Xafladii Qallinjabinta Dufcadii 8aad Ee Jaamacada Hargeys a+A
rdeydii ugu tirada badneyd Jaamadaha Somaliland Oo Qal lin j
abiyey_Jawigii Madasha,Hadaladii Masuuliyiinta Iyo Farxadii iyo
hambalyadii ardeyda qallinjabisey.
Hargeysa (TNN)-Xaflad aad u
ballaadhan ayaa lagu qabtay barxadda xafladaha ee jaamacadda Harg
eysa, waxana loo dhigay ardayda dufcadda 8aad ee ka qalin fusha
jaamacadda Hargeysa oo ah tan ugu ballaadhan jaamacadaha Somaliland.
Waxa madasha joogay madaxweynaha Somaliland, wasiiro ay ka mid
yihiin wasiiradda waxbarasha da , madaxtooyada, arrimaha debeda, iyo
kuwo kale. Waxa iyaguna madasha fadhiyay axsaabta qa ranka
madaxdooda, xildhibaanno labada gole ka tirsan, waalidiin,
aqoonyahan iyo martisharaf kale. Dadweynuhu aad bay u badnaayeen,
waxana buux dhaafay barxaddii xafladdu ka socotay, laakiinse
nidaamku ma lumin oo waxay u socotay xafladdu hanaan qurux badan.
Xidhiidhaya xafladda ahna h ormoodka kulliyada Sayniska ayaa
shaaciyay in xafladdan aan loogu talo galin wax siyaasad ah sida as
darteedna madaxda goobta ku sugani ka hadlaan oo kaliya wixii aan
siyaasad ahayn.
Bilawgii hore ee xafladda
Ammaanka ayaa aad loo sugay, waxana la mamnuucay in gawaadhida la
dhigto afaafka hore iyo dayrka jaamacadda, waxana jidadka jaamacadda
soo gala ku sugnaa qaar kamid ah ciidanka boolis ka oo dadka u
sheegayya halka gaadiidka la dhiganayo, isla markaasna kala hagayay
baabuurta faraha badan ee kusoo qulqulayay jaamacadda. Xafladda oo
la filayay inay bilaabanto ugu danbayn 8.30 subaxnimo ayaa dib uga
dhacday saacad iyo dhawr miridh, taas oo ay sabab u ahayd habsan ku
yimi weftiga madaxweynaha laakiinse ma jirin wax daal ah ama caajis
ah oo dadka ka muuqday, taasoo ay sabab u ahayd xiisaha gaarka ah ee
ay lahayd xafladdu.
Imaatinkii waftigii madaxweynaha
Madaxweynuhu markii uu soo gaadhay xarunta jaamacadda abbaaro 9.45
subaxnimo waxa uu salaam sharaf ka qaatay ciidanka baamboyda, waxana
uu usoo dhaqaaqay madasha xafladda oo ay dadku u sare kaceen isla
markaana sacab aan kala go’ lahayn lagu soo dhoweyey. Madaxweynuhu
waxa uu xafladda ku sugnaa ilaa 1.30 duhurnimo, waxana la socday
wafti culus oo masuuliyiin badan leh.
Agaasinkii xafladda
Xafladda waxa loo agaasimay qaab aad u heersarreeya, waxana ardayda
qalin fushay oo qoloba dhar gaar ah ku jeeni qaarnayd la fadhiisiyay
meel u gaar ah, waxana marka hormoodkoodu hadlayo u heesayay koox
fananiin da’yar ah oo ka socday ururka SOCSA, kadibna waxa kacayay
ardayda kulliyadaas. Waxa sannadkan lagu soo kordhiyay madasha
xafladda dhisme hoos ah oo loo sameeyey xafladda, kaas oo ay aad
usoo dhoweeyeen ka qayb galayaashu. Mid ka mid ah ardayda jaamacadda
ka baxday oo aan la sheekaystay intaan ku sugnaa xafladda ayaa ii
sheegay in aanu waligiis tan oo kale arag, isaga oo intaas ku daray
inuu aad uga mabsuuday hannaanka loo agaasimay.
