Xisbiga
UCID oo Xukuumadda ku Eedeeyey inay imtixaan iska qaaday oo ay
Iskuna saxday
Hargeysa (TNN)- Xisbiga Mucaaradka ah ee UCID ayaa ku tilmaamay
waxqabadka ay Xukuumadda S omaliland ee hada talada Dalka
haysay boqolka Maalmood inay tahay Imtixaan ay iska qaadeen
had ana ay Isku Saxeen ee aanay jirin Aragti aan iyaga ahayn oo
qiimaysay.
Hase yeeshee waxay sheegeen inay ku bogaadinayaan waxyaabo badan oo
uu ka mid yahay Safar kii Madaxweynaha ee Jabuuti iyo sidii
loo soo dhaweeyay iyo wasaarado ay sheegeen inay wax qab teen.
Hadaba warsaxaafadeedka Xisbiga UCID ku eegayo waxqabadka boqolka
maalmood ee Xukuumaddu waxa uu u dhignaa sidan :-
Ka dib markii Guddida fulinta ee xisbiga UCID shir ay isugu yimideen
xafiiskiisa Xarunta Dhexe manta oo ay taariikhdu tahay 09/11/2010
waxy ka soo saareen qodobada hoos ku qoran.
Socdaalkii Madaxweynaha JSL ee Dalka jibuuti
Xisbiga UCID waxa uu soo Dhaweenayaa sidii habmamuuskii qiimaha iyo
qaayaha lahayd ee uu ku soo dhaweeyey madaxweyne Ismaacil Cumar
Geele weftigii uu hogaaminayay Madaxweynaha JSL
Waa arrin lagu diirsado mawqifka wanaagsan ee uu muujiyay madaxweyne
Ismaaciil Cumar Geele.
Xisbiga UCID wuxuu ka rajaynayaa madaxweyne Geele maadaama aan nahay
dad ehel, gacal iyo walaaltinimo ka dhexeyso oo sina u kala
maarmeynin inuu u tafaxayto sidii Somaliland ay u heli lahayd
ictiraaf maadama uu miisaan weyn ku leeyahay manadaqada isna uu
noqdo kii u horeeyey ee ictiraafkaas ku dhawaaqi lahaa.
Waxaa ka rajeynaynaa labada dhinac heshiiskii ay gaadheen inay ka
midho dhaliyaan oo ficil loo rogo sida furitaanka labad xafiis ee
Hargeisa iyo Jibuuti oo ay noqdaan laba safaaradood oo labada dal
kala matalaya.
Heshiiskii Widh Widh
Heshiiskii ay la galeen wafdigi Somaliland Garaad Abshir Salax oo ay
ku galeen Widhwidh, shanta qodob ay wada gadheen iyo sida Garaad
Abshir uu BBC-da uga hadlay isma waafaqsana oo waa waxaan isgalayn
inkastoo sida cuqaasha iyo wax garadka beesha Guuleed Garaad ay ku
muujiyeen qalabka warbaahinta ay ku cadeeyeen in aanay la qabin
Garaadka ariintaas.
Waxaan u sheegaynaa ummada in Garaadku uu baalmaray xurmeynta
heshiiskii u saxeeexay taasina waxay ku tahay magac xumo aan waligii
ka hadhayn.
Waxaan xisbi ahaan cambaaraynaynaa dhawaaqa Madaxweynha maamul
Gubaleedka Puntland iyo xukuumadiisa ka soo yeedhay ee ay ku
sheegeen in ciidanka Somaliland ka qayb qaatay dagaalka ay kula
jiraan wadaadka la yidhaa Atom ee ka dagaalama puntland dhexdeeda
taas oo aan u aragno gaf iyo meel ka dhac xukuumaddana waxaan ka
codsanaynaa in ay ka tidhaado jawaabta ku haboon.
Waxqabdkii boqolka cisho
Xisbiga UCID waxa uu soo dhaweynayaa wixii wax qabad ah ee sameysay
xukuumadda cusubi.
Waxa xusid mudan oo aan bogaadinaynaa wasaaradaha hoos ku qoran oo
muujiyey waxqabad.
a) Wasaarada Maaliyada
b) Wasaarada Duulista Hawada
c) Wasaarada Arrimaha Dibeda
d) Wasaarada Qorsheynta
e) Wasaarada War-Faafinta instalatoiin
f) Hay'ada Shaqaalaha
Xukuumadu waxqabadkii boqolkii cisho qiimeynta ay sameeyeen oo ay ka
dhigeen fulintoodii balan qaadyadii ay sheegeen boqolkiiba sideetan
ilaa sagaashan, waxay ka dhigantahay imtixaan iyagu sameysteen oo
haddana ay isku saxeen balse qiimeyntii dadweynaha cid madax
bananiba wali way dhimantahay.
Waxa intaas garab socday gafaf iyo khaladaad fara badan oo dhacay
boqolkii cisho oo ay ka mid yihiin.
I. Distoor jebin
II. Xeer jebin
III. Xad gudub xuquuqal insaan
IV. Hab raaca la'aan maamul
V. Cagajuglayn saxaafadeed
Kuwaas oo dhamaantood u baahan sixid.
Inkastooy suno fiican tahay inay xukuumadu soo bandhigto marba waxay
qabato oo aanay ku dhamayn boqol cisho balanqaadayadii hadana waa
inay xukuumadu ku baraaragsanto cadaalad darada ragaadisay
maxkamadaha dalka, shaqo aburis iyo jiheynta dhalinyarta, wax ka
qabadka sicir bararka, hirgelinta suuqa xorta ah ee Ganacsiga iyo
wax ka qabadka baahiyaha nolosha asaasiga ah oo ayaa waajib ku tahay
inay xukuumadu wax ka qabato.
Muuse Xaaji Maxamed Guuleed
Xoghayaha Guuud ee Xisbiga UCID
|