Waano iyo talo ku socota boqorka beesha ayuub
Waxaan salaamyaa warbaahinta
sharfta leh ee noo kala gudbisa wararka iyo fariimaha Asww. intaasi
kadib waxaan jecel ahay in aan halkan uga soo jeediyo talo iyo
tusaale boqorka beesha ayuub oo had iyo jeer ku qora qoraal cabasho
ah warbaahinta kuwaasi oo ku wajahan xukuumada markaa hore boqorow
iskamaad iman dad baad meteshaa wixii cabasho ah ee jirra ee la isku
raaco ayaad soo jeedin kartaa adiga oo ku hadlaaya magaca beesha
hase ahaatee haddii marka wax lagu siiyana aad cabato marka aan
waxba lagu siina aad tidhaa waxbaan sugayaa oo caban maayo ma
wanaagsana.
Sidaasidarteed waxaan kaa codsanayaa in aad ka fiirsato cabshada
badan ee aad raacinayso warbaahinta waayo boqornimadaadu waxay
meteshaa dadkaaga gudaha jooga iyo kuwa dibada jooga waxba ha doonan
kuma lihi laakiin waa in aad isku ogaatan siyaasiinta iyo wax
garadka beesha oo aad adigu ku hadli kartid codkooda marka ay isku
raacaan intaasi oo dhan oo la ogaado in cabashadani tahay mid
macquul ah oo dadku kuugu garaabi karo,sida aan ka warqabno ayuubku
maanta maalin uu ka kuraasi badan yahay idin may soo marin waayo
maanta waxaad madax ka tihiin haddii aad beesha ayuub tihiin
maxakamada sare oo dhadhaar ka mid ah kuwa ugu sareeya dawlada oo la
siman golaha wakiilada iyo guurtida ama xukuumada oo dhinc ah waa
marka ayuub la yidhaahdo maxaa la siiyey dawladan Axmed .m.siiraanyo
waxa idiin dheer laba agaasime guud oo aydaan dawladihii hore heli
jirin balse xukuumadani idiin garatay,waxaa iyaduna jirta oo aan
qarsoonay inaad ka mid tihiin agaasima waaxeedyada wasaaradaha kala
ah, waxbarashada,gaashaandhiga,madaxtooyada,maxkamada
ciidamada,saraakiisha kal duwan ee pliceka iyo ciidamada qaranka iyo
wasaardaha oo aad ku leedihiin intaasi oo shaqaale ah, golayaasha
qaranka oo aad ka mid tihiin haday guurti tahay haday wakiil tahay
haday gole degaan tahay,haday shaqaale dawlad hoose tahay.
Hadaba boqorow waxaan kaa codsanayaa wixii aad tebaysaa ma wisiir ku
xigeenkii gaashaan dhigaa kaasi oo kali ah ayanu ku lahaan jiray
dawladihii hore ma waxaad doonaysaa in aan kaasi oo kali ah la inoo
soo celiyo markaasi ayaynu qaboobaynaa soo maaha, anigu waxaan ahay
xubin qurbajoog ah waxaan aad u dhibsadaa marka aan arko boqorkii
ayuub oo ku cabanaya warbaahinta waayo horta waa in laguugu garaabo
cabashadaada oo ay noqoto mid macquul ah,mida kale warbaahinta uun
laguma cawde golyaasha ay somaliland isugu timaado ayaa laga
jeediyaa wax aad tabanayso ee laguugu garaabayo adiga oo eegaya in
cabashadaasi ay tahay mid jirta haddiise lagula garnaqsado oo laguu
yeedho oo lagu yidhaa sadka nagaga kaa maqani waa maxay waa inaad u
heshaa garnaqsi ku haboon haddii aad hayso sadbursiimo miyey
soconaysaa cabashadaadu waa maya.
Aniga codsigaygu wuxuu yahay cabshada aad cabataa ha noqoto mid wax
badani kaa maqan yihiin sidkaagiina aan lagu siiin,adiga iyo
beeshaada toona haddiise ay iska noqoto iska hadal waxaan kaa
codsanayaa inaad joojiso cabshada aan lahayn meel loo raaco.Mida
kale waxaan kuu sheegaya boqorow xilku waa meerto maalinba nin baa
lagu eegaa haddii aad tidhaa hebel yaan la bedelin soo ma ogid in
aad dulmiday mid kale oo beeshaada ah oo gacanta yara gelin lahaa
dawlada oo kamaad eexan kaasina waxaan kaa codsanayaa waxaad tahay
boqorkii beesha markaa la soco halka ay wax ku maqan yihiin iyo
halka ayna wax ku maqanayn,xukuumadan uu hogaaminayo Axmed maxamed
siiraanyo waxay u samaysay beesha ayuub boosas hore aynaan u heli
jirin haddii la garnaqsadan badh dib la inooga celinayo markaa ha
inagu soojeedin ummada boqorw siyaasiinta beeshan la soco wixii
maqan iyo wixii kale iyaga ayaa kuu kala sheegi doona raali iga
ahaada haddii aad dhibsataan waa iga waano intaasi.
Cabdi D.Camuud
UK
adamuud@hotmail.co.uk
|