Weftigii Somaliland oo ka hadlay shirkii Istanbul iyo Qodabadda ka
soo baxay
Istanbul,Turkiga (TNN)-Wasiirka Wasaarada Arrimaha dibada ee
Somaliland Mudane Maxamed Cabdilaahi Cumar ayaa xalay faah-faahin ka
bixiyay shirka ay kaga qayb galeen Magaalada Istaa nbuul ee Turkiga
iyo Qodobada Somaliland ka khuseeya ee ka soo baxay shirkaas.
Wasiirka Arrimaha Dibada oo ku sugan magaalada Istaanbuul ayaa
sheegay in Somaliland ay ka ga qayb gashay shirkaas hab maamuus u
gaar ah oo la mid ah ka madaxda dunnida ka socotay la siiyay.
Wasiirka Khaarajigu wuxuu xusay in weftiga uu hogaaminayaa ay kulamo
la qaateen Ra’isal Wasa are ku xigeenka dalka Turkiga,Wasiirka
Arrimaha dibada ee dalkaas iyo maddax ka socotay duni da.
“Arrimihii aanu shirkan Istanbuul u nimid waxay ahayd casuumad iyo
marti-qaad aanu ka helay dalka Turkiga. Waxyaabihii aanu u nimidna
waxa ka mid ahayd 1-Inaanu Somaliland qeybteeda ka hesho wax kasta
oo taageero ah sida dhaqaalaha iyo mucaawimooyinka. 2. Waxa kale oo
aanu u nimid inaanu dawladda Turkiga oo u soo banaan baxday inay
arrimaha Soomaalida wax ka qabato inaanu u sharaxno kana dhaadhicino
himiladda iyo qadiyadda Somaliland. 3- in aanu wadamadda aduunka ee
shirkan ka qeyb galay la yeelano shir doceedyo ah kala yeelano
arrimaha siyaasadda iyo horumarka ee Somaliland ka socda,”ayuu yidhi
Wasiirka arrimaha dibadda oo shirkaasi markii uu soo xidhmay la
hadlayay saxaafaddu.
Wasiirka oo ka hadlayay qodobadda Shirkaasi ka soo baxay ee
khuseeyay Somaliland wuxuu yidhi “Qodobadda muhiimka ah ee shirkaasi
ka soo baxay ee Somaliland khuseeya ee aanu filaynay ina y nooga soo
baxaan waxa nooga hirgalay 1-In balan-qaadkii baaqa ahaa ee ka soo
baxay shirkan in dawladda Turkiga iyo dawladihii kale ee shirkan
balan qaadka ka sameeyayba ay balan-qaade en inay wixii dhaqaale ah
iyo horumarin ah ay toos u siinayaan Somaliland wixii kaga soo
hagaaga mucaawimaddii halkan lagaga dhawaaqay. 2-Waxa nooga soo
baxay waxaanu shir la yeelanay Ra ysal wasaare ku xigeenka Turkiga
iyo wasiirka arrimaha dibadda waxay sheegeen inay Somaliland ka
furaynayso xafiis qunsuliyad ah iyo xaga horumarinta ah si ay
muwaacimadda Turkiga iyo Som aliland u noqoto mid toos ah.3- waxay
Somaliland fursad u heshay shirkan oo ay ka soo qeyb galeen lixdan
dal inay ka soo jeediso dareenka shacbiga iyo himilooyinka qaranka
Somaliland. 4- qodobkii ku baaqayay inay wada hadal Somaliland iyo
Soomaaliya yeeshaan wada hadal ayaa ka mid ahaa isna qodobaddii ku
soo baxay war-murtiyeedkii shirkaasi laga soo saaray.”
Dr. Maxamed Cabdilaahi wuxuu intaasi ku daray inay Raysal wasaare Ku
xigeenka dawladda Turki gu uu dhawaan socdaal rasmi ah ku iman doono
Somaliland.
Wasiirka Arrimaha dibadu waxa uu sheegay inuu khudbad nuxurkeedu
ahaa madax banaanida iyo qaranimada Somaliland uu madashii shirkaas
ka jeediyay taas oo uu sheegay inay beesha caalam ka kaga doonayaan
Taageero dhaqaale iyo aqoonsi caalami ah.
Mudane Maxamed C/laahi Cumar waxa uu tilmaamay in iyadoo laga
duulayo go’aamaddii ka soo baxay shirkii Magaalada London ka
qabsoomay 23-kii bishii feberwari ee sannadkan ay beesha caalamku
xaqiiqsatay kala duwanaanshaha Somaliland iyo Somalia, sidaas
darteedna ay ugu baa qeen sidii beesha caalamku ay uga taageeri
lahayd wada hadal laba geesood ah oo ay wada yee shaan Somaliland
iyo Somalia,si ay uga wada hadlaan isla markaana uga wada tashadaan
ayaahooda.
Wasiirku waxa uu cadeeyay in Somaliland loo balan qaaday in
qaybteeda laga siiyo deeqaha horu marineed ee shirkaas lagu
go’aaminayo, gaar ahaan in laga caawiyo mashaariicda ay ka mid
yihiin Biyaha,Wadooyinka iyo wixii la mid ah.
source:so
|