Wasiirkii
Hore ee Wershadaha oo Shirqool iyo Dibindaabyo Qaran ku Tilmaamay
Daynta Cawil u Qortay Xukuumadda Cusub
Hargeysa (TNN)- Wasiirkii hore ee
Wasaaradda Wershadaha xukuumaddii Rayaale Mr. Maxam ed
Saleebaan Maxamed (Ina Saleebaan-weyne), ayaa mu’aammarad iyo
shirqool qaranka lagu duminayo ku tilmaamay lacagaha daynta ah ee
wasiirkii hore ee Maaliyadda Xuseen Cali Duca ale (Cawil) u
gudbiyey wasiirka cusub ee xilka kala wareegay Eng. Maxamed Xaashi
Cilmi.
Maxamed Saleebaan oo qaar ka mid ah saxaafadda ugu warramayey shalay
gurigiisa caasimad da Hargeysa, waxa uu carrabka ku adkeeyey
in wixii dayn lagu leeyahay qaranka Somaliland ay la kala wareegeen
madaxweynihii hore Md. Daahir Rayaale Kaahin iyo Madaxweynaha la
doort ay Md. Axmed Maxamed Maxamuud (Siilaanyo), isla markaana aanay
jiri karin dayn kale oo wa siir la beddelay u soo qoro
xukuumadda cusub, sidaa darteedna waxa uu Eng. Maxamed Xaashi Cilmi
ugu baaqay inuu ul dheer iskaga fogeeyo arrintaas oo uu ku sifeeyey
shirqool Cawil ugu talogalay curyaaminta qaranka iyo xukuumadda
cusub.
“Wixiii dayn ah ee qaranka lagu leeyahay iyo guud ahaan hantidii
qaranka oo dhan waxa la kala wareegay labada madaxweyne -
madaxweynihii hore Md. Daahir Riyaale Kaahin iyo madaxwey naha
cusub ee talada ku guulaystay Md. Axmed Maxamed Maxamuud (Siilaanyo)
- isagoo mad axweyhihii hore wixi dayn ah ee qaranka lagu
leeyahay uu kala soo tashaday oo uu u soo diya ariyey
wasiirkiisii maaliyadda.
Haseyeeshee, waxa nasiib-darro iyo wax lala yaabo ah in wasiirkii
hore ee maaliyadda ee mad axweynahiisii wareejiyey dayntii
dalka lagu lahaa uu soo qorto dayn kaloo uu doonayo inuu ku
wareejiyo wasiirka cusub ee Eng. Maxamed Xaashi Cilmi. Arrintaasi
waa qorshe lagu curyaamin ayo qarannimada Somaliland
Sida muuqata Cawil [Wasiirkii hore ee Maaliyadda] waxa uu arrintaas
ka leeyahay laba ujeeddo oo halis ah, kuwaas oo kala; inuu ku
curyaamiyo xukuumadda cusub ee ummaddu waxqabadka ka sugayso iyo in
uu abuuro qorshe burush dembiyo ah lagu marmarinayo madaxweynihii
sida quruxda badan taladii u wareejiyey si la isu sudhnaado oo aan
dalku wax hourmar ah weligii ug u tallaabsan, wasiirka cusub
waxaan ku boorrinayaa in aanu dheg u dhigin daynta Cawil, la
da ba socdo oo uu si cad u diido,” ayuuu yidhi Mr. Maxamed Saleebaan.
Waxa kale oo uu wasiirkii hore uu uga digay mudanayaasha Golaha
Wakiilladaa in ay carqalade eyaan ansaxinta xukuumadda cusub
ee madaxweynu soo dhisay.
“Waxa maalmahan warbaahinta ku soo noqnoqonaayey qorshe qaar ka mid
ah xildhibaanada G olaha Wakiilladu oo ah wasiirrada cusub ee
Arrimaha Gudaha iyo Maaliyadda in xukun maxkama deed ku dhacay
oo la horjoogsan doono ansixintooda.
Eng. Maxamed Xaashi iyo Dr. Gabboose waynu ogayn dulmigii,
caddaalad-darradii iyo xukunkii aan sharciyadda ku fadhiyin ee
xabsiga loogu taxaabay, taas oo aan noqon karin mid nin dan gaar ah
leh marmarsiiyo ka dhigto. Mudanayaasha Golaha Wakiillada ee
xantaasi ka soo yeed hayso waxaan leeyahay way dhammaatay
wakhtigii sayladaha la joogi jirey ee maalinba ninkii dan leh
dhabarka idin tuujin jirey. Maanta qaranka Somaliland meelbuu u wada
jeedaa oo horu mar baa la higsanayaa ee saxiibbayaal waxaan
idin leeyahay sayladdii waa laga rawaxay ee q arankiina u
shaqeeya,” ayuu hadalkiisa ku soo gunaanaday wasiirkii hore ee
wasaaradda wars hadaha.
Source: Jamhuuriya Online
|