Wada hadalka Somaliland iyo Somalia: Tab xeeladaysan oo Muqdisho dib
loogu noqonayo (qaybtii 1-aad)
Sida aynu la wada socono waxa February 2012-kii Ingiriisku shir ugu
qabtay London dalka Somalia kaasoo Somaliland-na kasoo qayb gashay.
Shirkaas oo ujeedadiisu ahayd in Somalia laga saaro ku
meel-gaadhnimadii Ingiriisku-na adduunka isu tuso bad-baadiyaha
Somalia, waxa qodobadii kasoo baxay ka mid ahaa (qodobkii 6-aad) in
Somaliland iyo TFG-gu (Transitional Federal Government) amma ciddii
badisha wada hadlaan si ay u qeexaan xidhiidhkooda mustaqbalku sida
uu noqonayo.
Hadaba iyadoo qodobkaas 6-aad dabasocota ayeey Somaliland dalbatay
in wada hadalka la furo oo ay dawladii TFG-ga la kulmaan. Dalbashada
Somaliland ka dib waxa dhacay kulankii ugu horeeyay ee Somaliland
iyo Somalia oo markaas dalka Ingiriisku si kal iyo laab ah u marti
galiyay kana dhacay Chevening House.
Isagoo markaas Ingiriisku ka abaal gudaya kasoo qayb galkii
Somaliland kasoo qayb gasha y shirkii Somalia, qadarinayana
taariikhda 2-da dal wadaagaan, ayaa Ingiriisku wada had alka u
diyaariyay madal iyo hab wada hadal oo 2-dii dal ee qaranimo isku
hayaa u wada ha dlaan. Ingiriisku shirkii wuxu u diyaariyay dad
dhex-dhexaadiya Somaliland iyo Somalia oo waxa kasoo qayb gallay oo
damcay inay 2-da dal kala guraan 3-di qof oo kala-matalayay
Ingiriiska, Norway iyo EU-da (Midawga Europe). Dhex-dhexaadintan
qaarada dhan (Euro pe) ka socotay ayaa ku tusi karta sida Ingiriisku
u damacsanaa inay Somaliland ka faa’id aysato kulankaas oo gun dhig
u noqon lahaa geedi socod wada hadal oo qaranimada Soma liland ku
qanciya Somalia.
Inkastoo aan qoraal ka qoray 24-kii June 2012 natiijadii kulankii
ugu horeeyay ee 2-da dal ku yeesheen Chevening House, London, 20-kii
ilaa iyo 21-kii June 2012-kii, hadana bal aan dib idiin xasuusiyo
khaladkii waynaa ee halkaas ka dhacay.
Waxa aynu la soconaa in, markii wada hadalku bilaabmay shirkii
Chevening House, 2-dii guddi ee ka kala socday Somaliland iyo
Somalia isla oggolaadeen in dhex-dhexaadiyaashi dibada loo saaro oo
ay ku yidhahdeen 3-dii qof ee dhex-dhexaadinayay anagaa Soomaali
isku ah oo isla hadlaynee dibada nooga baxa. Dhex-dhexaadiyaashi
waxa ay ku noqotay fajaciso oo intii wada hadalku socday kolba
albaabka shirku ka socday ayeey istaagayeen oo ay waydiinayeen in
wax walba OK yihiin. Waxa ay u qaadan waayeen dal 22-sanadood lahaa
waan madax-banaanay oo dalkii madax-banaanidiisa ku haystay si niyad
sami ah oo kalgacal iyo hilow ka muuqdo u hor-fadhiistay oo aan wax
cadho iyo dareen toona ka muuqan. Taas waxa kaaga daran in 2
saacadood oo kaliya gudahood lagusoo heeshiiyay 5 qodob (qodobka
5-naad waxa ka farcamay 8 qodob oo kale) oo aanay ku jirin arinkii
22-ka sanadood iyo ilaa imika Somaliland ku andacoonayso ee ah
madax-banaanida.
Laga bilaabo maalintaas waxa adduunka u cadaatay amma u turjumteen
ficilkii diplomaasiy adeed ee dawlada Somaliland ku wajahday wada
hadalkan in qadiyada gooni-isku taaga Somaliland wax sidaas usii fog
ahayn wada hadalka 2-da dhinac-na xalin doono tabashoo yinka yar-yar
ee xagga Somaliland ka jira. Waxa kaloo isbadilay habkii ay beesha
caalamku u wajahaysay wada hadalka oo waxa joogsaday
dhex-dhexaadintii (mediation)oo isku bad ishay fududeyn
(facilitation). Waati iyadoo dareenkaas caalamiga ahi ku xeeranyay,
Madax wayne Siilanyo iyo Sharifkii Muqdisho Dubai ku kulmeen oo 2-ba
qodob oo runtii riwaayad u muuqday ku saxeexdeen. Dawlada Imaaraadka
oo kulankaas Dubai marti galisay amma fud aydinaysay waati si aan
gabad lahayn wasiir dawlaheeda ariimaha dibadu Dr Anwar Moha mmed
Gargash u yidhi: “Saxeexa ay hogaamiyayaasha Somalidu saxeexeen
heshiiskan waxa ay caddeyn u tahay midnimada umadda Somalia, isagoo
markaas raaciyay in dalka Imaaraadka iyo Somalia yihiin 2-ba dal oo
walaalaa.” Warkani walli wuxu ku jira website-ka wasaarada ariimaha
dibada ee dalka Imaaraadka oo ciddii rabtaa ka eegi karto iyadoo xa
gga baadhida (search option) ku qoraysa Somaliland. Waxa xusid mudan
in dawlada Soma liland haba-yaraate warbixintaas (statement-kaas) ka
jawaabin iyagoo masuuliyiinteena badankoodu ku sugna wakhtigaas
Dubai. Ileyn ciil umma go’did!
La soco qaybta 2-aad.
Iid Xasan Aw Muuse,
Somaliland Activist
London
+44 787 051 5334
iidsl@hotmail.com
|