Khudbadihii xafladda & Ballan qaadyadii madaxda
Guud ahaanba hormoodada kulliyadaha kala duwan ee jaamacaddu waxay
ka hadleen horumarka kulliyadahooda iyo guud ahaanba kan jaamacadda
iyaga oo sidoo kalena dul istaagay baahiyaha jira oo ay usoo
bandhigayeen xukuumadda iyo shirkadaha waddaniga ah. Waxa taas
barbar socotay baaqyo ballan qaadyo ah oo kazoo yeedhay badi
shirkadihii yo masuuliyiintii goobta joogtay, waxana ka mid ahaa in
shirkadaha waddaniga ah ee Somtel ay labada arday ee kulliyada
ICT-ga ugu sarreyey shaqaalaysiinayso, iyo sidoo kale in shirkaddu
ballan qaaday dhisidda macmal ama lab loogu talo galay “Quality
Control” ama xakamaynta tayada, kaas oo loo dhisayo kulliyada
Sayniska. Ballanqaadadii kale ee goobta waxa ka mid ahaa in
shirkadda Telesom aya iyaduna dhisayso oo qalabanayso laba hool oo
haatan dhismahoodu ka socdo isla jaamacadda. Sidoo kale shirkadda
Dahabshiil ayaa iyaduna ballan qaad halkaas ka jeedisay halka fariin
uu soo gaadhsiiyay taliyaha ciidamada booliska Somaliland uu ballan
qaaday in shan araday ay qaadanayaan oo shaqo siinayaan.
Gudoomiyaha Jaamacada Hargeysa Muuse Aadan Axmed oo Munasibadaasi
hadal ka jeediyay ayaa ka warbixiyay Taariikhihii kala duwanaa ee
Jaamacadu soo martay, waxana uu ku dheeraaday Sababihii keenay in la
aas aaso jaamacada isaga oo ka hadlayaana waxa uu yidhi “Waxa Weeye
in la Horumariyo, Aqoonta, Waxa weeyeen in ay Jaamacadani kaalin
Weyn ka Qaadato Sidii uu dalkunu u noqon lahaa mid Taaba gala, haday
ahaan lahayd Horumar dhaqaale,Caafimaad, Waxbarasho iyo mid
kaleetoba.
Jaamacadan waxa dhigta Qayaha kala duwan ee Bulashada haday ahaan
lahayd, kuwa ku jirra Xukuumadda, Ururadda Bulshadda, Ganacsatadda,
Shaqaalaha Dawladda, Ardeyada ka soo baxada Dugsiyadda Sarre iyo
Waliba Qaybaha kala duwan ee bulshadda.
Gudoomiyaha Jaamacada Hargeysa waxa uu sheegay in ay Ardeyda dhigta
Jaamacada iyo kuwa ka qalin jabiyayba ay si weyn uga Qayb Qaataan
horumarka dalka, waxana uu tilmaamay in Ardeyda Jaamacadu yihiin
kuwo Si mug leh uga Qayb Qaatay Diwaan Galintii ka dhacday Dalka iyo
Waliba Doorashaddii Qabsoontay Sanadkii aynu Soo dhaafnay isaga oo
ka hadlayaana waxa uu Yidhi “ Ardeyda Jaamacadu waxa Si Mug leh uga
Qayb Qaateen Diiwaan galintii iyo Doorashooyinkii ka dhacay Dalka,
waxana ay Hawshaas u guteen si xaq ah oo cadaalad ah , waxana ay
Suurta galiyeen In doorashadaasi ay u dhacdo si xaq iyo xalaal ah”
Gudoomiye Ku xigeenka Xisbiga UDUB Axmed Yuusuf Yaasiin oo isna
Madashaasi ka hadlay ayaa kula dardaarmay Ardeyda Qalin jabinaysa
inaanay Marnaba u Hanqal Taagin Tahriib waxana uu u soo jeediyay in
ay ka faa’iideystaan Dhulkooda Hooyo isaga oo arimahaas ka
hadlayaana waxa uu yidhi “ waxaan halkan ka soo jeedinayaa Dardaaran
Xaga Ardeyda ah, waxa ILAAHAY inigu saliday waxa weeye Tahriib, oo
la moodo inaan ku dhalnay Lafteeda Tahriibta, Kolay Maamulkii Horre
UDUB Waa lagu Ceebayn jirey, laakiin waxaaan lee yahay waa arin Soo
jireen ah, oo waligeedba aynu socon jirnay, waxaad arkaysaa Nin Miyi
ku ladan oo ka Guuraya oo Magaalo u guuraya, waxaad arkaysaa Nin
Soconaya oo aan Isba Taageyn.
