War-Degdega Golaha
Guurtida oo Xukuumadda xilka u kordhiyay ilaa
inta ay Doorasho qabanayso
“Mudo kordhinta Xilka
Madaxwaynaha iyo Madaxwayne ku xigeenku waxay ka bilaabmaysaa
29/10/2009 ilaa bil ka dib maalinta ay qabsoomto Doorashada
Madaxtooyadu”
Hargeysa (Longlivesomaliland News)-Golaha Guurtida Somaliland ayaa
fadh igoodii maanta cod aqlabiyad ah ugu codeeyay xukuumadda
Madaxweyne Rayaale inay talada Dalka siihayso ilaa iyo inta ay
Doorashada Madaxtooya du ka qabsoomayso
fadhiga maanta oo ay fadhiyeen 78 xildhibaan oo ka mida 82 ka
xildhibaan ee Golaha Guurtidu ka kooban yahay ayay 77 xildhibaan
ogolaadeen inay xukuumaddu talada dalka hayso ilaa inta Doorasho
qabsoomayso, cid diiday may jirin,sidoo kale cid ka aamustay may
jirin Guddoomiyuhuna muu coda ynin . waxaana sidaa ku ansaxay
soo jeedinta shirguddoonka oo ahayd inay tixgaliyeen heshiiskii
lixda qodob ahaa ee ay beesha Caalamku ku dhex dhe
xaadisay
ka hor intaan soo jeedintaa loo codaynin ayay shirguddoonku ku
wargaliyeen mudanayaasha inay soo gaadheen go’aan ay ku salaynayaan
heshiiskii Beesha Caalamka ee ay saddexda Xisbi wada aqbaleen ee
kala ahaa:
1. In Koomishanka doorashooyinka wax laga bedelo, weliba hoggaanka
2. In Seerfarkii dib loogu soo noqdo, oo ay khubaro imanaysaana
dhammaystiri doonto waxa ka dhiman.
3. Wakhtiga ay doorashadu ku suurtoobayso, waxa ka wada tashanaya
koomishanka dorashooyinka iyo khubarada imanaysa, waana go’aan ka
fog siyaasadda oo ah go’aan farsamo.
4. In Wada Jir loo wada shaqeeyo
5. In Doorashoyinkan iyo kuwa dambe ee soo socda lagu galo
diiwaangelin.
6. In Saddexda xisbi soo saaraan go’aan wada jir ah, marka lagu
heshiiyo qodoban, si loo ambo qaado hawshii doorashada
kuwaasoo ay sheegeen inay u arkaan xalka kaliya ee lagu kala
badbaadi karo ka gole ahaana ay dhex ugu noqon karaan Axsaabta isla
markaana ay danta ummaddu ku jirto
Guddoomiyaha Golaha Guurtida Saleebaan Maxamuud Aadan oo ka hadlay
Golaha ayaa yidhi ” manaan jeclayn maanta oo jimce ah in aan u
codayno arrintan, balse duruufta taagan iyo xaalada aynu ku jirnay
ee aynu iskugu nimimd culayskeedaa keenay, hadii aanu
Shirgudoonkayagu Shirnay, Rogro g nay xaalada maanta, rogrognay
maxaa dana, rogrognay badbaadinta iyo xasiloonida Qaranka,
tixgalinay Qodobadii Heshiisiinta ee Beesha Caalamku soo jeediyeen
ee lixda Qodob ahaa ee ay u soo jeediyeen Saddexda Mush arax,
hadii aanu tixigalinay xaalada maanta taagan waxay noogu eekaatay oo
talo idiinku soo jeedinaynaa, Go’aanka maanta inaga soo baxayaa inuu
ku salaysnaado ogolaanshihii labada Xisbi mucaarid shalay inoo
sheegeen, Madaxwaynahuna sheegay ku dhaqankiisa inuu Go’aankeenu ku
salaysnaado “
Gudoomiye ku xigeenka Kowaad ee Golaha Guurtida Sheekh Axmed Nuux
Fure ayaa isna mudanayaasha la hadlay waxaanu yidhi ” waxaynu isku
ha ynay ee aynu u murmaynay waxay ahayd yaynaan Dawlad la’aan ku
dhicin oo ninba si u arkayay, markaa waxaanu isla gaadhanay inaynaan
keenin w ax ka baxsan wixii Caalamku inagula taliyay ee uu inoo soo
jeediyay, Sadd exda Xisbina ay ogolaadeen inaynaan inagu bogjeexin
oo ay korodhsiimade enu ku fadhido inayna Dawlad la’aani inagu
dhicin”
waxa halkaa ka akhriyay soo jeedinta Shir-gudoonku u soo jeediyeen
Xild hibaanadu inay u codeeyaan Gudoomiye ku xigeenka labaad ee
Golaha Guu rtida Siciid Tima wayne, waxaanay ahayd soo
jeedinta loo codeeyay sidan:- iyada oo aan la ogayn dib u sixida
Diiwan-gelintu wakhtiga ay qaadanayso, Dalka oo aan loo bahnayn in
uu ku dhaco Dawlad la’aan ama meel madhan, isla markaana
tix-galinayna talo soo jeedintii beesha Caalamka, sidoo kalena
aragnay aqbalaadii Xukuumada iyo Xisbiyada Mucaaridka sidaasi
darteedna Mudo kordhinta Xilka Madaxwaynaha iyo Madaxwayne ku
xigeenku waxay ka bilaabmaysaa 29/10/2009 ilaa bil ka dib maalinta
ay qabsoomto Doorashada Madaxtooyadu”
Source:Waaheen
|