xukuumada
somaliland oo sheegtay in go'aanka
Baarlamaanku soo saareen uu ahaa sharci daro
Wasiirul dawlaha
Wasaarada Arrimaha Gudaha ahna Ku Simaha Wasiirka Madaxtooyada
Somaliland Md. Xasan Axmed Ducaale(Xasan Macalin),ayaa maanta
sheegay in aanay xeerarka iyo sharciga Somaliland midna ka mid ahayn,
go’aankii maalintii shalay ka soo baxay mudanayaasha Golaha
Wakiiladu oo ku baaqayay in laga noqdo Go’aankii Komishinku uu ku
laalay diiwaan gelinta.
Mr. Macalin, Wasiiru dawlaha Arimaha Gudaha Somaliland waxa uu
Golaha wakiilada ku eedeeyay in ay ku guul daraysteen meel marinta
ilaa sedex iyo labaatan xeer(23) oo dalka anfici lahaa kuwaasi oo ay
xukuumadiisu hor ugu gudbisay.
Ku simaha Wasiirka Madaxtooyad Xasan Macalin oo maanta shir jaraa’id
ku qabtay Xarunta Madaxtooyadu, waxa kale oo uu si ba’an u weeraray
Hay’ada Inter peace isaga oo ku sheegay in ay dalka ka xaday lix
cajaladood oo ay ku jiraan macluumaadkii diiwaan gelinta
codbixiyeyaasha.
Mar uu Xasan Macalin ka hadlayay diiwaan gelintii la laalay waxa uu
xusay in ay xukuumadu go’aan cad ka lahayd oo ay rabtay in
diiwaan-gelintu dalka ka qabsoonto ujeedada laga lahaana ay ka mid
ahaayeen in la helo macluumaadka dadweynaha iyo jinsiyada Somaliland
si loo helo kaadhkii aqoonsiga. Taasina ay suurto galin lahayd-buu
yidhi, in la helo doorasho xalaal ah oo si dhib yar oo fudud loo
galo lagana baxo ku celcelinta.
Wasiiru dawluhu isagoo arintaa sii faah faahinaya waxa uu yidhi
““Runtii waxaan u sheegayaa dadka reer Somaliland in diiwaan
gelintii ay dhacday ku celin celin faro badan oo cid waliba ogtahay,
oo dadka qaarna ay hayst aan toban kaadh qofna uu haysto hal
kaadh,taasina wax loo baahnaa may ahayn sharciyan. 96 kun oo qof
ayaa la iska masaxay oo ay yidhaahdeen waxaanu ka gaadhsiin waynay
wakhtigii,waxa jira Kombuyuutaro sadex Gobol ka hawl galay oo
gabigoodiiba la waayay, oo kumanaan qof ku jireen kuwaasi
xuquuqdoodii halkee ayay u marayaan.maalinta doorashadana markay
yimaadaan fawdo ayaa ka imanaysa,”
Wasiiru dawlaha Wasaarada Arimaha Gudaha isla markaana ah ku simaha
Wasiirka guduhu shirkaasi jaraa’id waxa uu ka sheegay inuu ku
wareegay lixda gobol ee Somaliland kuna soo arkay carruur badan oo
kaadhadhkii co dbixinta si aan xeerka waafaqsanayn loo siiyay.
Wasiirul dawluhu mar uu si gaar ah uga hadlayay Hay’ada Inter peace
oo uu sheegay in ay dalka ku haysay dhibaato badan waxa uu tilmaamay
in xeerka Diiwaan gelinta ee 37 uu qorayay in diiwaan gelintu
dhamaato door ashada lix bilood ka hor, in diiwaan gelintu ay
dalka ka socoto bil ugu badn aana sadex bilood iyo inay dalka
maalin ka wada bilaabanto, hasa ahaatee ay la timid-buu yidhi,
nidaam ay iyadu wadatay oo aan xeerkeena ku fadh iyin,
komishankana ay ku tidhi idinkoo nidaamkaas ay wadatay soo
waaf ajiya mooyaane waxba idinla qaban maayo. Waxaanu sheegay in
Arrintaasi xukuumad ahaan ay aad ugu adkayd hantida qudha ee ay
haystaana ay xeerarka ahayd kuwaasi oo aan hore loogu cabudhin.
Wasiirul dawluhu mar uu arintaasi si wayn u sii faah faahinayay waxa
uu yidhi “ Markii ay isa soo taagtay inay dalka ka baxdo iyo in
xeerarkaasi sidaasi loo bedelo ayay nagu kaliftay inaanu bedelo,
sidaasi ayaanu ugu gudbinay Goleyaasha Baarlamaanka goleyaashuna way
bedeleen oo waxa la waafajiyay sidii ay iyadu (Interpeace) wadatay
taasina hagar daamo ayuu ahaa. Markii la diyaariyay qandaraasku lagu
bixinayay hawl galkii diiwaan gelinta waxa uu markii u horeysay u
qornaa heer aad u wanaagsan oo heerkiisu (level)-kiisu Yurub ahaa oo
haddii aynu runtii qaadan lahayn aanu khasaaraha inagu dhacay aanu
nagu dhaceen.”
Wasiirku wuxuu Interpeace ku dhaleeceeyay inay qandaraaskii diiwaan
gelinta siisay shirkad la yidhaahdo Copenhegan, oo waligeed aan wax
shaqo ah qabanin, waxa kale oo uu xusay inay keentay mishiino iyo
Kombuyuutaro tayo xun oo aan ka soo bixi karin baaxadii culayskii
diiwaan gelinta.
Md. Xasan Axmed Ducaale, wuxuu ayaan darro ku tilmaamay siyaasiyiin
uu sheegay inay Interpeace ku taageerayeen inay dalka kala goyso
waxaanu yidhi“Haayada Interpeace waxay tidhi Gobolka Sool iyo Sanaag
Bari wax aanu ka galaynaa ma jirto qalabkayaguna tagi maayo wax
lacag ah oo aanu ku bixinaynaana ma jirto oo diiwaan gelintu ka
dhici mayso, waxaanay ku tallo gashay inay rag badan oo siyaasiyiin
ah oo Somaliland u dhashay oo hunguri siyaasadeed lihi ay ku
taageerayeen aad iyo aad baan uga xumah ay oo ay gacan ku
bixiyaan in dalka la kala gooyo waxaanu ku adkaysanay in xukuumad
ahaan inta laga qaban karo laga qabto. Oo qalabkii uun baanu ka
barinay lacagtiina xukuumadii ayaa bixisay, sidaasi ayaanu dalkuna
meel ku wada maray.
Mustafe Future
Longlivesomaliland News Desk
Hargeisa Somaliland
|