News Reporter
Tog-wajaale Somaaliland
|