Taliyaha Ciidanka Baadhista Danbiyadda Somaliland oo Max kamadda
Gobolka ku gacansaydhay Amar sii dayn ah oo ay soo saartay
Qoraal Amar ah ee uu diiday Taliyuhu inuu fuliyo waxa uu soo baxay
5/3/2013, waxaanu Garsooruhu ....
Hargeysa (TNN)- Taliyaha Ciidanka Baadhista Danbiyadda Somaliland
Daahir Muuse Abraar ayaa diiday inuu fuliyo Amar uu Garsoore Xuseen
Maxamed Jaamac ku sii daayay Sheekh Maxamud C/l aahi Geelle oo ay
Booliisku dhawaan qabteen kadib markii uu Telefishan ka jeediyay
hadal uu kag a waramayay arrimo taagan.
Qoraal Amar ah ee uu diiday Taliyuhu inuu fuliyo waxa uu soo baxay
5/3/2013, waxaanu Garsoor uhu Taliyaha ku farayay haddii aanu Danbi
kale u haysan in uu sii daayo Sh Maxamud C/laahi Geel le oo aan ilaa
hada wax eed ah Maxkamadda la horkeenin.
waxaanu Nuqul ka mid ah sii daynta Sheekhaas oo Timacade News Soo
Gaadhay u qornaa:-
MGH/DDL/212/2013
Ku: Taliyaha Qaybta Baadhista Danbiyadda C.I.D. Hargeysa
Ujeeddo: Amar siidayn Eedaysane
Maxkamadda Gobolka Hargeysa waxay idinku amraysaa in aad siidaysaan
eedaysanaha magaciisu yahay:-
1. Maxamuud C/laahi Geelle ina Cibaado Xuseen L/51 jir
kaas oo ku eedaysan Qodobka 287,263,215, XCG.
kadib markii ay Maxkamaddu Damaanad ku siidaysay isla maanta
05/03/2013,
sidaas darteed waxay Maxkamaddu idinku amraysaa in aad siidaysaan
eedaysanaha sare ku xusan isla maanta 05/03/2013, haddii aan danbe
kale loo haysan.
wa bilaahi Tawfiiq
Xuseen Maxamed Jaamac
K/S/Guddoomiyaha Maxkamadda Gobolka M/Jeex Hargeysa.
tlaabadan Taliyaha Ciidanaka Baadhista Danbiyadda C.I.D kaga dhago
adaygay Amarka Garsooraha ayaa waxa uu muujinayaa in uu marba sida
uu doono ugu tagrifalo kiisaska uu gacanta ku hayo ee loo diro
baadhistooda, tusaale ahaana wali Sheekh Maxamuud waxa uu ku jiraa
Saldhiga halkaas oo aan la garanayn danbiga loo haysto ee uu ugu sii
jiro.
sidoo kale taliyaha C.I.D, waxa uu marka uu doono Maxkamadda ka
qaataa Waarano aanu sifo sharci ah u marin oo uu dadka ku qabto
isagoo sababo aan macquul ahayn mararka qaarkood Garsoorayaasha ugu
bandhigo isagoo aana Xeer ilaalin iyo meel kale toona u marin.
Madaxweynaha Somaliland Axmed Maxamed Maxamuud Siilaanyo ayaa
mudadii uu talada hayay dhawr jeer ka hadlay inuu Cadaaladda wax ka
qabanayo hase yeeshee go’aamadiisa ayaa noqda kuwo aan ka fulin
madaxda ka hoosaysa, waxaana Maxkamaddaha iyo Hay’adaha Amniga buux
dhaafiyay Dacwado cabasho xoog ahi ka taagan tahay.
waxa kale oo miiska saaran kuwo dhamaaday oo aan ilaa hada la fulin
isla markaana ay dhibaato xoog ah ka haysato kuwii loo fulin lahaa
iyo kuwii lagu fulin lahaa labadaba.
Timacade News Desk
Hargeysa ,Somaliland
|