Yaan lagaa qorine, qiimahaaga ilaasho!
Qormadii tobnaad
Halhays Soomaaliyeed baa wuxu yidhaahdaa, "
Sidi sididaada mooyiye
dhul-u-dhacaaga hub so."
Maahmaah Ingiriisiya ayaa iyaduna waxay tidhaahdaa, "
Don't count your eggs before they
hatch!" oo macnaheeda oo koobani yahay; beedkaaga
(ukuntaada) ha tirin illaa inta uu ka dillaacayo!
Waayo, haddii aad sii tirsatid isaga oo aan beedku
dillaacin oo ay qaar xumaadaan; mar do wn xisaab kale
ayaa kuu soo bixi doonta!!
Waxaynu tusaalahaasi uga danleenahay, waxa laga yaabaa;
in ay xisbiyadeenna qaarkood u bogeen tirada
taageerayaasha ah ee fagaarayaasha u iman jirtey oo ay
kursiga ku sii fad hiisteen - iyada oo aan natiijo soo
bixin. Taasi oo laga yaabo, in ay mar dhoow liqi kari
waay aan inta u soo baxda ee dhabta ah!
Haddaba, waxad murashax/taageere ogaataa, inta
codaynaysaa in aanay ahayn intii timid fagaarayaasha ee
ay tahay; inta kaadhka haysata ee maalintaasi codaysa.
Sidaa awgeed, sarajoogga ha ku sii ataxiyaadsanin ee
naftaada u sii sheeg; in ay aqbasho go'aanka rasmiga ah
ee ka soo baxa doorashada.
Raganimadu ma aha: in aad cadhootid, caytantid ama aad
dagaalantidba. Raganimadu wax ay ku jirtaa, qarqarsiga
naftaada iyo qabashadeeda marka ay arrinto qadhaadhto!!
Guntii iyo gabogabadii, qaranku ka qaro weyn qof iyo
qabiilba.
Ha noqonin," boqol soonkii
bakhtiga ku afuray!"
Macnaha aynnu u-la-jeednaa waxa weeye, ayay khaatumadu
kaa xumaanin ee qaranka u tudh!!
Wa bilaahi at-towfiiq
Cabdullaahi Maxamed Cumar
Email: timacadde56@hotmail.com
Yaan lagaa qorine, qiimahaaga ilaasho!
Waa qormadii sagaalaad
Waxa la yidhi, " Cimri dhammaaday
ceeb laguma sagootiyo!'
Haddaba waa ceeb ifka ah, in rag waaweyn oo weliba
aqoonyahanno sheeganayaa; ay afl aado iyo wax ummadda
kala geenaya oo qabyaalad ku salaysan ay baraha bulshada
iyo wa rbaahinta kalaba la soo dhex fadhiistaan!
Haddii aad magac weyniyo
Martabo sheegan lahayd
Maalin baad silbataa
ood muunaddaada dishaa
Maryahaa fasaqee
ha u maydhmin sidooda!!
Cabdullaahi Maxamed Cumar
Email: timacadde56@hotmail.com
Yaan lagaa qorine, qiimahaaga ilaasho!
Waa qormadii siddeedaad
Ilaahay ha u naxariistee, waxa laga hayaa
Cabdullaah Suldaan (Timacadde):
" Rag
sagaashanka dhaafayoo
Gadhka saynta gammaankiyo
Kabad soohan la moodaa
Sambab loo lululaayoo
Baruur saafiya moodayoo
Oo la sanjeedanayaa!!"
Haddaba, adiga oo nin weyn ah; ayaan sambab laguu
lululin ee sharaftaada ilaasho.
Cabdullaahi Maxamed Cumar
Email: timacadde56@hotmail.com
Yaan lagaa qorine, qiimahaaga ilaasho!
Waa qormadii toddobaad
Halhays Soomaaliyeed baa wuxu yidhaahdaa, "
Nin weyn oo hadal ka dhacay, waa
geed qolofi ka dhacday."
Waxa kale oo la yidhaahdaa, saddex waa loo meel dayaa; "
codkaaga,
cagtaada iyo
candhuuftaada."
Haddaba, xilligan xasaasadda iyo xamaasadda xambaarsan;
iska ilaali inaad xumaan iyo xas arad abuurtid oo
xurmadaadii sida xoorka u gudho!!
Cabdullaahi Maxamed Cumar
Email: timacadde56@hotmail.com
Yaan lagaa qorine, qiimahaaga ilaasho!
Waa qormadii shanaad
Halhays Soomaaliyeed baa wuxu yidhaahdaa, "
Doqoni meel lagu ficiltamay, ayay
mooddaa in lagu kala dhintay!"
Haddaba, loolanka siyaasadeed ee maalmaha soconayaa,
ayuu maydhin magacaaga iyo mu unaddaaba.
Ayaan qiiro Jabbaan iyo qabyaaladdu, qarankaaga
waxyeelin!
Cabdullaahi Maxamed Cumar
Email: timacadde56@hotmail.com
Yaan lagaa
qorine, qiimahaaga ilaasho!
Qormadii Afraad
Waxa la yidhi, " Dhidar xabaalo
qoday, qudhun buu uga dhacaa."
Haddaba waxa habboon, in aad ka fogaatid soo faqidda
nabarada bulshada ee bogsadey. Iyada oo aad uga dan
leedahay ujeeddo yar oo maalinle leh ama dan yar oo
habeeno ah.
Xasuusnow Islaamnimadaada iyo waxay diinteenna suubani
ka qabto, qofkii fitno huruda toosiya!
Ifku waa ayaamee, aakhiro xasuusnow.
Cabdullaahi Maxamed Cumar
Email: timacadde56@hotmail.com
Yaan lagaa
qorine, qiimahaaga ilaasho!
Waa qaybtii saddexaad ee
qormadan aynnu maalmahanba soo wadney oo ay dulucdeedu
tahay, waano iyo wax-isu-sheeg ee ku soo dhawoow
akhriste mar kale.
Waxa la yidhi, " Saddex lalama
dego." kuwaasi oo kala ah:
•
Fule daandaansi yaqaanna
•
Bakhayl damac yaqaaanna
•
Iyo doqon fiiro taqaanna
Haddaba saddexdaasi midna ha noqonin ee magacaaga iyo
muunaddaadaba ilaasho.
Cabdullaahi Maxamed Cumar
Email: timacadde56@hotmail.com
Yaan lagaa
qorine, qiimahaaga ilaasho!
Qormadii Labaad
Nabad akhristayaal, waa qormadeenii labaad ee
qorshaheedu ahaa; in ay qaladaadka dhac aayiyo
qoomankeenna daweyso!!
Maahmaah Soomaaliyeed ayay gobo'deedu tahay (It's
central idea), in ay laba qof geerida ada jecel
yihiin.
labadaasi qof oo kala ah, " Diric
shisheeye iyo doqon sokeeye"
Haddaba, kolley noqon maysid diric shisheeye ee ha
noqonin doqon sokeeye!!
Cabdullaahi Maxamed Cumar
Email: timacadde56@hotmail.com
Yaan lagaa
qorine, qiimahaaga ilaasho!
Akhristayaal Salaan kaddib, halhays Soomaaliyeed ayaa
wuxu yidhaahdaa, "Waa la doogi ye,
yaan la dacaroon."
Dad badan baa leexda xilliyada adag oo darjiidha!
•
Hadalkaa deden
•
Ee la saaray daboolka
•Adigu
sii dildilaacso!
Cabdullaah Maxamed Cumar
Email: timacadde56@hotmail.com
|