WARSAXAAFADEED
Hargeysa (TNN)- Warsaxaafadeed uu soo saaray Afhayeenka Madaxtooyada
JSL, Muda ne, Siciid Cadaani Mooge, ayaa waxa uu u qornaa sida tan
“Madaxweynaha JSL. Mudane Daahir Rayaale Kaahin, Waxaa u xalay Casho
Sharaf ugu sameeyey Qasriga Madaxtoo yadda Dr.kwadwo
Afarigayan, Gudoomiyaha Gudida Doorashooyinka ee Dalka Ghana oo
booqasho shan casho ah ku yimi Jamhuuriyadda Somaliland.
Madaxweynuhu waxa ugu horantii ugu mahadnaqay Dr.kwadwo Afariyan
booqashada uu ku yimi Somaliland waxana uu ku amaanay Dalka Ghana oo
ah wadamada Qaaradda Africa ugu horeeya dhinacyada geedi socodka
Dimuqraadiyada, isagoo xusay Madaxweynuhu booqashadii uu ku tagay
Dalka Ghana sanadkii 2007-dii .
Isagoo ka hadlaya nabadgelyada iyo Dimuqraadiyada Somaliland ay ku
caano maashay waxa Madaxweynuhu sheegay in Dawladiisa ay ka
go’antahay in Dalka ay ka qabsoomaan Doorashooyin Xor ah oo Xalaal
ah oo ay ugu horayso tii Madaxtooyadda, sidii kuwii hore ee Dalka ka
dhacay.
Waxa kale oo Madaxweynuhu intaa raaciyey in kalsooni buuxda uu ku
qabo in shacbiga Somaliland ay si nabadgelya ah u dhiiban doonaan
Codkooda marka lagu dhawaaqo in Doorashadu ay dhici doonto.
Afhayeenka Madaxtooyada JSL
Siciid Cadaani Mooge
|