Wasiirka Madaxtooyada
Oo ka waramay farqiga u dhaxeeya Wasiirnimada iyo Chief of
cabinet-ka
“Waxaan
Rajaynayaa Inaan xilkan aan u qalmo oo aan Ka soo bixi doono”
“Shaqadaydu waa inaan agaasimo, isku dubo-rido, qorsheeyo u
diyaariyo Madaxweynaha hawl maa me edkiisa shaqo ee xafiiskiisa
xidhiidhiyana xafiisyada la xidhiidha madaxtooyada”
Hargeysa, July 16th, 2011 (TNN)- Wasiirka Madaxtooyada Somaliland
Md. Xirsi Cali Xaaji Xasan, ayaa shee gay inuu Golaha Wakiiladda u
balan qaadayo inuu ka soo bixi doono shaqadan wasiirnimo ee loo
magaca abay isla markaana uu madaxweynaha ka kaalin doono gudashada
xilkiisa.
Wasiirka Madaxtooyaddu waxa uu sidaasi ku sheegay maanta hadal
kooban oo uu ka jeediyay fadhigii Golaha Wakiilada ka hor intii aan
la ansixin.
Wasiirku waxa kale oo uu sheegay arrimaha siyaasada kaalin ka qaadan
doono waxaanu ka waramay farqiga u dhaxeeya xilkan wasiirnimo iyo
Chief of cabinet-kii.
Md. Xirsi Cali Xaaji Xasan oo la hadlayay Mudaneyaasha Wakiilada
waxa uu yidhi “Salaan ka dib, waxaa n halkan (Golaha) u imid waa
dastuuri in Wasiirradu ay yimaadaan Golaha marka la magacaabo si
looga ansixiyo oo loo xalaaleeyo shaqada ay qaranka u qabanayaan.
Kalmadda halkan la iga siiyay waxaan filayaa inay tahay inaan sheego
shaqada aan qabanayo maadaama oo aqoontayda iyo waayo aragnim adayda
laga akhriyay Golaha hortiisa. Waxa madaxweynaha Somaliland ii
igmaday xilkan si waafaqsan Qodobka 94-aad ee dastuurka Somaliland
oo odhanaya Wasiirraddu waxay ka caawinayaan ama ka kaalmaynayaan
Madaxweynaha xilkiisa sida qodobkaasi ku cad waxa madaxweynuhu ii
igmaday inaan ka kaalmeeyo shaqadiisa.”
“Shaqada aan qaabilsan nahay ee Wasiirka Madaxtooyaduna waxay tahay
inaan agaasimo, isku dubo-rido, qorsheeyo u diyaariyo Madaxweynaha
hawl maalmeedkiisa shaqo ee xafiiskiisa xidhiidhiyana xafii syada la
xidhiidha madaxtooyada,”ayuu yidhi Wasiirka madaxtooyadu.
Waxaanu intaasi ku daray “Waxaan rajaynayaa in xilkayga shaqo uu
yahay mid siyaasadeed oo Madax weynaha ka kaalinaysa shaqada uu
Hoggaamiyaha ka yahay, waxa is bedelaya shaqadii xafiiskii aan hore
uga shaqayn jiray ee Chief of cabinet-ka oo aan ahaa madaxa
shaqaalaha madaxtooyada. Waxa isbedelaya inaan awood u yeesho inaan
ka hadli karo, cabiri karo oo aan u guntan karo hawlaha siyaas adeed
halka markii hore shaqadaydu ahayd shaqo ku koobnayd madaxtooyada
ayna ka baxsanayd arri maha siyaasada.”
“Golahan markii u horeysay ee aan hor imaado ma aha, waxaan hor imid
anigoo Komishan Doorasho ah, waxaan kala kulmay inay shaqadii igu
adkaato waxaanan si iskay ah u iclaamiyay xiligaasi inaan ka tag ay.
Waxaan shaqadan maanta aan rajaynayaa inaan ka soo baxo. Siday ay
Gudida arrimaha guduhu u yidhaahdeen wuu u qalmaa shaqadan. Waxaan
qabaa inaan u qalmo shaqadan oo aan qaban karo wax aanan rajaynayaa
inaan arrimaha qaranka kaalin mugleh ka qaato,”ayuu yidhi Md. Xirsi
Cali Xaaji Xa an ka dibna waxa mudaneyaashii ay mar qudha isla
oogsadeen oo ay u garaaceen sacab aad u badan.
Source:Somaliland.Org
|