warsaxafadeed
Xisbiga UCID UK, Gudida fullinta
xisbiga UCID shir ay ku yeesheen hotelka Hilton Olympia ee galbeedka
London 08/08/09, warsaxafadeed ay shirkan ka soo saareen wuxuu u
qoraa sidan:
waxaanu cambaareynanaa, go''''aankii
komishinka iyo Xukumadu ku laaleen diiwaan gelintii doorashada ee
waqtiga iyo tacabka badani kaga baxay dadweynaha Somaliland iyo
deeqbixiyayaash caalamka ee Somaliland taageera.
Anagoo ka duulana soona xiganayna sharciga, distoorka xeerarka
qaranka Somaliland ee hoos ku xusan:
Qodabka 9aad eed distoorka, farqada kowaad,
• In nidaamka siyaasadeed ee Somaliland waxa saldig u ah nabad,
talawadaag, dimoqoraadi iyo hanaanka xisbiyada badan
• Xeer dhaqameedka, asxaabta siyaasadeed ee diiwaangelinta
codbixiyayaasha
• Xeerka diiwaan gelinta 37/2007.
• Xeerka doorashooyinka 20/2001
• Go''''aankii komishanka qaranka ee qaabka hawlgalka Server-ka &
mudaynta heshiiska { Code of Conduct} ee xisbiyada qaranka.
Go''''aanka komishanka qaranka iyo Xukuumada wuxuu baal marsan yahay
xeerarka ka soo baxay, Hayadaha sharciga ee Somaliland iyo xeerarkii
ay wada saxeexdeen saddexda xisbi qaran iyo komishinku
doorashooyinka. Waa go''''aan luugu talagalay in lugu wiiqo geedi
socodka dimoqoraadiyada Somaliland, laguna burburinayo Somaliland.
Hadaba waxaanu hogaanka sare xisbiga ku taageeraynaa kuna sii
dhiirigelinaynaa:
1. Inaan marnaba xisbiga UCID aqbalin, kana qayb gelin, doorosho
diiwan gelin la''''aan ah, oo aan ku salaysnayn natiijada ka soo
baxday Server-ka.
2. Waxaan ku taageraynaa xisbiga UCID: Inaanu lala shaqayn,
kalsoonidna lagala noqda komishanka qaranka, inta laga bedelayo
hogaanka sare ee komishanka oo noqday mid: dhinac ah, musuqmaasaq
ah, inuu ku shaqeeyo cadaaladna laga filaynin. Markaa waxaanu
leenahay maha komishankii doorashada iyo masiirka ummada Somaliland
lagu aamini lahaa.
3. Waxaanu taageranaa in xisbiga UCID, diyaar u yahay doorashada,
marka la ixtiraamo nidaamka diiwan gelinta ee natiijada Server-ka,
ee ay ku heshiyeen seddexda 3da xisbi qaran iyo komishinka, lana
bedelo hogaanka komishanka.
Waxaanu shacabka Somaliland u soo jeeddinanaa inay difaacdaan,
xuquuqdooda, qaranimadooda iyo dimoqaradiyada Somaliland oo ah mid
qiimo iyo dhiig fara badan ku fadhida, xukumada aan laga yeelin inuu
sidaas ku burburiyo.
Waxaan golayaasha sharci dejinta Somaliland {Golaha wakiilada iyo
Golaha Guurtida Somaliland }u soo jeedinayaa in masuuliyad weyni
wadan ka saaran tahay, wadankiina xaalad khatar ah oo burburin karta
ku jiro, waxaanu ka codsanaynaa goloyaasha qaranka inay gutaan
xilkooda distooriga ah ee ka saran badbaadada qaranka iyo ka hortaga
burbur qarran,
Gudida fulinta xibiga UCID UK, angoo oo ku hadlaaya Magaca Xisbiga
UCID UK, iyo taageerayaasha xisbiga, waxa uu Tacsi u dirayaa guud
ahaan shacbiga Somaliland, Xisbiga Kulmiye, gaar ahaana qoyskii iyo
qaraabadii uu ka baxay Guddoomiyihii Ololaha Doorashada Xisbiga
KULMIYE ee Gobollada galbeed Marxuum Cali Maxamed Guuleed (Cali
Maarshaal) oo ku geeriyooday shil baabuur.
waxaan uu ilaahay uga baryayaa, inuu jannooyinkiisa marxuumka ka
waraabiyo, Samir iyo iimaana eheladiisa ka siiyo.
Magacayada gudida fulinta Xisbiga UCID UK ee soo saaray war-saxaafadeedkan:
1. Kosaar Aideed Abdi Kusimaha Gudoomiyaha UCID UK
2. Mustafe C/llahi Aden Xisaabiyaha Guud UCID UK
3. Mohamed Ibrahim Xoghayah Sharciga & Cadaalada UCID UK
4. Zaynab Sahardiid Gudoomiyaha xidhiidh Yurub UCID UK
4. Kaltuun Ibrahim Mogeh Gudoomiyah garab haweenka UCID UK
5. Sacad M. Qawdhan Gudoomiyaha dhalinyarada UCID UK
6. Khader Muse Abiib Xubin UCID UK
7. Keyse Odowa Xubin Gudida Fulinta UCID UK
8. Edna Mahamud Xubin Gudida Fulinta UCID UK
9. Hamse Ahmed Gudoomiyah Media-yaha UCID UK
10. Egeh Osman Kamil Xubin Gudida Fulinta UCID UK
12. Abdi Barkhad Xubin Gudida Fulinta UCID UK
13. Abdiqadir Ismail {Cagaf}Xubin Gudida Fulinta UCID UK
14. Awaalle Farah Xubin Gudida Fulinta UCID UK
15. Ibado Artan Xubin Gudida Fulinta UCID UK
16. Deeqa Botan Xubin Gudida Fulinta UCID UK
Allah Mahad Leh.
Guddiga Fullinta UCID UK
|