Waqfiga iyo Gurmadku, Xuduud ma laha, gaalo iyo Islaam ma leh, waa
Aadaminimo. Tan Somaliland u fidisay Buntland, waa Lilaahi.......
Hamud Duale
Siday diintu nagu tidhi. Isku naxa oo isku naxariista, waa cibaado.
Gurmadka Somaliland u fidinaysaa buntland, waa istaqfuralaysi, waa
samafal, waa axsaan fal, waa ayaanba ayaan. Maalinba qaar bay
taftoodu qaawan tahay geeska Afrika eh, waa wajib qaran in la iska
taageeraa. Waa Ilaahay hortii iyo daacadnimo, in waxyeelada
duufaanka, laga damqadaa, oo Buntland loo gurmadaa. Qofkasta iyo
maamulada gobolka, waa wajib, in ay ka qayb qaataan.
Kaalmada Somaliland u fidinaysaa, buntland, ma aha siyaasad. Waa
lilaahi. Waa gobonimo. Waa dawladnimo. Waa dadnimo, waa Islaamnimo.
Waa waqfi. Waa sadaqo. Xiitaa haddaanay, sidaa ka ahayn, anigu
talaabadaa dawladu ku dhawaaqday, waan soo dhaweenayaa.
Maxaayeelay, aafada Buntland, waa aafada Somaliland. Aafada
Somaliland waa aafada Buntland, iyo dhammaan geeska Afrika. In la
iska kaashadaa dhibaatooyinka dabiiciga ah, waa lagama maarmaan.
Jidka Ceergaabo ee loo ballansan yahay, Sabtida 16ka bishan,
Somaliland waa u dan, buntlandna waa u dan, oo cid walba waa u dan.
Qaybtooda, ayay ka qaadanayaan, haatan, markay ka soo kabtaan
dhibaatadan dabiiciga ahna, ayagaa isku xidhi jidka Tabca iyo
ceergaabo. Waar ayaan la isku daymo la’aan, oo ha loo arko,
taageerada, qayb ka mid ah iskaashiga caalamiga ee kala wada madax
banaan ee isku gurmada.
Waqfiga iyo gargaarku Xuduud ma laha. Maamulada kala gaarka ee
Geeska Afrika haatan ka dhisaalan, ayaan nacab loo arkin, ha loo
arko, nasteexo. Dan iyo waqtigu keenay. Alla inna baday. laga maarmi
waayey, oo nabada lagu xasilinayo.
Waa in haddii la moodi waayey, la muusaa. Waa in haddii dayax la
waayo, xidigaha lagu gudaa. Waa in maamulada jira iyo dadweynahaba
laga talaalaa, xanuunka qoor gooyaha(Lake of leadership),
qabyaalada, musuqmaasuqa, qaraaba kiilka, cadaalada darada, culimada
dafaarka ah, habka qaybi oo xukun. Xidha, xakameeya, xasarad, xaalad
abuur, suldaan siyaasi ka dhex hadlayo, Suldaan doog dhabanaya.
Intaas oo cudur iyo qaar kale oo badan, ha loo raadiyo, daawo. Ayaan
lagu mashquulin dawlad sal ballaadhan. Ha lagu mashquulo, maamulada
sinnaha yar, in la toosiyo oo madasha Wada tashiga iyo toosinta ee
Somaliland laga shiidaal qaato. Waa in gobolada, degmooyinka iyo
tuulooyinkuba, madalo yeeshaan, aan xildoon ahayn, xusbi ahayn ee
xarago doon iyo oo aaminsan in la helo qaran dhaama kii dumey.
|