Wasiirka Macdanta Iyo Tamarta Oo Sheegay In Dastuur ka Aanay Meelna
Kaga Jirin In Heshiisyada La Galo Barlamanka La Mariyo
Hargeys (TNN):-Wasiirka Wasaarada Macdanta iyo Tamarta
Somaliland Xuseen Cabdi Duc aale, ayaa sheegay in Dastuurka iyo
Sharciga Somaliland aanay meelna kaga oolin in Hes hiisyada ay
Wasaaraddiisu la galayso Shirkadaha Caalamiga ah la mariyo
Baarlamaanka.
Wasiirka Wasaaradda Macdanta iyo Tamarta Xuseen Cabdi Ducaale oo
Wargeyska Geesk a Afrika u waramay ayaa sidoo kale beeniyey wararka
sheegaya inuu Seedigii siiyey Qan daraas dhan laba milyan iyo badh
dollar oo ah wacyigelinta hawlaha shidaalka, , waxanu Wasiirku yidhi
isaga oo ugu horeyn ka waramaya Shidaal baadhista “Wax Shidaal ah
maan u helin ilaa hadda, wax Macdan ahna maanu soo saarin, waxa aanu
ku hawl-nahay oo aa nu wadnaa Sahamintii iyo sidoo looga faa’iidaysan
lahaa kheyraadka dalkeena ku jira, mu ddadii aanu masuuliyada haynay
Shirkado ku xeel dheer arimahan oo Aqoon, Maaliyad iyo awoodba u leh
ayey Dawladdu la gashay heshiisyo, heshiisyadaas oo ah inay
Shirkaduhu bilaabaan Sahamada, Sahamadaasina markii hore wey
bilaabeen, Shirkada Green la odhan jiray ayaa markii hore
bilawday,Shaqadaas hakad ayaa ku yimid, iyada oo aanay ahayn mid
aynu inagu kasbanay, laakiin ahayd dareen ay qaateen oo ah xasilooni
daro, Shirkada hani waa Shirkado Ajaanib ah, waxayna door bideen
iyaga oo si adag loo ilaalinaayo moo ye in aanay hawshan qaban”.
Wasiirka Macdanta iyo Tamarta oo ka jawaabay su’aal aanu ka
weydiinay sababta uu Golayaasha Barlamaanka uu u keeni waayey
Heshiisyada ay Wasaaraddiisu la gasho Shirkadaha Caalamiga ah waxa
uu ku jawaabay “Arintan mar walba waa laga hadlaa, waa Cajalad jaban
oo mar walba la saaro, waana su’aal had iyo jeer taagan, anagu wixii
Dastuurku iyo Sharcigu dhigayaan Dawlad ka soo horjeeda ma
nihin,Sharciga Dalka u yaala ee aynu ku dhaqano Macdanta iyo
Badiroolka ku saabsan, meel uu kaga yaalo heshiisyadooda inuu
Barlamaanku ansixiyo anigu kuma hayo, Shir-gudoonkuna namuu odhan
heshiisyada aad la gashaan Shirkadaha soo gudbiya intuu si rasmiya
Waraaq noogu soo qoray, anaga oo cuskanayna Sharciga iyo Sharciga
anaga ayaa xaq u leh ee noo soo gudbiya, anaga ayaa xaq u leh in
aanu saxeexno, haddii Sharciyadaas inoo yaala ay amrayaan in
heshiisyadaas inay Barlamaanku ansixiyaan Dawlad diidaysa ma nihin”.
Wasiirka Macdanta iyo Tamarta oo hadalkiisa sii wata ayaa yidhi
“Hadda waxa aanu wadnaa oo aanu curinaynaa Shuruuc cusub, marka
Shuruucdaas waxa aanu u gudbinaynaa Barlamaanka, markaas xaq ayey u
leeyihiin Barlamaanku inaynu sameeysano Sharci cusub oo Macdanta iyo
Badaroolka sameeynaya, markaas haddii uu Barlamaanka uu ka soo gudba
ee uu Madaxweynuhu saxeexo uu noqdo wixii heshiis caalamiya ee ku
saabsan Macdanta iyo Bardarool ku saabsan ee Dawladda Somaliland
gasho, waxa uu amrayaa in Golaha Wakiiladu ansixiyo, dawlad is
hortaagaysa ma nihin”.
Wasiirka Macdanta iyo Tamarta mar uu ka hadlaayey Gobolada ay ka
wadaan Sahaminta ayaa yidhi “Gobolo badan ayaa laga shaqaynayaa,
balse imika lix Gobol ayaa laga shaqaynaya oo heshiisyadani
sameeynayaan, laakiin heshiisyadii sahaminta ee hakad ka yari ku
yimid iyada oo dhinaca amaanka la sugo mooye oo laga baaran dego
mooye hawshu ma dhaqaaqayso,halkaas ayey arintu hadda taagan tahay”.
Wasiirka Macdanta iyo Tamarta mar aanu wax ka weydiinay waxa ka jira
wararka la baahiyay ee sheegaya inuu Seedigii Qandaraas ku kacaya
laba miyan iyo badh dollar ku siiyay wacyigelinta arrimaha
shidaalka, ayaa ku jawaabay “Haba yaraate Qandaraas aan Nin seedigay
ah oo laba milyan iyo badh ah ama Shan Dollar ah oo aan u saxeexay
ma jirto, Qandaraas aan Seedigay la galay oo Wasaaraddani saxeexday
haba yaraate ma jirto”.
Source:Geeska
|