Dabcan Anigu Waan Soo Maray Mucaarad iyo Muxaafid wuxuu yahayna waan
Garanyaa bal maanta waxa la doonayaa Muxaafid iyo Mucaarad in Miis
layskugu keeno oo Annagu (UDUB) waxaanu ahayn niman gaariday oo la
garaaci jirey Markaa Maanta , Faysal (Faysal Cali Waraabe) uun Baan
Marin Muxaafidnimadda ee Axmed (Axmed Siilaanyo) wuu Garanayaa waxay
tahay Muxaafadnimadda iyo Mucaaradnimadu, Mucaaradnimadda waxa ku
jirra inyar oo Xaasidnimo ah Marekaa waxaan lee yahay ha laysku soo
yara Dhowaadoo Arimaha meelo dhexdheexaad ah ha layskugu keeno”.
Gudoomiyaha Xisbiga UCID Faysal Cali Waraabe, oo ka hadlay
Xafladaasi ayaa isna dhankiisa Xusay Inaanay Jamaacada Hargeysa
lahayn Maamul toos ah oo loogu soo hagaago, waxana uu sheegay in
laga gaabiyay Habkii loo sameyn lahaa Maamul toos ah oo ay jaamacadu
yeelato waxana uu yidhi “Jaamacadda Camuud waxa ay hoostimaada
Gobolka Awdal, kuwaasi oo gacanta ku haya, jaamacada gobolkaTogdheer
waxa gacanta ku haya Gudida Horumarinta Gobolka Togdheer, Jaamacada
Hargeysa, ilaa iyo Hadda waa Mar Saddexaadka aan ka hadlay Meel ay
ku Abtirsato garan mayno, Jaamacad aan lagaranayn cida loo raacoba
iyo cidd u hiilinaysa oo ka naxaysaa Jaamacad Noqon mayso, waxan soo
jeedinayaa in jaamacad la dhigo jaamacad wanaagsan oo ay Dawaladdu
la Wareegto, waxa weeye Jaamacaddu way balaadhatay waa caasimaddii
Jaamacaddu ku shaqayn mayso Yuu ALLE waxa u dhiibey , mar hadday
dawaladdu soo magacaabayso cidiin madax ka ahaan lahaa waa inay
dhaqaalaheedana qayb libaax ka qaadataa”
Gudoomiyaha Xisbiga Kulmiye Muuse Biixi Cabdi, oo ka hadlay
Xafladaasi ayaa Ardeyda ku Amaanay in ay si Baaxad leh uga Qayb
Qaateen Doorashooyinkii ka Qabsoomay Dalka Sanadkii la soo dhaafay
isaga oo ka hadlaayana waxa uu yidhiii “waxaan idiinka mahad
celinayaa sidii adkeyd ee dulqaadka lahayd ee aad uga qayb qaadateen
in uu dalka ka dhacdo Doorasho iyo diwaan galin , haddii aanay
Ardeyda Jaamacaduhu Arintaas Qabanin maanta Sidaas ma aynu ahnayn
waxaad muujiseen Mustaqbalka sida aad dalka ka dhigi doontaan waxaad
muujiseen Aaminaadda Xilka iyo sidda laysku aamini karro,”
Wasiirka Wasaaradda waxbarashadda Somaliland Marwo Samsam Cabdi
Aadan oo Ka hadashay Madashaasi ayaa ka warbxisay Hababka kala duwan
ee Jaamacadaha Dalka, waxana ay Tilmaamatay in Jaamacadda Hargeysa
ay ka mid tahay Jaamacadaha ugu Faca weyn ee Dalka.
