Ururka
Shabakaddaha Wararka Oo Doortay Hoggaan Cusub
Kulan ballaadhan oo ay isugu yimaadeen in ka badan wakiillada
17 Shabakadood oo
ka mid ah mareegaha wararka ee Somaliland ka hawl-gala ayaa
lagu doortay maamul cusub, ka dib markii uu is casilay hoggaankii
hore ee ururka mareegaha Internetka Somaliland (SOA).
Kulankan oo ka dhacay Hadhwanaag Hotel ee Magaalada Hargeysa, isla
markaana socday muddo saacado ah, dood iyo falaanqeyn dheer oo ku
saabsan sidii loo dhaqaajin lahaa barnaamijka ururka dib-u-eegisna
loogu sameyn lahaa sharciyadiisa, ka dib ayaa waxa lagu doortay
maamul cusub oo ka kooban Guddoomiye, Guddoomiye-ku-xigeen iyo
Xoghaye Guud.
Waxaana shirkaas Guddoomiye loogu doortay Cumar Maxamed Faarax,
halka Guddoomiye-ku-xigeena loogu doortay Khadar Xuseen Ibraahin,
iyadoo weliba Xoghayaha Guud-na loo doortay Shiine Cilmi Kaahin.
Waxa kaloo, gebo-gebadii shirkaasi la iskula meel dhigay in sida ugu
dhakhsaha badan loo dardargeliyo hawlaha ururka, si loogu
dheeli-tiro mihnada guud ee saxaafad Somaliland , isla markaana uu u
hanto gudashada waajibaadkiisa.
Guddoomiyaha Ururka Shabakadaha wararka ee (SOA)
Cumar Maxamed Faarax, oo hadal kooban kulankaa ka jeediyey, ayaa
balan qaaday in ay si masuuliyad iyo xilkasnimo ku jirto u gudan
doonaan xilka loo igmaday, isla markaana ay xil iska saari doonaan
sidii loo qabyo-tiri lahaa hawlaha ururka, waxana uu xubnaha kale u
soo jeediyey in ay si wadajir ah iskaga kaashadaan sidii looga
midho-dhalin lahaa himilada guud.
Wariye Mohamed Mussa inji
Hargeysa
Somaliland
|