Wasiirka Arrimaha Dibadda ee Somaliland oo ka qaybgalaya shir wayne
ay bulshada caalamku ku leedahay dalkla Ingiriiska o ku saabsan
arrimaha Siyaasadda Soomaliya
Hargaysa(TNN)- Wasiirka wasaaradda Arrimaha Dibadda iyo iskaashiga
caalamiga ah ee Jamhuuriyadda Somaliland, Dr. Maxamed Cabdilaahi
Cumar, ayaa maanta u kicitimay dalka Ingiriiska, isaga oo ka qay bg
alaya shir ay wadaankaasi isugu imanayaan wufuud ka socota bulshada
caalamka oo ku saabsan xaala dda sii-murgaysa ee Soomaliya.
Dawladda Somaliland, oo shir waynaha si toos ah loogu casuumay,
waxaa laga codsaday inay bulshada caalamka la wadaagto
waayo-aragnimada ay u leedahay nabadaynta, qaran dhiska iyo
heshiisiinta si yaasadda. Waa markii ugu horaysay ee bulshada
caalamku Somaliland siiso fursad ay fagaaro caalami ah kaga hadasho
horumarkeeda xagga siyaasadda iyo nabadgelyada, fikirna ka dhiibato
arrimaha soomaliya sidii loo furdaamin lahaa.
Sida la ogyahay wakhtigii loogu talo galay maamulka ku meel gaadhka
ah ee soomaliya wuxuu ku dhaw yahay dhammaad, waxaana dood
badani hadda ka taagan tahay wixii laga yeeli lahaa. Beesha caalamka
ee ku hawlan arrimaha soomaliya waxay la tashi balaadhan isugu
yeedhay masuuliyiin ka socda geeska Africa, Yurub, Maraykanka iyo
hay’ado caalami ah oo madaxbanaan, waxaana hormood ka ah
wasaara dda Arrimah Dibadda ee dawladda Ingiriiska.
Mawqifka xukuumadda Somaliland ee ku saabsan arrimaha soomaliya,
sidii horeba xukuumaddu u cadays ay, waxaa weeye in Somaliland
taageersan tahay dadaalka caalamku ugu jiro sidii amniga dib loogu
soo celin lahaa soomaliya oo xasilooni darada ka jirtaa ay mar kasta
saamayn toos ah ku leedahay nabad gelyada Somaliland.
Haseyeeshe Somaliland waa dal xor ah, madaxbanaan, kuna dhaqma
nidaamka siyaasadda ee ku dhisan habka dimuqraadiyadda iyo tala
wadaagga, waxayna caalamka ka dalbanaysaa aqoonsi siyaasadeed.
Wasaaradda Arrimaha Dibadda iyo Iskaashiga Caalamiga
Jamhuuriyadda Somaliland
|