Xoghayaha Guud ee UDUB
oo Marxuum Cigaal ku Eedeeyey Masuuliyadda
Dagaalladii Sokeeye
Xoghayaha Guud ee xisbiga talada
haya ee UDUB Mr. Jaamac Yaasiin, ayaa ma daxweynihii geeriyooday ee
Somaliland marxuum Maxamed X. Ibraahim Cigaal ku eedeeyey inuu
masuul ka ahaa dagaalladii sokeeye ee dalka ka dhac ay san nadihii
sagaashanaadkii, kuwaas oo sababay khasaare badan oo naf iyo
ma alba lahaa, isla markaana dad aad u fara badani ka qaxeen
guryahoodii iyo hantidii ay lahaayeen.
Xoghayaha Guud oo toddobaadkan waraysi siiyey shabakadda wararka ee
Hadhwanaagnews, waxa uu caddeeyey inuu aad u qawadsanaa qaabkii
Allaah ha u naxariistii marxuum Cigaal dalka u maamulayey, isagoo ka
sheekeeyey wax yaabihii ay marxuumka isku khilaafeen iyo aragtidiisa
ku waajahan hoggaamintii Marxuum Cigaal.
Mr. Jaamac Yaasiin oo ka hadlayey eedaymaha uu u jeediyey Marxuum
Cigaal oo isagu dhidibadda u taagay xisbiga uu xoghayaha guud ka
yahay ee UDUB, waxa uu yidhi; “Waxaan aaminsanaa mar walba ummadda
Somaliland cidda talada u haysa wixii ay go’aamiso inay fikradda ugu
wanaagsani ahayd in la taageero, wallow layga jeclaa ninkaa Ina
Cigaal oo aan bil-xaqiiqatan ku qawadayay isaga oo
Ra’iisal-wasaarihii ugu horreeyay ee Somaliland noqday inaanu
dhaqdhaqaaqii ururka SNM ka qaybgelin.
Haddana markii odayadii talada loo dhiibay iyo waxgaradkii markaa
joogay garteen in isaga loo dhiibay waan aqbalay, waxaanse ka
biyo-diiday markii dambe dagaalladii ehliga ahaa oo waxaan u arki
waayay nin mideeya markaas oo dadka isku soo dhaweeyay oo
caadifaddii dadkii hareera joogay ay abuureen ee dadkii shalay
halganka meel uga soo wad ajeeday cadaawadii iyo isku dhicii dhashay
waxbaan ka saaray.”
“Markaa inkastoo aan wax ka saaray oo fikirka gaarka ah ee aan qabay
kaas ahaa, haddana kaasi igama horjoogsan inaan la shaqeeyo
xukuumaddii uu Madaxweynaha ka ahaa, sida xaqiiqda ahna waannu wada
shaqaynay ilaa iyo 1995-kii oo dagaalladii kalee eheliga ahaa sii
xooggaysteen oo warar aan sax ahayn oo dad aan danta Somaliland
wadin u geeyeen, isaguna rumaystay oo hawshii Faransiiska aannu ka
wadnay uu joojiyay oo masuuliyaddii xafiiska Somaliland u dhiibay
nin gaal ah oo jinsiyaddiisu Faransiis tahay oo Armenian ah inuu u
dhiibay oo ka dhigay ninka Somaliland u metela Faraas, isaga oo nin
Somaliland ah oo xataa hadduu na beddelayo heli karayey ayuu ninkaa
nagu beddelay, taasina waxay noqotay mid aad u la yaab badnayd,
waana wakhtiga ay kala xidhiidh furmeen Jamhuuriyadda Somaliland iyo
dawladda Faransiiska, waayo nin aan aqoon Somaliland waxay tahay dal
iyo dad toona marka la yidhaahdo masuul baad Faraas uga tahay, dee
waxay ka dhigan tahay masuuliyad cidla’ la dhigay,” ayuu yidhi
Xoghayaha Guud ee UDUB.
Jamhuuriya Online
|