Wasiirka
Xannaanada Xoolaha Oo Sheegay In Gob olka Saaxil Yahay Gobolka Ugu
Wax-qabadka Ba dan Ee Ay Xukuumadda Rayaale Ku
Faanayso
Wasiirka Wasaaradda Xannaanada
Xoolaha Somaliland Dr. Idiris Ibiraahin Ca bdi,ayaa sheegay in
Maxjarka dhoofka Xoolaha Somaliland oo ku yaalla Mag aaladda
Berbera,in uu Sucuudiga u furmi doono bil ka dib,isla markaana
Xool aha laga raraa ay si rasmiya u tagayaan dalka Sucuudiga. Isaga
oo dhinaca kalena Wasiirku difaacay waxqabad la’aan lagu eedeeyo
Xukuumadda uu ka tirsan yahay.
Wasiirka oo maanta si khaas ah ugu waramayay Horn Cable TV,waxa uu
faahfaahin ka bixiyay meelaha ay u dhoofi doonaan xoolaha Somaliland
iyo inta wadan ee la soo xidhiidhay tan iyo intii Maxjarka
Somaliland laga hirgeliyay. Waxaanu tilmaamay inay guul ka gaadheen
dhinaca dhoofinta Xoolaha nool, Oontooda iyo tayaynta
caafimaadkooda-ba, kuwaasoo ka mid ah Waxqabadka Wasaaraddiisa intii
uu joogay sida uu sheegay Wasiir Idiris.
Wasiirka Xannaanada Xoolaha, waxa kale oo uu ka hadlay Maxjarka
dhoofka xoolaha ee dhawaan laga hirgeliyay Magaaladda Berbera ee
Xarunta Gobolka Saaxil, in haatan ilaa siddeed wadan oo ay ku jiraan
lix wadan oo ka mid ah yihiin wadamada Khaliijku ay la soo
xidhiidheen Maxjarka.
Dr. Idiris mar wax laga waydiiyay qadarka lacageed ee ku baxday
dhismihii Maxjarka, waxa uu sheegay in ay ku baxday lacag dhan Shan
Milyan oo Doollar-ka Maraykanka ah. Isla markaana waxa uu intaa ku
daray in uu noqday Maxjarkii ugu qiimaha Jabannaa.
Wasiirka Xannaanada Xooluhu mar uu ka hadlayay Xoolaha Somaliland ee
u leexday ama ka dhoofa Dekadaha kale ee wadamada Jaarka, waxa uu
caddeeyay inay faraha ka qaadeen ka dib markii laga xoog-roonaaday.
Isaga oo xusay in Xisbiyada Mucaaridku siyaasad ahaan uga
faa’iidaysteen wakhtigii la dhisayay oo ay ku dhaliileen in Nin
Carbeed leeyahay Maxjarka. Sidoo kalena ay aad u yaryihiin tirada
dadka Mucaaridka ah ee taageeray hirgelinta Maxjarkan oo ah kii ugu
horeeyay ee ay Somaliland yeelato.
Waxa kale, oo uu Wasiir Idiris Ibraahin Cabdi ka hadlay, doorashada
Madaxtooyada ee la filayo inay dalka ka qabsoonto 27 September
2009-ka, oo uu sheegay in dawladdu mar walba diyaar u tahay
qabsoomidda doorashada, isla markaana ay kalsooni weyn ku qabaan
inay guulaystaan. Wasiirka Xanaanada Xooluhu waxa uu difaacay
waxqabadka Xukuumadda uu ka tirsan yahay ee ku aadan Gobolka Saaxil.
Gobolka Saaxil oo sida la ogsoon yahay ah Isha ugu weyn ee
dhaqaalaha Somaliland ka soo baxo, ayaa dhawaanahan waxa soo baxayay
cabashooyin is-daba-joog ah iyo dhaliilo ay u jeedinayaad ay
Xukuumadda Rayaale dadka Deegaanka, Xisbiyada Mucaaridka,
Xildhibaanada Golayaasha ee Gobolka ka soo jeeda iyo qaybo kala
duwan oo bulshada ka tirsan, taasoo ay ku duraan inaan Xukuumaddu
waxba u qaban, isla markaana Magaaladda Berbera ay tahay mid ka
ragaaday guud ahaanba arrimaha bulshada iyo horumarkii ay mudnayd.
Hase ahaatee, Wasiirka Xannaanada Xoolaha Dr. Idiris Ibraahin Cabdi
oo ka mid ah Wasiirada Gobolka Saaxil ka soo jeedaya, ayaa difaacay
eedaha loo jeediyo. Waxaanu ku dooday in Gobolka Saaxil yahay
Gobolka ugu waxqabadka badan ee ay ku faanayso Xukuumadda Madaxweyne
Rayaale ee uu ka tirsan yahay.
Hadhwanaagnews.com
|