Wasaaradda Maaliyadda oo
Laascaanood ka Furatay Xarun lagu qaado
Cashuuraha
Wasaarada Maaliyadda Somaliland ayaa shalay si rasmiya uga furatay
Magaalada Laascaanood Xarun Cashuuraha lagu qaado
Xaruntani waxa ay ka koobantahay Saddex Xafiis oo kala ah Xafiiska
Xisaabaadka, Cashuuraha Bariga iyo Kastamka, waxa laga furay dhisme
ay maamulkii hore ee Puntland Laascaanood ka dhiseen.
Xafiisyada ayaa waxa ay qaadi doonaan noocyada cashuuraha ee ay
Wasaarada u qaabilsan yihiin , Tusaale ahaan Kastamku waxa uu noqon
doonaa Xafiis lagu qabto Cashuuraha ka soo gala Laascaanood dhinaca
wadada Bari halkii Awal lagu cashuuri jiray alaabahaasi Kastamka
Magaalada Caynaynabo Kastamkaas oo imika noqon doona Checking.
Xafiiska Cashuuraha Bariga ayaa isna ka hawl gali doona noocyada
Cashuuraha Macaashal Macaashka sidoo kale waxay fulin doonaan oo ay
ka hawl gali doonaan Taarikada Gaadiidka iyo Buugaagtooda kuwaas oo
ay dhibaato wayni ka haysatay Gaadiidka Deegaankaas marka ay
imanayaan Magaalooyinka kale ee Somaliland.
Xafiisyadan Cashuuraha ee Wasaaradda Maaliyadda ayaa la filayaa inay
ciida dabadeed Si rasmi ah hawlahooda u bilaabi doonaan.
Waaheen
|