Wasiirka
Duulista iyo hawada oo qabtay shir jaraa'id sheegayna in aan
Somaliland lagu soo gali karin
Wasiirka Duulista Hawada
Somaliland Cali Maxamed Waran-Cadde ayaa shir'jaraaid oo uu qabtay
ku sheegay in Baasaboorkii hore ee Cagaarka ahaa ee Somalia lagaga
dhoofayo Madaarada Somaliland sanadkan, isla markaana aanay Xukuumad
ahaan aqoonsanayn Baasaboorka cusub ee dhawaan ay hirgelisay kooxda
Imbigaati ee uu hogaaamiyo C/laahi Yusuf. Wuxuuna ugu baaqay
dhammaan umadda Soomaaliyeed inay madaarada Somaliland kaga dhoofi
karaan gudashada Xajka ee sanadkan Baasaboorkii hore ee Cagaarka
ahaa.
Wasiirka oo shir-jaraa’idkiisaasi
uu maanta kuqabtay magaalada Hargeysa ayaa daboolka ka qaaday
mawqifka xukumada Somaliland waxa aanu sheegay in aan Madaarada
Somaliland aan lagu soo geli karin Baasaboorka cusub ee ay soo
samaysteen kooxda Imbigaati kuwaasi oo aan haba yaraatee aan ahayn
dawlad ayna jirina dal ay iyagu maamulaan oo gacanta ugu jira,
Waxa aanu cadeeyay in garoomada diyaaradaha ee Somaliland lagaga
dhoofi karo oo kaliya Baasaboorka Somaliland iyo kii hore ee
Cagaarka ahaa. Waxaanu sheegay in ay xukuumad ahaan soo dhawaynayaan
oo ay ogol yihiin isticmaalka Baasaboorkii hore ee Cagaarka ah oo ay
dadweyanaha ogaysiinayaan sidaasi
Dadyowga Somaliyeed ee aanu jaarka nahay ee Islaamka waxa aan u
sheegaynaa in garoomada Somaliland ay kaga dhoofiakaraan
basaaboorkii hore ee cagaarnaa, oo ay Xajka, kuna socdaali karaan
kaasi, sidii ay horeba ugu isticmaali jireen, taasi oo dad badani ay
kaga dhoofeen madaaradyada xajkii hore
Wasiirka waxa la waydiiyay su’aal u dhignayd, "Baasaboorkan Cagaarka
ah miyaan dawladda Sacuudigu joojinin, sidee loogu tagi karaa Xajka?
Waxa uu ku jawaabay, “Maya, ma joojinin wali oo sanadkii dhawaa
Xajka ayaan tegay, waxay ku talo galeen inay joojiyaan, hase yeeshee
waxa dhacday in laysku qabtay oo ay yidhaahdeen kii hore ha la wado.
Waxaanu u sheegaynaa Dawladaha Sacuudigu ka mid yahay Xajku maaha
wax siyaasad geli kara,” ayuu yidhi, waxaanu intaa ku daray oo uu
yidhi, “Somaliland-na waxa lagaga dhoofi karaa Baasaboorka
Somaliland iyo dadka haysta kii hore.” intaba iyada oo uu sheegay in
marnaba aan basaaboorka cusub ee ay soo samaysteen kooxda C/laahi
Yusuf aan marnaba lagu soo gali karin Somaliland isla markaasn aan
lagaga dhoofi karin.
Source Qarannews
|