Madaxweynaha Somaliland Axmed Maxamed Maxamuud Siilaanyo oo ugu
Danbeyntii ka hadlay Munaasibadaasi ayaa isna dhankiisa Maahadnaq
Balaadhan u soo jeediyeey Dhamaan Ardeyda Qalin jabisay waxana uu
yidhi “waxa aan marka ugu Horeysa Hambalyo aad iyo aad u balaadhan
usoo jeedinayaa Ardeyda Qalin jabisay iyo Dhamaan Shaqaalaha
Jaamacada iyo walidiinta, waxan idin lee yahay in tiina qalin
jabisey Hambalyo.
Jaamacada Hargeysa waa Jaamacad Qaran, waa Jaamacad Taariikhiya waa
Jaamacad ay ku Faanayaan Dadka reer Somaliland waxaan u rajeenayaa
in guusha ay maanta Marayso ay ka sii sarayn doonto, “
Madaxweynaha Somaliland ayaa Balan Qaadayn in ka Dawladda ahaan ay
Gacan weyn ka geysan doonaan Horumarka iyo Taaba Galinta Jaamacadda.
Bixinta shahaado sharafyo
Waxa madaxweynuhu shahaado sharaf munaasibadda ku siiyay arday reer
Somaliland ah oo kaalinta koowaad u galay kulliyad caafimaad oo ku
taala dalka Ethiopia isla markaana uu hore raysal wasaaraha Ethiopia
u guddoonsiyay billad dahab ah. Ardaygaas oo la dhaho Axmed
Saxardiid waxa uu ka mid ahaa ardaydii deeqda waxbarasho ka helay
jaamacadaha ciidanka ee Ethiopia waxana uu kaalinta koowaad u galay
kulliyada caafimaadka.
Waxa iyaguna halkaas shahaadooyin lagu siiyay siddeed arday oo ugu
sarreeyey jaamacadda kaas oo uu ka mid yahay Khadar Maxamuud Gahayr
oo ah ardayga sannadkan ugu sarreeyey jaamacadda Hargeysa, waxana uu
ka tirsan yahay kulliyada Statistics ama xisaabaadka, wuxuna keenay
dhamaan maadooyinkii “A”.
Gunaanad:
Jaamacadda Hargeysa waxa sannadkan ka qalin fulay 538 arday oo ah
tiradii ugu badnayd ee abid ka qalin jabisa jaamacadaha Somaliland,
waxana hablo ah 150 halka ay wiilashu yihiin 388 arday. Waxa
tiradani muujinaysaa kordhka hablaha qalin jabiyay sannadkan oo
noqonaya 27% taas oo aad uga badan kuwii sannadihi hore ka qalin
jabin jiray. Jaamacadda Hargeysa waxa ay ka kooban tahay toban
kulliyadood iyo machad lagu barto dib u heshiisiintai yo adkaynta
nabadgelyada.
Guud ahaan ardayda qalin fushay waxa u rajaynaynaa guul iyo
mustaqbal fiican, waxanan leenahay hambalyo.
Axmed Maxamed Shaqalle
Wariye Madaxbanaan {Freelance journalist}
Shaqalle02@gmail.com
Hargeysa Somaliland
|