Wefti
Uu Hogaaminayo Safiirka Sweden U Fadhiya Kenya
Ayaa Gaadhi Doona Maalinta Arbacada
Dalka Somaliland
Kenya/Nairobi (Longlivesomaliland
News)- Gudoomiyaha xisbiga mucaaridka ah ee Ucid Faysal Cali Waraabe
oo maal mahan ku sugnaa wadanka Kenay gaar ahaana magaalada Nairobi
ayaa ka waramay intii uu joogay magaalada Nairobi masuuliyiintii uu
la kulmay.
Waxaanu sheegay in isaga iyo gudoomiyaha kale ee xisbiga mucaaridka
ah ee Axmed siilaanyo ay si gooni gooniya ula kulmeen maalintii
shalay ahayd safiirada dalka Kenay u fadhiya European Union-ka gaar
ahaan safiirka dalka madaxda u ah European Union-ka oo ah nin
Swedish ah iyo safiirka dalka Spain u fadhiya Nairobi iyo waliba
Komishanka reer yurub.
Gudoomiyaha Ucid Faysal waxa uu sheegay in ay masuuliyiintaas ay la
kulmeen uu wixii ay ka wada hadleen ay ahayeen arrimaha hada ka
taagan Somaliland ee ay ugu horayso diwaangelintii ay komishanka iyo
madaxweynu isku raaceen laalisteeda.
Gudoomiye faysal waxa kale oo uu sheegay in laga soo amray Brussels
isala markaana wasiiru khaarijiyaasha Yurub oo dhami ay doonayaa in
laga soo saaro go’aan deg deg isla markaana ay ka doonayaa
madaxweynaha Somaliland war deg deg.
Intaas waxa uu ku daray gudoomiyaha xisbiga Ucid in maalinta
arbacada soo socota dalka Somaliland loo diri doono wefti heer sare
ah oo uu hogaaminayo safiirka Sweden u fadhiya Kenya, weftigaas oo
uu sheegay in ay Somaliland joogi doonaan mudo 2 ilaa 3 cisho ah si
ay u ogaadan ayuu yidhi gudoomiyuhu runta iyo xaqaa’iqa ka jira
Somaliland iyo wax madaxweynuhu ku keenay wax aan jirin isaga oo uga
jeeday muranka diwaaangelin la’aanta.
Gudoomiyaha xisbiga Ucid wax kale oo uu sheegay in ay si weyn u
rabeen in ay la kulmaan xoghayaha arrimaha dibada ee dalka
maraykanka Mrs. Hillary Clinton in kasta oo uu sheegay in aanay u
suuro gelin.
Wuxuu intaas ku daray gudoomiyaha Ucid in ay kulamo la yeesheen
wefti ka socoda xukumada Maraykanka iyo xoghaya wasaarada arrimaha
dibada u qaabilsan arrimah afrika Mr. Donald Payne iyo safiirka
maraykanka u fadhiya safaarada Nairobi.
Md Faysal waxa kale oo uu gaashanka ku dhugtay in ay weftigaasi si
gaara isha ugu hayeen xasiloonida Somaliland iyo hanaanka
dimuquraadiyada isla markaana aanay doonayn in faraha ka baxdo
nabada iyo deganaanshaha.
Ugu danbayntii Faysal waxa uu sheegay in dawladu ay xafidi kari
weyday dee gaanka u dhexeeya labada Gobo lee Awdal iyo Gabilay
aanu ku tilmaamay dawlada dalkeeda xafidi kari weyday in aanay cidna
ictiraafayna isla markaana aaan la maal gashanaynin.
Mustafe Future
Longlivesomaliland News Desk
Hargeisa/Somaliland
|