Taliyaha Ciidanka Booliska Somaliland Oo Ka Hadlay Shaanadii
Saddexaad oo Lagu Qarxiyay Hargeysa
Hargeysa (TNN):-- Taliyaha Ciidanka Booliska Somaliland Sareeye Guuto
Cabdilaahi Fadal Iimaan, ayaa ka hadlay caagadii saddexaad ee shaani
ah oo galabta lagu qarxiyay agag aarka Dhismaha Maktabadda Masaarida
ee caasimadda Hargeysa.
Taliyaha Ciidanka Boolisku waxa uu sheegay in walaxda qaraxday loo
qabtay laba nin oo baadhis kala duwan ay ciidanka Boolisku ku
samaynayaan.
“Galabta abbaarro 5:30 galabnimo waxa walaxda shaanida lagu qarxiyay
agagaarka dhi smaha maktabadda masaarida ee caasimadda Hargeysa, waxa
halkaas la dhigay aad ug u dhow ciidammadda ammaanka noocyada kala
duwan. Waxaana ciidammadu gacanta ku dhigeen laba nin oo kiiskan loo
qabtay oo mid ka mid ahi wajiga ka dhaawacan yah ay,”ayuu yidhi
Taliyaha Ciidanka Booliska Somaliland oo caawa u warramayay
warbaah inta Qaranka.
Taliyaha oo hadalkiisa sii watay waxa uu yidhi “Sidaas darteed, waxa
ciidanka boolisku ay wadaan baadhis xoog leh oo aanan jeclayn inaan
ka hordhaco, waxase aan halkan ka sheegayaa dadka lagu qabto fal
noocan oo kale ahi ciqaab adag ay mudan doonaan.”
Taliyaha Ciidanka Booliska Sareeye Guuto Cabdilaahi Fadal Iimaan,
waxa uu shacbiga ku dhaqan caasimadda Hargeysa ugu baaqay inay cidii
nabad-gelyadda wax u dhimaysa kala shaqeeyaan oo ku soo wargeliyaan
ciidammadda Booliska.
Cumar M. Faarax
Hargeysa,Somaliand
|