WASIIRKA
CADAALADA SOMALILAND OO BOOQOSHO KU MARAYA
GOBOLKA SOOL
Wasiirka Cadaalada Somaliland
Axmed Xasan Cali (Casoowe) oo maalmihii u danbeeyay ku sugnaa
magaalada Laascaanood isaga iyo wafdi balaadhan oo ka tirsan Golaha
wasiirada ee Somaliland ee Gobolka Sool una yimi magaalada sidii ay
shacabka Gobolka Sool kulamo ula qaadan lahaayeen ayaa waxa uu ka
war bixiyay xaalada socdaalkooda.
Wasiirka oo warbixin kasiinayay saxaafada socdaalkoodan magaalada
Laascaanood isaga iyo wafdi ah Golaha wasiirada kuwaas oo kasoo
jeeda Gobolka waxaana uu sheegay inay u yimaadeen sidii ay ula kulmi
lahaayeen shacabka deegaanka ugana wada hadli lahaayeen xaalada
Gobolka iyo waliba sidiin umada wax loogu qaban lahaa.
Casoowe oo hadalkiisa sii wata ayaa yiri ' waxaan unimi magaalada
Laascaanood ee xarunta Gobolka Sool iyo guud ahaan Gobolka sidii
shacabka Gobolka aanu uga hadli lahayn sidii ay isu diiwaan gelin
lahaayeen uguna soo bandhigi lahayn siyaasada Somalilannd ee ku
aadan doorashooyinka iyo sida ay uga go'an tahay Somaliland inay
dhacdo doorasho xalaal ah oo ka dhaca guud ahaan Somaliland' ayuu
yiri.
Axmed Xasan Cali oo mar wax laga waydiiyay inay shacabka Gobolka
Sool oo aan horay u baran inay ka qayb qaataan ololaha
doorashooyinaka wax badana uga baahan in waqti dheeraad ah lagu
lumiyo ayaa waxa uu xusay waxaanu usoconaa inaan tagno dahmaanba
Tuulooyinka hoos yimaada Gobolka Sool kuwaas oo aan kala soo hadli
doono diiwaan gelinta iyo siday uga qayb qaadan lahaayeen
doorashooyinka uguna soo bandhi laahayn siyaasada dawlada.
Sidoo kale mar wax laga waydiiyay inay shacabka Sool u wadaan wax
wax qabad ah haday yihiin Golaha wasiirada ee Somaliland ee Gobolka
Sool ayaa waxa uu xusay in arintaninba ay tahay wax qabad wayn oo
loo baahan yahay in laga qayb qaato isdiiwaan gelinta iyo
doorashooyinka lagu wado inay ka dhacaan Somaliland.
Hadaba waxaa ku sugan Gobolka Sool wafdi ka socda Golaha wasiirada
ee Somaliland kuwaas oo ay kamid yihiin Axmed Xasan Cali (Casoowe)
wasiirka Cadaalada ee Somaliland Maxamed hagar Dirir sawiirka
horumarinta reer miyiga iyo Qaw Garaad Maxamed oo ah wasiiru dawlaha
waxbarashada iyo waliba xildhibaano kuwaas oo hadda ku kala sugan
magaalooyinlka Xudun iyo Kalabaydh.
Ahmed Abdulahi Binow
Isuduwaha wasaarada warfaafinta
iyo wacyi gelinta SL ee Gobolka Sool
|